PARTE 14
Aikotā̃ meig̃ etimoherep kuap etikyꞌe Tupana hap
Etunug̃ o Ieuwa mikyꞌesat yn. 1 Peteru (1 Pedro) 5:6-9
Ȳt etunug̃ teiꞌo Tupana Ehay piat ȳt katꞌi seko rakat. Erekenꞌẽ teiꞌo Ieuwa mikyꞌesat nug̃ hamo.
Etimontypot o Tupana Morekuat yn. Ȳt etihanīk teiꞌo mesūwat yi totiaria mītꞌīn morekuaria upi neꞌi iꞌewȳte ȳt ehehay saꞌag̃ teiꞌo muap upi morekuaria etiat.
Mateu (Mateus) 7:24, 25
Etiꞌaira poꞌog̃ waku rakat erenentup Tupana ehay kapiat hap.Ereto o Ieuwa Ehay Enoi Haria waꞌatunug̃ hap kape. Miꞌiria epowȳro hamo Ieuwa wyꞌok wo ereig̃neꞌen poꞌog̃ hamo.
Etiꞌywoporo o eremūꞌe Tupana Ehay etiat hap miꞌi hawyi etimontypot yne o Tupana woꞌonãpin hap koꞌi.
Karāmpe epiat Ieuwa mohey hap hesaika raꞌyn miꞌi hawyi o etum eweig̃neꞌen hap Ieuwa pe ewesetꞌok hap puo pyi. (Mateu [Mateus] 28:19)
Erenentup o Tupana ehay kape iꞌewȳte etimowempāp Tupana Ehay. Ieuwa Ehay Enoi Haria epowȳro hamo etikuap poꞌog̃ Tupana Ehay etiat hamo. Miꞌi hawyi o etimontypot yne ewemūꞌe hap koꞌi Tupana Ehay piat. Miꞌitā̃ etunug̃ mote wuatꞌi eꞌāt pe ereig̃neꞌen hamuat. (Saumu [Salmo] 37:29)