Asuwe eꞌaito sio eharyꞌi tiꞌaparap hamo maꞌato waku etiwāure imiꞌaparap hawyi waku etiwāure epyꞌahak pōtꞌi hap. Imiꞌaparap emoꞌarōt kahato pote ehenoi kuap hewowi hawyi waku etiwāure imiꞌaparap.

TUPANA EHAY HENOI — Waku watuwepainug̃ aikotā̃ Iesui tiwāure ahepiat iꞌaparap tetiat hap ewy te waku watiwāure iraniaꞌīn piat hap aiꞌaparap hap e. — Korosi 3:13.

Aaron e hap het rakat toꞌe — Etikyꞌe sēse eharyꞌi sio eꞌaito pote ȳt erehaꞌat hamoꞌi imiꞌaparap hap koꞌi kape yn. Maꞌato erehaꞌat hamo iminug̃ wakuat koꞌi kape hawyi aikotā̃ poꞌog̃ waku rakat no mīt toig̃neꞌen terān hap kape e.

Epyꞌahak pōtꞌi eꞌaito sio eharyꞌi etiat hap emoꞌahū kuap sio emoꞌarōt kuap iꞌewȳte eiwoꞌokyꞌe hap hesaikaꞌi poꞌog̃ hamo.

Julia e hap het rakat toꞌe — Wentup eꞌāt pe — Uiwepyiꞌi e uheꞌaito toiꞌaparap pote. Niatpo kahato atiwāure imiꞌaparap hamo uimoꞌarōt kahato pote. Maꞌato kat hamoꞌi uhemōtꞌi kahato atiwāure imiꞌaparap hamo kat pote atiwāure ite turān urutoꞌomoꞌarōt poꞌog̃ e.

WAKU APOꞌERE EWEPE

Karāmpe eꞌaito sio eharyꞌi emoꞌarōt pote waku apoꞌere ewepe.

• Waku asom arenentup mōtꞌi kahato imiꞌaparap koꞌi kape ere.

• Toiꞌaparap ipoityꞌi asom. Atiwāure hamo imiꞌaparap uiwepyiꞌi e pote yn sio atiwāure kuap taꞌyn imiꞌaparap ere.

EIWOꞌOEHAY TUERETO O

• Ahemōtꞌi asom watiwāure aiwoꞌopiat aimiꞌaparap koꞌi hamo.

• Kat asom waku watunug̃ meremo neꞌi watiwāure aiwoꞌopiat aimiꞌaparap koꞌi hamo.

MOWȲRO HAP KOꞌI

• Eꞌaito sio eharyꞌi emoꞌarōt pote ȳt erewanentup teiꞌo toiꞌaparap tuwepyi neꞌi.

• Waku etiwāure imiꞌaparap. Waku hotꞌokꞌe torānia aito iꞌaparap haria watoig̃neꞌen. — Tiaku 3:2.

Kimberly e hap het rakat toꞌe — Typy ok toꞌoꞌaparap pote ȳt niatpoꞌi watiwāure hamo maꞌato wentup ok yn iꞌaparap pote niatpo watiwāure hamo. Miꞌi pote uiwepyiꞌi e hawyi aiwemowatoꞌi hap wȳwo watiwāure hamo e.

TUPANA EHAY HENOI — Waku etunug̃ naꞌyn ipyꞌahak takat ewyꞌok wo iraꞌyn e. — Mateu 5:25.