WEMUꞌE HAP 01

Aikotā̃ me asom Tupana Ehay epowȳro kuap.

MIOWAT TUWESOꞌOWYNUG̃ HAMO

Watikuap terān kat pote wahoꞌopot hap g̃uꞌuro hap etiat aikotā̃ hamuat koꞌi hap etiat iꞌewȳte aikotā̃ me aiwepīt kuap aiwyriaꞌīn wȳwo hap etiat wy. Mesūwat yi oktān mītꞌīn tipuenti raꞌyn iwesat hap koꞌi Tupana Ehay puo pyi iꞌewȳte Tupana Ehay piat woꞌonãpin hap koꞌi aipowȳro kuap aiwepīt sese hamo. Tupana Ehay tipowȳro kuap asom emikuap mīt.

1. Aikowan apoꞌe hap koꞌig̃ Tupana Ehay tiwesat.

Tupana Ehay tiwesat apoꞌe hap koꞌi. Kotā̃ e hap. Aj̃umpe pyig̃ asom watõꞌẽ. Kat hamo asom watoig̃neꞌen. Kat pote asom mītꞌīn hoꞌopot kahato. Aikotā̃ asom mīt ikuꞌuro hawyi. Ikahuro hamuat asom mesūwat yi. Waku neꞌi apoꞌawatoꞌe meig̃muewuat koꞌi etiat. Meig̃muewuat apoꞌe hap koꞌi iwesat hap typyꞌi kahato raꞌyn ipuenti Tupana Ehay puo pyi.

2. Aikotā̃ me asom Tupana Ehay aipowȳro kuap aiwepīt poꞌog̃ hamo.

Poꞌog̃ waku rakat woꞌonãpin hap Tupana Ehay pe. Tohoꞌopowȳro kuap taꞌatuwepīt sese hap wȳwo seꞌaito seharyꞌi mempytꞌīn tukupteꞌen hamo iꞌewȳte aipowȳro aipotpap turān aiwepīt hap wȳwo hamo. Miꞌi hap etiat meikowat popera epowȳro hamo Tupana Ehay puo pyi iꞌewȳte iraniaꞌīn koꞌi etiat wy hawyi etimohey kuap wuatꞌi eꞌyj̃an miat Tupana Ehay miwan miat waku kahato aimūꞌe hamo e hap. — 2 Timoteu 3:16.

Meikowat popera ȳt Tupana Ehayꞌi maꞌato epowȳro hamo etikatꞌi katꞌi poꞌog̃ Tupana Ehay pe hamo. Miꞌi pote waku etimowempāp Tupana Ehay piat e hap miꞌi hawyi waku erewanentup meikowat popera piat emūꞌe hap kape sio Tupana Ehay piat ewy sio ȳt hap kuap hamo.

EREWANENTUP O ETIKUAP POꞌOG̃ HAMO

Etikuap hamo aikotā̃ me Tupana Ehay hoꞌopowȳro kuap mītꞌīn hap aikotā̃ me etipuenti waku kahato Tupana Ehay mowempāp hap iꞌewȳte kat pote asom waku iraniaꞌīn epowȳro miꞌi hap kuap hamo.

3. Tupana Ehay aiporereto kuap

Tupana Ehay aikotā̃ lanterna hapyhot esaika kahato rakat hap ewy. Miꞌi aipowȳro kuap waku rakat aira hamo iꞌewȳte tohenoi aikotā̃ hamuat koꞌi hap.

Eweimowempāp o Saumu 119:105. Miꞌi hawyi apoꞌe hap koꞌi ete eiwoꞌoꞌehay.

Aikotā̃ig̃ mesūwat hag̃a hit wan hat tipuenti Tupana Ehay etiat.
En aikotā̃ etipuenti Tupana Ehay etiat.

4. Tupana Ehay tiwesat kuap apoꞌawatoꞌe hap koꞌi

Tepiat apoꞌe hap koꞌi wentup ok puruweira tipuenti yne raꞌyn Tupana Ehay puo pyi. Ewetehaꞌat pyno VÍDEO kape. Miꞌi hawyi apoꞌe hap koꞌi ete eiwoꞌoꞌehay.

VÍDEO: Epohep teiꞌo iwesat hap puenti hap ete. (1:48)

Kat etiag̃ puruweira tikuap terān kahato.
Kat pote asom waku kahato puruweira temūꞌe Tupana Ehay etiat hap.

Waku watikatꞌi katꞌi aiꞌe hap koꞌi wesat hap e Tupana Ehay. Eweimowempāp o Mateu 7:7. Miꞌi hawyi eiwoꞌoꞌehay o apoꞌe hap etiat.

Kat hap etiag̃ etipuenti terān iwesat hap Tupana Ehay puo pyi.

5. Etipuenti waku kahato kuap Tupana Ehay mowempāp hap

Mītꞌīn tipuenti waku kahato Tupana Ehay mowempāp hap. Miꞌi hap iꞌatupowȳro kahato. Ewetehaꞌat pyno VÍDEO kape. Miꞌi hawyi apoꞌe hap koꞌi ete eiwoꞌoꞌehay.

VÍDEO: Tupana Ehay mowempāp hap (2:05)

Aikotā̃ig̃ vídeo piaria tipuenti popera koꞌi kat koꞌi mowempāp hap etiat.
Maꞌato kat pote taꞌatupuenti waku kahato Tupana Ehay mowempāp hap.

Tupana Ehay aiꞌarōt hap hep kuap iꞌewȳte aimoesaika kuap wy. Eweimowempāp o Humanu 15:4. Miꞌi hawyi eiwoꞌoꞌehay o apoꞌe hap etiat.

Etikuap terān poꞌog̃ asom Tupana Ehay piat aru e hap koꞌi etiat.

6. Iraniaꞌīn aipowȳro kuap Tupana Ehay kuap hap ete

Iraniaꞌīn timowempāp Tupana Ehay teꞌeruweran iꞌewȳte taꞌatupuenti waku kahato miꞌi hap etiat toꞌoꞌehay iraniaꞌīn wȳwo hap. Eweimowempāp o Iesui Potmūꞌeria 8:26-31. Miꞌi hawyi eiwoꞌoꞌehay o apoꞌe hap etiat.

Aikotā̃ meig̃ watikuap poꞌog̃ kuap Tupana Ehay etiat. (Erehaꞌat pakupꞌi pyno hag̃a hit 30 hawyi 31.)

Ihaig̃nia Etiopia piat tikyꞌesat mowȳro hap Tupana Ehay kuap hap ete hamo. Miꞌi hap ewy korā̃ mītꞌīn tipuenti waku kahato toꞌoꞌehay Tupana Ehay etiat hap.

IRANIAꞌĪN TEꞌEROꞌE Kat hamoꞌi watuwemūꞌe Tupana Ehay ete iꞌatuꞌe.