Watunug̃ Tupana miky⁠ꞌ⁠esat ewy hawyi Tupana aimowepīt kahato aiminug̃ ko⁠ꞌ⁠i upi. (Tiaku 1:25 - Tupana Ehay)

Kat pote aipowȳro kuap hamo

wato⁠ꞌ⁠opotky⁠ꞌ⁠e hamo. (Ewesu 5:28, 29)

wato⁠ꞌ⁠omontypot hamo. (Ewesu 5:33)

ahe⁠ꞌ⁠aito sio ahehary⁠ꞌ⁠i wȳwo waku pe watukupte⁠ꞌ⁠en hamo. (Maku 10:6-9)

Mi⁠ꞌ⁠itā̃ kuap. Ma⁠ꞌ⁠ato kat pote asom.

• Tupana Ainug̃ Hat. Tupana tunug̃ wo⁠ꞌ⁠omenaru hap. Sa⁠ꞌ⁠awy⁠ꞌ⁠ite ti tutunug̃ ihaig̃nia mi⁠ꞌ⁠i rikinẽ haryporia. Mi⁠ꞌ⁠i hawyi ti te⁠ꞌ⁠eruwemenaru ra⁠ꞌ⁠yn. (Ienesi 2:18-24)Tupana piat ainug̃ pote yn ni watoig̃ne⁠ꞌ⁠en kuap. Kat pote asom waku watikuap mesūwat etiat.

  Erewanentup o kotā̃ e hap ehu⁠ꞌ⁠u mi⁠ꞌ⁠u he kahato rakat. Mi⁠ꞌ⁠i hawyi etunug̃ terān na⁠ꞌ⁠yn i⁠ꞌ⁠ewywuat ma⁠ꞌ⁠ato karāmpe⁠ꞌ⁠i etunug̃. Uwe pe apuru apo⁠ꞌ⁠ere kuap. Mi⁠ꞌ⁠u nug̃ hat pe hanti. Mi⁠ꞌ⁠itā̃.

  Mi⁠ꞌ⁠i hap ewy te ti aiwepīt terān ahe⁠ꞌ⁠aito sio ahehary⁠ꞌ⁠i wȳwo pote. Waku apo⁠ꞌ⁠wato⁠ꞌ⁠e Ainug̃ Hat Tupana Ieuwa pe.

• Tupana ti tuwanentup kahato ahewowi. Etipuenti kuap Tupana Ehay pe wo⁠ꞌ⁠onãpin hap ko⁠ꞌ⁠i. Kat pote torānia wo⁠ꞌ⁠onãpin hap ko⁠ꞌ⁠i tūt Tupana Ieuwa kaipyi. Mi⁠ꞌ⁠i ti tuwanentup kahato ahewowi. (1 Peteru 5:6, 7) Tupana Ieuwa tiky⁠ꞌ⁠esat ri po⁠ꞌ⁠og̃ wakuat ahepiat rakat. Mi⁠ꞌ⁠i tupono ti ainãpin tehay puo pyi aipowȳro wuat⁠ꞌ⁠i e⁠ꞌ⁠āt pe hamo. (Porowepiu 3:5, 6; Isaia 48:17, 18)