Kja ngetrjo, yo líderes kja nu Xoñijomꞹ. Yo científicos ñe yo me pa̱ra̱ji nu tecnología o mamaji texe kʼo søø ra tsjaa nu inteligencia artificial (IA). Zø unꞹji nguenda ke pjøxkꞹji, pe xo me mbentrjoji nange bʼꞹnkʼo dya ra usaji na joo.

•   “Nudya nu inteligencia artificial nge dʼaja de yo tecnología ke me na zɇzhi ñe søø ra jokꞹ o zakꞹ yo ntee […]. Pe xø ra nokꞹ yo pje nrre nee ra tsjapꞹ yo ntee ra zu̱ji, ñe ra dʼasꞹji yo derechos humanos ñe nu privacidad, dya kja xø ra creoji yo pje pjɇzhi ñe nu democracia” (Kamala Harris, vicepresidenta a Estados Unidos, 4 de mayo de 2023).

•   “Zø nu inteligencia artificial (AI) søø ra mbøsʼꞹ na punkjꞹ kʼo sødye, pe xo bʼꞹbʼꞹ ma ra tsjapꞹ ra zødye yo ntee” (Grupo internacional de médicos ñe profesionales de nu salud kʼꞹ mama nu doctor Frederik Federspiel, BMJ Global Health, 9 de mayo de 2023). a

•   Søø ra usaji nu inteligencia artificial ngekʼua ra pjøtrʼꞹ yo bʼɇchjine. Dya kja ra mezhe ma bʼꞹma ra trjeze yo bʼɇpji. Manji janzi ntee kʼo me pa̱ra̱ nu tecnología xo bʼꞹma pje kʼo ra kjogꞹ ko yo ntee” (The New York Times, 1 de mayo de 2023).

 kʼꞹ ja nzi rga kjogꞹ yo paa ra ñetsʼe kjo ra usaji na joo o iyo nu inteligencia artificial. ¿Pje mama ne Biblia?

 Nu Biblia mama pjenga yo ntee dya søø ra manji ke texe yo tecnología ngextrjo ra usaji ngekʼua ra tsjaji kʼo na joo.

1.  1. Zø yo ntee nee ra tsjaji yo na joo, dya søø ra mba̱ra̱ji pje ma nrrumꞹ ra kjogꞹ ko nu kʼo kjaji.

   •   “Bʼꞹbʼꞹ dʼa ñʼii kʼꞹ na joo pa nu bezø pe kʼꞹ ni nguarꞹ, ra nrru̱u̱” (Proverbios 14:12).

2.  2. Ni ri dʼatsʼkøji søø ra tsʼabʼꞹ ma yo dyaja ra usaji in bʼɇpjigøji ngekʼua pje kʼo ra tsjaji kʼo na joo o kʼo na sʼoo.

   •   “Ra jetsʼpigø (in bʼɇpji) nu bʼɇzo kʼꞹ kja ra e̱je̱. ¿Kjo pa̱ra̱ kjo trjꞹmbeñe o jiyo? Zø ja ga kjaa, angeze nge kʼꞹ ra manda nrrexe kʼꞹ ro kjagø ko texe i zɇzhi ñe in sabiduría a jomꞹ e jyarꞹ” (Eclesiastés 2:18, 19).

 Yo jñayo kjakji ra yembeñeji, nujyo ñetsʼe ke ni jyongꞹji ra mbøxkꞹji e Yosi ke nge kʼꞹ go dyⱥkøji.

 E Mizhokjimi mama ke dya ra jyɇzi ke yo ntee -ni yo tecnología- ra chjotrʼꞹ nu Xoñijomꞹ o yo ntee.

•   “Nu Xoñijomꞹ ra sido ra bʼꞹbʼꞹ texe yo paa” (Eclesiastés 1:4).

•   “Yo na jonte ra nga̱ra̱ji kja ne xoñijoma, ñe angezeji ra mimiji texe yo paa” (Salmo 37:29).

 Kja ne Biblia, e Yose dʼakøji yo jñaa ke ni jyongꞹji ngekʼua yo paa yo ba e̱je̱ ra søø ra minji na joo ñe dya pje ra kjogꞹji. Ma xa gi nee ri pa̱ra̱ kʼo mama ne Biblia, xørꞹ yo artículos “¿Existe alguna guía confiable que le asegure su futuro?” ñe “La esperanza real de un mañana mejor”.