Tupana Ehay epowȳro kuap eꞌahū tuereto turān
Tupana Ehay wesat hap
Miꞌitā̃. Tupana tenentup kahato imohey haria iꞌahū rakaria kape. Tupana Ehay henoi wentup mīt Tupana mohey hat etiat — Ihatek putꞌokꞌe tuete hawyi Tupana mipowȳro wo kahato toig̃neꞌen. (Saumu 41:3) Eꞌahū hap wȳwo ereig̃neꞌen pote myẽꞌym muat epowȳro kuap hamo.
Waku ehentup Tupana kape emoesaika hamo. Ehentup pote Tupana tum towese hap epe. Miꞌitā̃ etunug̃ pote yt katꞌi hinꞌi ewanentup koꞌi koꞌi hap iꞌewȳte Tupana epowȳro hamo.—Wiripu 4:6, 7.
Waku pe erenentup. Tupana Ehay henoi — Woꞌomowepīt hap wyti woꞌomoehaig̃te hap kahato. Maꞌato wuatꞌi eꞌāt pe woꞌomoꞌarōt hat ti mītꞌīn esaika hap hep hap topyhuꞌat. (Porowepiu 17:22) Waku ereig̃neꞌen ewepīt hap wȳwo hawyi waku emikyry. Miꞌi hap koꞌi emoehaig̃te kuap.
Waku etimohey Tupana aru e hap koꞌi ete. Niatpo kahato eꞌahū hap ereig̃neꞌen wȳwo wen maꞌato waku etimohey kahato Tupana aru e hap koꞌi ete. Miꞌi hap emowepīt kuap. (Humanu 12:12) Tupana Ehay henoi — Mekewat eꞌāt pe ȳt wentup okꞌi toig̃neꞌen uiꞌahū e hat e. (Isaia 33:24) Ikatꞌi katꞌi haria timomã kuapꞌi yne ahū hap koꞌi wȳwo maꞌato Tupana timomã hamuat yne ahū koꞌi wȳwo. Kotā̃ e hap. Ȳt uweꞌi poꞌog̃ hamo ipōro rakat toig̃neꞌen. Tupana Ehay henoi —Topīt ete hirokat ewy topyhuꞌat.—Io 33:25.
Miwan hit: Urutoria Ieuwa Ehay Enoi Haria uruimohey kahato Tupana mowȳro hap ete maꞌato uruꞌahū turān urukāt kāt mohag̃ nug̃ haria. (Maku 2:17) Maꞌato uruimontypot iraniaꞌīn miꞌaira koꞌi mohag̃ etiat.
Etimowempāp kuap poꞌog̃
UWEꞌĪN URUTORIA
Etipoꞌoro o — Aremūꞌe terān e hap
Etikuap poꞌog̃ Tupana Ehay etiat hawyi Ieuwa Ehay Enoi Haria etiat.