WEMŪꞌE HAP 9
Kan aimowepīt kuap aheꞌaito aheharyꞌi aimempytꞌīn wȳwo.
1. Kat pote asom waku watemenaru cartório pe.
Ieuwa iwepīt kahato rakat toig̃neꞌen miꞌi pote toikyꞌesat seꞌaito seharyꞌi taꞌatumempytꞌīn wȳwo taꞌatuwepīt kahato hap wy. (Ekeresiasi 3:12, 13) Tupana ti rat inug̃ woꞌomenaru hap miꞌi pote toikyꞌesat kahato haryporia hawyi ihaig̃nia toꞌomenaru sese hap. Miꞌitā̃ pote toꞌowȳwo taꞌatuerohik poꞌog̃ hamo taꞌatumempytꞌīn. Miꞌi pote ti aikotā̃ morekuaria piat aipoꞌoro hap ewy Iesui Mohey Sese Haria teꞌeremenaru cartório pe. Itote woꞌomenaru terān haria teꞌereset wan popera ete toꞌomenaru hap moherep hamo.—Etimowempāp o Iruka 2:1, 4, 5.
Karāmpe haryporia hawyi ihaig̃nia teꞌeremenaru raꞌyn hawyi Tupana wanentup hawe wentup ewy yn tukupteꞌen. Ȳt toikyꞌesatꞌi woꞌomenaru hat hewaire iraniaꞌīn wȳwo hap. (Epereu 13:4) Maꞌato iraniaꞌīn meij̃uran epote ȳt toꞌokyꞌesatꞌi poꞌog̃ hawyi tuwat cartório kape mekewat toꞌomenaru hap popera aporok hamo raꞌyn. Miꞌi hap ete Tupana tuweukaꞌi kahato. (Marakia 2:16) Maꞌato karāmpe wentup ok tunug̃ sewaire hap iraniaꞌīn wȳwo pote. Kotā̃ e hap karāmpe seꞌaito tunug̃ sewaire hap iraniaꞌīn wȳwo pote iharyꞌi tiꞌaira kuap toꞌoꞌatoiat hap sio toꞌowȳwo te tukupteꞌen hap. Toꞌoꞌatoiat pote iharyꞌi temenaru kuap iraniaꞌīn wȳwo iraꞌyn.—Etimowempāp o Mateu 19:3-6, 9.
2. Aikotā̃ me asom seꞌaito seharyꞌi waku poꞌog̃ tukupteꞌen toꞌope.
Ieuwa tikyꞌesat seꞌaito seharyꞌi toꞌopowȳro kahato hap. (Ienesi 2:18) Seꞌaito waku ipotpap teharyꞌi tomempytꞌīn piat kat koꞌi kat koꞌi kyiat hamo iꞌewȳte waku toiꞌatumūꞌe Tupana etiat wy. Woꞌopotkyꞌe hat seꞌaito tenentup teharyꞌi kape. Waku miꞌiria toꞌokyꞌe kahato iꞌewȳte toꞌomontypot wy. Torānia ti iꞌaparap haria. Miꞌi pote waku watiwāure aiwyriaꞌīn miꞌaparap koꞌi. Watiwāure pote aiwepīt kahato hamo watukupteꞌen.—Etimowempāp o Ewesu 4:31, 32; 5:22-25, 33; 1 Peteru 3:7.
3. Kat eig̃ Tupana Ehay woꞌoꞌatoiat hap etiat.
Torānia woꞌomenaru haria ete putꞌokꞌe niatpo hap koꞌi maꞌato woꞌokyꞌe hap toig̃ mote taꞌatuꞌakit hamo niatpo hap koꞌi. (1 Kurintiu 13:4, 5) Tupana Ehay henoi niatpo putꞌokꞌe ahete turān eiwoꞌoꞌatoiat reiꞌo e.—Etimowempāp o 1 Kurintiu 7:10-13.
4. Kat hag̃ Tupana tikyꞌesat mempytꞌīn piat hap.
Ieuwa tikyꞌesat mempytꞌīn iꞌatuwepīt sese hap miꞌi pote tehay puo pyi tohoꞌonãpin kahato. Ieuwa tikuap ȳwotꞌīn nyꞌīn ikuap poꞌog̃ taꞌatumempytꞌīn kai hap. Miꞌi pote taꞌatuhoꞌomūꞌe kuap kat koꞌi kat koꞌi ete iꞌewȳte taꞌatuhoꞌopowȳro kuap taꞌatumempytꞌīn. (Korosi 3:20) Waku mempytꞌīn tihaymohey kahato Ieuwa wy. Taꞌatunug̃ Ieuwa mikyꞌesat iꞌewȳte Iesui mikyꞌesat pote iꞌatuwepīt sese hamo.—Etimowempāp o Ekeresiasi 11:9–12:1; Mateu 19:13-15; 21:15, 16.
5. Aikotā̃ meig̃ ȳwotꞌīn nyꞌīn hoꞌopowȳro kuap taꞌatumempytꞌīn mowepīt hamo.
Mempytꞌīn tikyꞌesat ri sokpe miꞌu koꞌi iꞌewȳte netap tukupteꞌen hamo. (1 Timoteu 5:8) Maꞌato iꞌatuwepīt sese hamo taꞌatukyꞌe Tupana pote yn iꞌewȳte taꞌatukuap Tupana etiat pote yn wy. (Ewesu 6:4) Miꞌi hap etiat waku ȳwotꞌīn nyꞌīn hoꞌomūꞌe taꞌatumempytꞌīn. Maꞌato aikotā̃ meig̃. Taꞌatuminug̃ wakuat koꞌi puo pyi. Taꞌatukyꞌe Tupana pote taꞌatumempytꞌīn ikyꞌe kuap wy Tupana iꞌewȳte taꞌatuhoꞌomūꞌe kuap Tupana Ehay puo pyi. Miꞌi hap puo pyi iꞌatumempytꞌīn tiꞌaira hamo waku rakat.—Etimowempāp o Teturonamia 6:4-7; Porowepiu 22:6.
Karāmpe mempytꞌīn tunug̃ waku kahato rakat pote ȳwotꞌīn nyꞌīn waku kahato eminug̃ uimempyt iꞌatuꞌe waku. Iꞌewȳte taꞌatuhoꞌomūꞌe taꞌatumempytꞌīn waku waĩ iꞌatuꞌe wy. Miꞌi pote taꞌatumempytꞌīn hoꞌopot sese hamoꞌi. (Porowepiu 13:24) Iꞌewȳte ȳt nakuꞌi taꞌatuꞌapiheg̃ apiheg̃ kahato ȳt nakuꞌi taꞌatuꞌahyk ahyk kahato taꞌatumempytꞌīn wy.—Etimowempāp o Korosi 3:21.
Ieuwa Ehay Enoi Haria koꞌi wat toig̃ kahato popera koꞌi Tupana Ehay puo pywiat. Miꞌi koꞌi hoꞌopowȳro kuap kahato ȳwotꞌīn nyꞌīn mempytꞌīn Tupana Ehay woꞌonãpin hap koꞌi puo pyi.—Etimowempāp o Saumu 19:7, 11.
Etimowempāp kuap poꞌog̃
EWEPĪT KUAP EꞌAITO EHARYꞌI EMEMPYTꞌĪN WȲWO
Tupana epowȳro kuap waku pe ereig̃neꞌen eꞌaito eharyꞌi wȳwo
Typy ok apo e hap koꞌi puo pyi eiwoꞌomowepīt kuap ewoꞌomenaru hawe.
EWEPĪT KUAP EꞌAITO EHARYꞌI EMEMPYTꞌĪN WȲWO
Aikotā̃ meig̃ eweiꞌakīt kuap niatpo hap koꞌi
Woꞌomenaru haria toꞌoꞌehay tuereto pote taꞌatumoheg̃ hamo iꞌatumowemaru hap iꞌewȳte iꞌatumowepīt hamo wy.
