Teꞌeremenaru hawyi ihaig̃nia sio haryporia toiat toꞌȳwot toty toig̃neꞌen teharyꞌi teꞌaito wȳwo hamo. Miꞌitā̃ maꞌato eremenaru hawyi etikyꞌe kahato eꞌȳwot ety maꞌato etikyꞌe poꞌog̃ eꞌaito eharyꞌi iꞌatukai. Niatpo kahato ewyriaꞌīn ete eremenaru hawyi. Maꞌato Tupana Ehay piat woꞌonãpin hap koꞌi epowȳro kahato kuap waku pe ereig̃neꞌen hamo. Kotā̃ e hap. Woꞌowese hatno ereig̃neꞌen ewyriaꞌīn wȳwo iꞌewȳte ewyriaꞌīn emikyꞌe kahato wȳwo wy.

KAN TUPANA EHAY AIMŪꞌE — Etimontypot ro eꞌȳwot ety e. (Ewesu 6:2) Waku etimontypot eꞌȳwot ety ehire pyi te nag̃nia kape turān. Iꞌewȳte hotꞌokꞌe ēte waku eꞌaito sio eharyꞌi teropat iꞌȳwot ity wy. Eꞌaito eharyꞌi ekyꞌe kahato miꞌi pote ȳt nakuꞌi ehayꞌywyi iꞌȳwotꞌīn woꞌoꞌehik hap ete. — 1 Kurintiu 13:4; Karasia 5:26

KAN ETUNUG̃ KUAP.

• Ȳt nakuꞌi ehay eꞌaito eharyꞌi wȳwo — Ewyriaꞌīn ihay saꞌag̃ tuereto uhetiat ȳt ereꞌi sio ety karampeꞌi tikyꞌesat uiminug̃ koꞌi ȳt ereꞌi.

• Waku erehaꞌat eꞌaito eharyꞌi wanentup hap kape.

KAN TUPANA EHAY AIMŪꞌE — Ihaig̃nia toiat toꞌȳwot toty hawyi toig̃neꞌen teharyꞌi wȳwo wentup pīt yn naꞌyn wentup wanentup hap ewy yn naꞌyn e. (Ienesi 2:24) Eremenaru hawyi asuwe eꞌȳwot ety teropat. Miꞌi pote iꞌatuehay kahato ewoꞌomenaru hap etiat kat som waku etunug̃ sio kat som ȳt nakuꞌi etunug̃ hap etiat.

Eiꞌȳwotꞌīn eityꞌīn eiwoꞌomenaru hap etiat iꞌatuehay neꞌi pote waku ehehay iꞌatuwȳwo perupꞌi popuo — Uiꞌȳwotꞌīn ȳt nakuꞌi ehehay uiwoꞌomenaru hap ete waku eweiꞌe. (Porowepiu 15:1) Eweimoherep terān eikyꞌe hap eiwyriaꞌīn ete eiminug̃ koꞌi puo pyi pote waku eweimoherep mohampȳk rakaria eweikupteꞌen hawyi waku eweimoherep iperupꞌi popuo iꞌewȳte iwoꞌowese hap wȳwo. — Ewesu 4:2

KAN ETUNUG̃ KUAP.

• Etipuenti ewyriaꞌīn iꞌatuehay tuereto ewoꞌomenaru hap etiat pote waku ehay eꞌaito eharyꞌi wȳwo perupꞌi popuo.

• Eiwyriaꞌīn iꞌatuehay tuereto eiwoꞌomenaru hap etiat pote waku eweiꞌaira kan waku ewetunug̃ hamuat hap etiat.