WEMŪꞌE HAP 7
Aikotā̃ me aru Ieuwa Aiporekuatno.
1. Aikotā̃ me aru Ieuwa Aiporekuatno.
Kat pote asom Iesui Porekuat yn poꞌog̃ waku torānia kai.— MAKU 1:40-42.
Ieuwa tiꞌaira tosaꞌyru Iesui Aiporekuatno hamo.—Etimowempāp o Iesui Aru E Hap 11:15.
Iesui ti Morekuatno raꞌyn atipy pe. Miꞌi hap puo pyi Tupana tunug̃ yne hamuat tomikyꞌesat koꞌi atipy pe hawyi mesūwat yi tote iꞌewȳte aimikyꞌesat koꞌi tutunug̃ yne hamuat wy. Meij̃uran epote Ieuwa tiꞌatupuruk yne hamuat raꞌyn mesūwat yi totiaria morekuaria koꞌi. Miꞌi rakirẽ atipy tote pyi miꞌi hamo raꞌyn Morekuatno. Miꞌi turān mītꞌīn tukupteꞌen hamuat wentup awy hamo yn naꞌyn. Miꞌi hap aru sese waku.—Etimowempāp o Saumu 110:5, 6; Mateu 6:9, 10; 24:14.
Erehaꞌat o pyno video O Que É o Reino de Deus? e hap kape
2. Kat pote asom Iesui Porekuat yn poꞌog̃ waku torānia kai.
Iesui Porekuat yn poꞌog̃ waku torānia kai. Kat pote miꞌi yn inug̃ kuap wakuat koꞌi iꞌewȳte miꞌi hampȳk kahato rakat hawyi miꞌi hesaika kahato rakat wy. (Mateu 11:28-30) Miꞌi pote ti Iesui atipy tote pyi tohoꞌopowȳro kuap kahato hamo mītꞌīn. Karāmpe Iesui taꞌaipok iraꞌyn atipy kape hawyi ȳt Morekuatno tiꞌi toig̃neꞌen maꞌato tohekatup toꞌȳwot piat — Korā̃ pyi en ni naꞌyn Morekuatno e hap. (Epereu 10:12, 13) Maꞌato ti mio Iesui Morekuatno raꞌyn atipy pe iꞌewȳte yne mesūwat yi totiaria Porekuatno hamuat wy.—Etimowempāp o Tanieu 7:13, 14.
3. Uwe aru Iesui wȳwo morekuatno atipy pe.
Tupana miꞌaira koꞌi yn tukupteꞌen hamuat atipy pe Iesui wȳwo morekuatno. Tupana Ehay henoi iꞌatuetiat — Tupana miꞌairoria mītꞌīn porekuaria wo e. (Iesui Aru E Hap 5:10) Saꞌawyꞌi wuaria Ieuwa miꞌairoria ti Iesui potmūꞌeria 12 ok takaria ti. Miꞌi rakirẽ tohoꞌoꞌaira iraniaꞌīn haryporiaꞌīn ihaig̃niaꞌīn. Maꞌato korā̃ Ieuwa hoꞌoꞌaira te tomiꞌairaria koꞌi wo tukupteꞌen atipy pe hamo. Ieuwa miꞌairaria iꞌatukuꞌuro hawyi toiꞌatuhymūt hamo g̃uꞌuro pyi tukupteꞌen atipy pe hamo. Itote maꞌãu wo hamo tukupteꞌen.—Etimowempāp o Iuwãu 14:1-3; 1 Kurintiu 15:42-44.
Maꞌato karānia asom Tupana miꞌairoria koꞌi. Toiꞌaira 144 miu rakaria. Miꞌiria yn tukupteꞌen hamo Iesui wȳwo atipy pe morekuatno. Miꞌi pote Iesui toꞌe iꞌatuepe — Uihũria koꞌi ewywuatno eipe are e. Ȳt typyꞌi kahatoꞌi eipe e. — Iruka 12:32.—Etimowempāp o Iesui Aru E Hap 14:1.
4. Kat rig̃ Iesui tunug̃ Morekuatno raꞌyn toig̃neꞌen atipy pe hawyi.
Karāmpe Iesui Morekuatno raꞌyn toig̃neꞌen atipy pe hawyi toiꞌatuꞌokhytpug̃ha raꞌyn itote pyi ahiag̃ hawyi ahiag̃niaria koꞌi mesūwat yi kape. Miꞌi hap tutunug̃ anu 1914 pe. * Miꞌi hawyi ti ahiag̃ ipyꞌahak kahato raꞌyn miꞌi pote tohoꞌomosoꞌopot kahato raꞌyn mītꞌīn mesūwat yi oktān. (Iesui Aru E Hap 12:7-10, 12) Miꞌi pote anu 1914 pyi poꞌog̃ naꞌyn toig̃ saꞌag̃ hap koꞌi. Korā̃ toig̃ kahato mesūwat yi tote syꞌat hap wuꞌuka hap ahū hap iꞌewȳte yi tyryꞌe hap. Miꞌi hap koꞌi timoherep pyaꞌi raꞌyn Iesui mītꞌīn Porekuatno toig̃neꞌen mesūwat yi tote atipy tote pyi hap.—Etimowempāp o Iruka 21:7, 10, 11, 31.
5. Korā̃ kat hap eteig̃ Tupana Porekuat hoꞌopowȳro mītꞌīn.
Tupana Porekuat hoꞌopowȳro mītꞌīn Tupana Ehay kuap hap ete. Mesūwat yi oktān mītꞌīn tiꞌaira Tupana Porekuat taꞌatuporekuatno. Miꞌiria tukupteꞌen wentup mīt ewy yn iꞌewȳte taꞌatuehaymohey Iesui taꞌatuporekuatno hap. Tupana Porekuat timomã hamuat saꞌag̃ nug̃ haria ȳt wakuariaꞌi. Miꞌi turān toiꞌatukawiano hamo tomikyꞌesat nug̃ haria. Miꞌi pote taꞌatukawiano hap taꞌatukyꞌesat pote waku taꞌatuehaymohey Iesui.—Etimowempāp o Iesui Aru E Hap 7:9, 14, 16, 17.
Iesui puo pyi Tupana tunug̃ hamuat saꞌawyꞌi wuat toꞌe hap koꞌi iꞌewȳte tutunug̃ yne hamo toꞌe hap koꞌi ewy. Iesui atipy tote pyi yi Porekuatno hamo toig̃neꞌen wentup 1 miu anu turān. Miꞌi turān toimompakup hamo mesūwat yi nusuken wo. Miꞌi hawyi Iesui toꞌe hamo toꞌȳwot pe — Korā̃ epo pe raꞌyn en hamo raꞌyn torānia mītꞌīn Porekuatno wuatꞌi eꞌāt pe hamo ereig̃neꞌen e. (1 Kurintiu 15:24-26) Meig̃muewuat sehay wakuat koꞌi kuap haria terān apo ehoꞌokuap.—Etimowempāp o Saumu 37:10, 11, 29.
^ parágrafo 6 Etikuap poꞌog̃ hamo Tupana Aru e hap anu 1914 piat waku erehaꞌat popera Você Pode Entender a Bíblia! e hap página 217-220 pe.
