PARTE 8
Kat pote asom Iesui ikuꞌuro
Iesui kuꞌuro hap puo pyi watukupteꞌen kuap hamuat wuatꞌi eꞌāt pe. Iuwãu (João) 3:16
Iesui ikuꞌuro myẽꞌym eꞌāt raꞌyn hawyi myẽꞌok haryporiaꞌīn teꞌeruwat raꞌyn Iesui sȳp hap epiok hamo. Maꞌato ȳt taꞌatupuentiꞌi raꞌyn Iesui katupono Ieuwa tiõtem raꞌyn Iesui g̃uꞌuro pyi.
Mesup tān epote ti Iesui tuwemoherep taꞌyn topotmūꞌeria kape.
Ieuwa timoehaig̃te raꞌyn Iesui g̃uꞌuro pyi miꞌi hawyi Iesui toig̃neꞌen maꞌãu wo raꞌyn sese hesaika kahato rakatno raꞌyn. Miꞌi pote karāmpeꞌi poꞌog̃ ikuꞌuro kuap. Miꞌi hawyi toto raꞌyn atipy kape. Torānia ipotmūꞌeria teꞌeraꞌakasa iꞌām hap kape.
Tanieu (Daniel) 7:13, 14
Ieuwa tihymūt Iesui g̃uꞌuro pyi hawyi toig̃neꞌen Morekuatno atipy pe.Iesui ikuꞌuro minug̃ saꞌag̃ koꞌi upi mītꞌīn hakyeraꞌat hamo. (Mateu [Mateus] 20:28) Iesui kuꞌuro hap puo pyi Tupana tum ahepe wuatꞌi eꞌāt piat weig̃neꞌen hap.
Ieuwa tiꞌaira Iesui Morekuatno mesūwat yi tote. Iwȳwo aru 144 miu (144.000) rakaria mesūwat yi totiaria. Misȳp koꞌi iꞌatuehaig̃te hamo hawyi tukupteꞌen atipy pe hamo Iesui wȳwo. Iesui hawyi 144 miu rakaria inug̃ hamo Tupana Morekuat atipy pe. (Iesui Aru E Hap [Apocalipse] 14:1-3)
Tupana Morekuat timompakup hamuat mesūwat yi Nusuken wo. Miꞌi hawyi ȳt katꞌi poꞌog̃ hamuat wuꞌuka hap iꞌewȳte sehakyꞌeꞌi hap.
Miꞌi hawyi ti aru mītꞌīn sese raꞌyn iꞌatuwepīt kahato tukupteꞌen. (Saumu [Salmo] 145:16)