WEMŪꞌE HAP 03
Etimohey kuap asom Tupana Ehay ete.
Tupana Ehay henoi kahato wakuat koꞌi nuat hap etiat iꞌewȳte woꞌonãpin hap koꞌi etiat. Moꞌopuo etikuap terān poꞌog̃ Tupana Ehay piat koꞌi maꞌato etomohey kahato ite. Tupana Ehay sese raꞌyn nimuat. Miꞌi pote etipȳwo kuap asom imienoi koꞌi etiat sio iwoꞌonãpin hap koꞌi etiat. Pȳwo asom Tupana Ehay piat mienoi koꞌi. Watipȳwo kuap iꞌatuꞌe mītꞌīn. En asom miꞌitā̃ kuap wy.
1. Tupana Ehay piat mītꞌīn etiat. Pȳwo asom.
Tupana Ehay wan haria tiwan pȳwo piat yne. (Ekeresiasi 12:10) Tupana Ehay henoi mītꞌīn sese etiat iꞌatuminug̃ pȳwo piat koꞌi etiat. (Etimowempāp o Iruka 1:3; 3:1, 2.) Nimuat koꞌi etiat wemūꞌe haria henoi Tupana Ehay henoi hampȳk kahato mītꞌīn etiat tawa koꞌi etiat iꞌewȳte iraniaꞌīn koꞌi etiat iꞌatuꞌe.
2. Kat pote asom watimohey kuap te Tupana Ehay nimuat kahato raꞌyn pykai.
Mītꞌīn tikuap ite turān Tupana Ehay henoi ti raꞌyn kat koꞌi kat koꞌi hap etiat. Kotā̃ e hap tohenoi hampȳk kahato ciência e hap koꞌi etiat. Tohenoi ti raꞌyn miꞌi hap etiat maꞌato nimuaria mītꞌīn ȳt timohey kahatoꞌi. Maꞌato Tupana Ehay henoi hampȳk kahato iꞌatuꞌe ciência etiat wemūꞌe haria. Pȳwo. Tupana Ehay piat woꞌonãpin hap koꞌi wuatꞌi eꞌāt piat nuat hampȳk kahato rakat. — Saumu 111:8.
3. Kat pote asom watipȳwo kuap Tupana Ehay piat aru e hap koꞌi ete.
Tupana Ehay henoi ti raꞌyn aikotā̃ hamuat hap ȳt tokosap ite turān *. (Isaia 46:10) Kotā̃ e hap nimuat haꞌawyte wuat kat koꞌi kat koꞌi tuwemoherep taꞌyn hap etiat Tupana Ehay henoi ti raꞌyn ȳt tuwemoherep ite turān iꞌewȳte korā̃ wuat koꞌi etiat wy. Mesūwat wemūꞌe hap puo pyi watikuap poꞌog̃ hamo miꞌi hap etiat. Aikotā̃ hamuat koꞌi hap ete watikuap hawyi pȳwo ti awatuꞌe hamo.
EREWANENTUP O ETIKUAP POꞌOG̃ HAMO
Etikuap hamo Tupana Ehay henoi hampȳk kahato ciência etiat hap iꞌewȳte tohenoi hampȳk kahato aikotā̃ hamuat koꞌi e hap etiat.
4. Tupana Ehay henoi hampȳk kahato ciência e hap koꞌi etiat
Nimuaria mītꞌīn timohey kahato mesūwat yi toig̃neꞌen kat koꞌi kat koꞌi tote neꞌi iꞌatuꞌe. Ewetehaꞌat pyno VÍDEO kape.
Nimo kahato raꞌyn Io henoi ti raꞌyn miꞌi hap etiat. Eweimowempāp o Io 26:7 TNM. Miꞌi hawyi eiwoꞌoꞌehay o apoꞌe hap etiat.
-
Tupana Ehay henoi mesūwat yi kat roteꞌi e. Miꞌi hap etiat etikuap hawyi kat pote sese waku kahato ere.
Anu 1800 koꞌi pe yn mītꞌīn tikuap aj̃umpe pyi tūt yꞌy aikotā̃ me taꞌam atipy kape hawyi taꞌaipok iꞌaman hap puo pyi. Miꞌi hap etiat Tupana Ehay henoi nimo kahato raꞌyn. Eweimowempāp o Io 36:27 hawyi Ekeresiasi 1:7. Miꞌi hawyi apoꞌe hap koꞌi ete eiwoꞌoꞌehay.
-
Kat pote asom mesūwat Tupana Ehay piat e hap emuehaꞌat kahato.
-
Mesūwat koꞌi etimowempāp kahu hawyi etimohey kuap poꞌog̃ asom Tupana Ehay ete.
5. Kat koꞌi kat koꞌi tuwemoherep ite pykai Tupana Ehay henoi ti raꞌyn
Eweimowempāp o Isaia 44:27–45:2. Miꞌi hawyi eiwoꞌoꞌehay o apoꞌe hap etiat.
-
Nimo kahato raꞌyn Tupana Ehay henoi Papironia momã hap etiat. Miꞌi hawyi 200 anu hawyi tuwemoherep yne raꞌyn iꞌe hap ewy. Miꞌi hap eꞌyj̃an mete kat eig̃ Tupana Ehay henoi.
Nimuat koꞌi etiat wemūꞌe haria henoi Siru tesuraraꞌīn wȳwo taꞌatuꞌakit Papironia anu 539 pe Iesui ūt hap eꞌyian mete iꞌatuꞌe. Taꞌatumohypāp yꞌy hawyi tuwehytꞌok Papironia okenꞌypy puo ti raꞌyn. Miꞌi pote niatpoꞌi Papironia apohep hamo. Korā̃ Papironia katꞌi poꞌog̃. Toig̃neꞌen nu koꞌi ahyt eiam mo naꞌyn. Erehaꞌat pyno kat e Tupana Ehay henoi miꞌi hap etiat.
Eweimowempāp o Isaia 13:19, 20. Miꞌi hawyi eiwoꞌoꞌehay o apoꞌe hap etiat.
-
Aikotā̃ meig̃ mesūwat Isaia mienoi hap ewy tuwemoherep.
Iraque e hap tote meikotā̃ ne iraꞌyn tawa Papironia
6. Korā̃ wuat koꞌi etiat Tupana Ehay henoi ti raꞌyn
Tupana Ehay henoi ȳt pyaꞌi poꞌog̃ naꞌyn saꞌag̃ koꞌi momã hap eꞌāt e. (2 Timoteu 3:1) Erehaꞌat pyno kat e Tupana Ehay henoi korā̃ wuat hap etiat hap.
Eweimowempāp o Mateu 24:6, 7. Miꞌi hawyi eiwoꞌoꞌehay o apoꞌe hap etiat.
-
Nimo pyi kahato raꞌyn kat eig̃ Tupana Ehay henoi korā̃ wuat hap koꞌi etiat.
Eweimowempāp o 2 Timoteu 3:1-5. Miꞌi hawyi apoꞌe hap koꞌi ete eiwoꞌoꞌehay.
-
Kat eig̃ Tupana Ehay henoi korā̃ wuat mītꞌīn hap etiat.
-
Timoteu mienoi hap ewy. Eweig̃neꞌen hap tote aikowan tuwemoherep taꞌyn.
IRANIAꞌĪN TEꞌEROꞌE Tupana Ehay pe ti toig̃ sehay koꞌi nimuat kahato ȳt pȳwo piatꞌi iꞌatuꞌe.
-
Ewanentup hawe aiwemūꞌe hap puo pyi kat pote asom watimohey kuap Tupana Ehay ete.
WATUWEMŪꞌE RAꞌYN
Tupana Ehay henoi hampȳk kahato ciência etiat iꞌewȳte pȳwo piat nimuat koꞌi hap etiat aikotā̃ hamuat hap etiat. Miꞌi pote etimohey kuap.
Hotꞌokꞌe te asom
-
Tupana Ehay piat koꞌi asom pȳwo piat.
-
Tupana Ehay henoi hampȳk kahato ciência etiat. Miꞌi hap etiat pyno ehenoi.
-
Tupana Ehay piat aikotā̃ hamuat hap etiat etimohey kuap asom. Kat pote miotā̃ ere.
ETIKUAP TERĀN POꞌOG̃ POTE
Hampȳk asom Tupana Ehay piat mienoi koꞌi.
Hampȳk kahato asom Tupana Ehay henoi ciência e hap etiat. (Site jw.org piat)
Kat pote asom watimohey kuap pyaꞌi raꞌyn saꞌag̃ koꞌi momã hap eꞌāt hap ete.
Tupana Ehay henoi ti raꞌyn korā̃ wuat wemoherep hap koꞌi etiat (A Sentinela, 1.º de maio de 2011)
Etikuap hamo kat e Tupana Ehay henoi Morekuat Keresia piat etiat tuwemoherep ite turān.
Aikotā̃ hamuat koꞌi e hap Tupana Ehay piat aimoesaika kahato (5:22)
Andreas ȳt timoheyꞌi Tupana ete. Maꞌato tuwanentup hap ywyk Tupana Ehay piat aikotā̃ hamuat koꞌi hap ete tuwemūꞌe hawyi.
^ parágrafo 9 Miwan hit. Sehay aikotā̃ hamuat e hap Tupana kaipywiat aru e hap profecia.
