“Mizhokjimi ra ndintsʼpi texe o ngizhoji. Dya kja ra ndu̱ji. Dya kja pje xe ra mbeñeji. Dya kja xo ra guɇji. Dya kja xo ra zoji kʼꞹ rra ꞹꞹ.” (Apocalipsis 21:4, Nu O̱ Jña Mizhocjimi nu mama ja ga cja e Jesucristo, ro junsʼꞹ kʼua jaga opjꞹjidya.)

Ra pa̱ra̱ji ke dya nge e Palesito ajensʼe ke penkʼezgoji kʼo na sʼoo (Santiago 1:13).

Ra pa̱ra̱ji ke e Palesito ajensʼe me juentsʼkoji ma ri supjregoji (Zacarías 2:8).

Ra pa̱ra̱ji ke dya kja mezhe e Palesito ajensʼe ra mbøxkoji ngekʼua dya kja ra supjreji (Salmo 37:9-11).

Ja̱a̱, jñanrra kʼo mamaba:

• E Palesito ajensʼe me sentio kja o mꞹbʼꞹ ma ri supjregoji. Mi jinkjoma mi ka̱ra̱ ntee kʼo mi kjapꞹ ro supjre kʼo israelita. ¿Jaba zoʼo e Jeoba ma mi janrra ja ma supjreji? Ne Biblia mama ke angeze me mi sichʼi kja o mꞹbʼꞹ ma mi janrrakʼo (Jueces 2:18).

  E Palesito ajensʼe dya sʼiya yo ntee kʼo kjapꞹji kʼo na sʼoo nu dyoji. Ne Biblia mama ke angeze me ꞹmbꞹ kʼo potrʼꞹji ntee (Proverbios 6:16, 17).

• E Palesito ajensʼe sʼiyazgoji nrrexezgoji. Ma pje kjogꞹzgoji kʼo na sʼoo, zo ri mamaji dya kjo tendio ja ga sogoji, dya ri bʼꞹntsjɇji e Jeoba pa̱ra̱ ja ga sogoji (2 Crónicas 6:29, 30).

  E Palesito ajensʼe ra ñɇme o Reino ra mandaba kja ne Xoñijomꞹ ngekʼua ra mbøsʼꞹ yo ntee ra mimiji na joo, dya kja ra supjreji (Mateo 6:9, 10, Traducción del Nuevo Mundo). Yo paadya ri supjregoji, pe ma ra jodʼꞹji e Jeoba, angeze dya ra jyɇzgoji ra mbøxkꞹgoji (Hechos 17:27, Traducción del Nuevo Mundo; 2 Corintios 1:3, 4).