Waku airānia watāt dinheiro aiwyriaꞌīn eropat hamo. (Porowepiu 30:8) Tupana Ehay henoi ahedinheiro aikawiano kuap. (Ekeresiasi 7:12) Etipuenti kuap niatpo ehay eꞌaito eharyꞌi eweteweru hap etiat. Ȳt nakuꞌi epyꞌahak neig̃ eweiwuꞌuka eꞌaito eharyꞌi wȳwo dinheiro kaipyi. Waku eweiꞌaira aikotā̃ aru eweimomã dinheiro hap. (Ewesu 4:32) Miꞌi pote waku eiwoꞌomohey kahato hawyi eiwoꞌopowȳro kahato wy.

KAN TUPANA EHAY AIMŪꞌE — Pyno wentup ok tunug̃ nerān ywaiti rakat tawa apykok hamuat hap pote tuwanetup kahato karānia upi miꞌi hap nug̃ hamuat e. (Iruka 14:28) Waku kahato en hawyi eꞌaito sio eharyꞌi eweiꞌaira eiwoꞌowȳwo aikotā̃ aru eweimomã ehedinheiro hap. (Amui 3:3) Kotā̃ e hap. Waku erenentup kat koꞌi kat koꞌi eweikyiꞌat hamo sio karānia upi eweimomã kuap hap. (Porowepiu 31:16) Waku weꞌeg̃ wo eweikupteꞌen. Miꞌi hamo waku ewetenentup aikotā̃ me eweimomã dinheiro hap. Ȳt nakuꞌi eiweteweru kahato. Eweimomã o ehedinheiro yn. — Porowepiu 21:5; 22:7

KAN ETUNUG̃ KUAP.

• Mês kahuro hawyi waku eweiꞌaira kan waku ewetunug̃ dinheiro eĩpyt rakat wȳwo. Etimomã teiꞌo edinheiro heĩpy rakat.

• Etimomã yne sese teiꞌo e dinheiro. Kotā̃ e hap. Ȳt etikyiꞌat reiꞌo sese kat koꞌi kat koꞌi ereteweru hap wo neꞌi.

KAN TUPANA EHAY AIMŪꞌE — Hampȳk kahato yn areig̃neꞌen nerān wuatꞌi mītꞌīn wanetup hawe iꞌewȳte Tupana wanetup hawe e. (2 Kurintiu 8:21) Miꞌi pote ehenoi eꞌaito eharyꞌi pe karānia dinheiro etāt epotpap hap kaipyi hawyi karānia dinheiro etimomã hap etiat.

Kat koꞌi kat koꞌi upi etimomã dinheiro wȳwo pote saꞌawyꞌi waku ehay eꞌaito eharyꞌi wȳwo. (Porowepiu 13:10) Ehay tuereto eꞌaito eharyꞌi dinheiro etiat pote ereig̃neꞌen kuap woꞌowese hap wȳwo ewoꞌomenaru hawe. Waku erenentup hawe — Uhedinheiro ȳt uiat seseꞌi maꞌato uiwyriaꞌīn wat sese pykai wy ere. — 1 Timoteu 5:8

KAN ETUNUG̃ KUAP.

• Eweiꞌaira kuap karānia dinheiro eweimomã kuap hap.

• Ȳt kat hamoꞌi ehay eꞌaito eharyꞌi wȳwo dinheiro hap etiat putꞌokꞌe niatpo hap koꞌi ēte pote yn neꞌi.