WEMŪꞌE HAP 02
Tupana Ehay piat aru e hap koꞌi aipowȳro kuap.
Mesūwat yi oktān mītꞌīn hoꞌopot. Miꞌi pote iꞌatuwanentup hap kowoꞌi kowoꞌi hap ewy. Sese iꞌatuꞌarōt taꞌatupyꞌa pyi miꞌi hap upi. En apo miꞌitā̃ raꞌyn. Moꞌopuo eꞌahū sio ehoꞌopot emikyꞌe kahato mīt ikuꞌuro pote. Miꞌitā̃ mote erenentup kuap mesup tān e pote aru aheig̃neꞌen hap waku poꞌog̃ hamuat asom ere. Iwesat hap etipuenti waku kahato hamo Tupana Ehay puo pyi.
1. Aikowat asom Tupana Ehay piat sehay wakuat koꞌi rakat.
Tupana Ehay henoi kat pote toig̃ kahato mesūwat yi tote hoꞌopot hap. Maꞌato tohenoi sehay wakuat koꞌi rakat nuat hap etiat wy. Hoꞌopot hap ikahuro hamuat hap. Tupana Ehay piat aru e hap koꞌi ȳt emosoꞌopot hamuat hinꞌi hap maꞌato waku kahato rakat hamuat. (Etimowempāp o Ieremia 29:11, 12.) Miꞌi hap aipowȳro ahetiat niatpo turān aipowȳro aiwepīt hap wȳwo korā̃ pyi watoig̃neꞌen wuatꞌi eꞌāt pe hamo.
2. Kat e asom Tupana Ehay henoi meij̃uran wuat aheig̃neꞌen hamuat hap etiat.
Tupana Ehay henoi meij̃uran e pote g̃uꞌuro hap arōt hap wak hap haty hap katꞌi poꞌog̃ hamuat e. (Etimowempāp o Iesui Aru E Hap 21:4.) Korā̃ wuat aimosoꞌopot hap koꞌi katꞌi poꞌog̃ hamuat. Tupana Ehay henoi mītꞌīn ti aru mesūwat yi nusuken note tukupteꞌen wuatꞌi eꞌāt pe taꞌatuwepīt hap wȳwo e.
3. Aikotā̃ me asom etimohey poꞌog̃ kuap Tupana Ehay piat aru e hap koꞌi ete.
Mītꞌīn tikyꞌesat kahato waku rakat yn hap wen maꞌato taꞌatukuapꞌi miꞌitā̃ hamuat tuwemoherep hap sio ȳtꞌi hap. Maꞌato Tupana Ehay piat mienoi koꞌi ete etimohey kuap yne eremūꞌe wuatꞌi eꞌāt pe pote. (Iesui Potmūꞌeria 17:11) Eremūꞌe Tupana Ehay ete pote etiꞌaira kuap etipȳwo imienoi koꞌi ete hamo sio ȳtꞌi hap.
EREWANENTUP O ETIKUAP POꞌOG̃ HAMO
Etikuap hamo Tupana Ehay piat aru e hap koꞌi etiat hawyi aikotā̃ me Tupana Ehay piat sehay wakuat koꞌi hoꞌopowȳro kahato raꞌyn mītꞌīn hap etiat.
4. Tupana Ehay henoi watoig̃neꞌen hoꞌopot hap wȳwoꞌi poꞌog̃ hamuat wuatꞌi eꞌāt pe e
Erehaꞌat pyno Tupana Ehay piat UWEꞌI POꞌOG̃ HAMUAT e hap kape TORĀNIA HAMUAT RAꞌYN e hap kape. Etiꞌatuꞌaira pyno. Kat pote meig̃muewuat koꞌi etiꞌaira.
Eweimowempāp o Tupana Ehay piat e hap koꞌi. Miꞌi hawyi apoꞌe hap koꞌi ete eiwoꞌoꞌehay.
-
Erewanentup hawe Tupana Ehay piat koꞌi asom epowȳro kuap. Ewyriaꞌīn powȳro kuap asom wy.
Erenentup pyno karāmpe watoig̃neꞌen
|
UWEꞌI POꞌOG̃ HAMUAT |
TORĀNIA HAMUAT RAꞌYN |
|---|---|
|
|
|
|
|
|
|
|
|
|
5. Tupana Ehay piat aru e hap koꞌi epowȳro kuap
Mītꞌīn iꞌatuꞌarōt hawyi iꞌatupyꞌahak mesūwat yi totiat koꞌi hoꞌopot niatpo hap ete. Iraniaꞌīn imomã terān kahato saꞌag̃ koꞌi wȳwo hap miꞌi pote teꞌerepotꞌuka tuereto. Erehaꞌat pyno aikotā̃ me Tupana Ehay piat aru e hap koꞌi hoꞌopowȳro kahato raꞌyn mītꞌīn e hap kape. Ewetehaꞌat pyno VÍDEO kape. Miꞌi hawyi apoꞌe hap koꞌi ete eiwoꞌoꞌehay.
-
Kat hag̃ Rafika moꞌarōt kahato.
-
Korā̃ torānia ite tukupteꞌen mītꞌīn wentup hap ewy maꞌato aikotā̃ meig̃ Tupana Ehay tipowȳro Rafika.
Tupana Ehay piat sehay wakuat koꞌi e hap aipowȳro kuap aiꞌarōt hap niatpo hap akit hamo. Eweimowempāp o Porowepiu 17:22 hawyi Humanu 12:12. Miꞌi hawyi apoꞌe hap koꞌi ete eiwoꞌoꞌehay.
-
Aikotā̃ etipuenti. Tupana Ehay piat sehay wakuat koꞌi e hap asom epowȳro kuap. Kat pote miotā̃ ere.
IRANIAꞌĪN TEꞌEROꞌE Tupana Ehay piat aru e hap koꞌi ȳt pȳwo piatꞌi iꞌatuꞌe.
-
Kat pote asom waku etikuap miꞌi hap pȳwo pe sio ȳtꞌi hap.
WATUWEMŪꞌE RAꞌYN
Tupana Ehay piat sehay wakuat koꞌi e hap watikuap hawyi aipowȳro niatpo hap koꞌi akit hamo.
Hotꞌokꞌe te asom
-
Kat pote eig̃ mītꞌīn tikyꞌesat kahato sehay wakuat koꞌi e hap.
-
Kat e eig̃ Tupana Ehay henoi meij̃uran wuat aheig̃neꞌen hamuat hap etiat.
-
Aikotā̃ meig̃ Tupana Ehay piat aru e hap koꞌi epowȳro kuap.
ETIKUAP TERĀN POꞌOG̃ POTE
Etikuap hamo aikotā̃ me Tupana Ehay piat aru e hap koꞌi epowȳro kuap niatpo turān hap.
Aj̃umpe asom etipuenti kuap sehay wakuat koꞌi. (Despertai!, 22 de abril de 2004)
Etikuap hamo aikotā̃ me Tupana Ehay piat aru e hap koꞌi hoꞌopowȳro kuap iꞌahū tuereto rakaria e hap.
Tupana Ehay epowȳro kuap eꞌahū tuereto turān. (Site jw.org piat)
Wepȳ hap vídeo kape erehaꞌat hawyi o waku erewanentup aikotā̃ hamuat ereig̃neꞌen ewyriaꞌīn wȳwo nusuken notiat hap.
Etimowempāp o aikotā̃ me Tupana Ehay piat aru e hap tipowȳro raꞌyn ihaig̃nia hap.
Atiꞌywyk kuap saꞌag̃ koꞌi wȳwo areꞌi poꞌog̃ (A Sentinela, 1.º de julho de 2013)
