PARTE 3
Aikotā̃ seg̃ke Nusuken notiat weig̃neꞌen hap
Ieuwa tum torānia wakuat koꞌi Atãu hawyi Ewa pe. Ienesi (Gênesis) 1:28
Atãu toig̃neꞌen tuweran. Miꞌi hawyi Tupana tunug̃ wentup haryporia hawyi tutum Atãu eharyꞌi wo. Het ri Ewa e. (Ienesi [Gênesis] 2:21, 22)
Ieuwa tunug̃ Atãu hawyi Ewa ȳt iꞌaparap hap wȳwoꞌi.
Miꞌiria ti tukupteꞌen Eteĩ e hap tote ikahu kahato rakat rote miꞌi tote ti toig̃ yꞌy mikoi ywa hawyi hũria koꞌi.
Tupana Ieuwa ihay tuereto iꞌatuwȳwo hawyi toiꞌatumūꞌe. Teꞌerenentup Tupana e hap koꞌi kapiat pote wuatꞌi eꞌāt pe tukupteꞌen hamuat mesūwat yi Nusuken note.
Ienesi (Gênesis) 2:16, 17
Tupana toꞌe iꞌatuepe — Ȳt ewetuꞌu teiꞌo wentup mikoi ywa totiat e.Maꞌato wentup anjo tuwemompyꞌahakꞌi Tupana ete. Miꞌi set ri ahiag̃ e.
Tupana Ieuwa ihay atipy kaipyi hawyi toꞌe — Mekewat mikoi ywa ȳt ewetuꞌu teiꞌo e. Sio ewetuꞌu raꞌyn mekewat mikoi ywa hawyi ti aru meremo topyhuꞌat eikuꞌuro hap e.
Ahiag̃ ȳt tikyꞌesatꞌi Atãu hawyi Ewa Tupana montypot hap. Miꞌi pote ahiag̃ timoꞌakag̃ꞌia Ewa moi puo pyi hawyi toꞌe — Etuꞌu ywa pote ȳt ekuꞌuro hamoꞌi. Maꞌato ereig̃neꞌen Tupana ewy hamo e. Maꞌato heso neꞌi miotã e. (Ienesi [Gênesis] 3:1-5)