Ma e Mizhokjimi sʼiyazꞹji ñe yo religión manji ke jizhiji ñe kjaji kʼo mama angeze, ¿pjenga kjaji yo me na sʼoo? Nangeje dya na kjuana yo religiónyo. Ko yo jizhiji ke dya na kjuana ñe yo kjaji, yo ntee kjijñi ke e Mizhokjimi dya nezeji. ¿Pje nrre kjaji? ¿Ja ga zøʼø e Mizhokjimi ko yo kjaji? ¿Pje ra tsjapꞹ yo religión yo dya na kjuana?

1. ¿Pje jizhiji yo religión yo dya na kjuana ngekʼua yo ntee dya nee ra matrʼꞹji e Diosi?

Yo religión yo dya na kjuana kjaji “kʼo na sʼoo, na nge angezeji ya jyɇziji Mizhokjimi kʼꞹ ix na kjuana” (Romanos 1:​25). Nzakja dya jichiji yo ntee o trju̱u̱ e Diosi. Zø ne Biblia mama ke ra nⱥdʼⱥji (Romanos 10:​13, 14). Kʼo otrʼꞹ axojñi kja yo religión manji ke ma kjogꞹ yo na sʼoo je ga nee akjanu e Diosini. Pe nukʼo dya ga kjuana. Angeze dya penkezꞹji yo na sʼoo yo ri kjogꞹji (xørꞹ Santiago 1:​13). Texeyo kjaa ke yo ntee dya nee ra chɇzhiji ko e Diosi.

2. ¿Pje kjaji yo religión yo dya na kjuana ngekʼua yo ntee dya nee ra matrʼꞹji e Diosi?

Yo religión yo dya na kjuana dya sʼiyaji yo ntee jango ga tsjaa e Jehová. Ne Biblia mama ke “kʼo nzhubꞹ kʼo kjaji me na punkjꞹ, chjentjobi kʼꞹ je ri kjinsʼi asta ajensʼe” (Apocalipsis 18:5). Yo religión ke dya na kjuana ɇdyiji na punkjꞹ kjɇɇ ke kichʼiji kja política, pjøsʼꞹji yo kjaji chu̱ʼu̱ ñe pøtrʼꞹji na punkjꞹ ntee. Bʼꞹbʼꞹ kʼo otrʼꞹ axojñi kja yo religión ke pɇsʼiji yo me na joo, nangeje øtꞹji merio yo ntee yo poji kja o religión ngekʼua angezeji ra nga̱ra̱ji me na joo. Texe kʼo kjaji ñetse ke dya pa̱ra̱ji ja ga kjaa e Diosi. Ngekʼua ¿ja rga manji ke jizhiji yo nee e Diosi? (Xørꞹ 1 Juan 4:8).

3. ¿Ja ga zøʼø Mizhokjimi ma janrra yo kjaji yo religión yo dya na kjuana?

Ma nutsʼkʼe dya gi nuu na joo yo kjaji yo religión ke dya na kjuana, ¡ja ga zøma e Jehová! Angeze me sʼiya yo ntee, pe me nuu na ꞹꞹ yo otrʼꞹ axojñi kja yo religión yo dya na kjuana, nangeje jizhiji bʼɇchjine ñe kjapꞹji yo na sʼoo yo ntee. Mizhokjimi mama ke ra chjotꞹ yo religión yo dya na kjuana ñe “dya kja xe ra chøtʼꞹkʼꞹ” (Apocalipsis 18:​21). Dya kja ra mezhe ra chjotꞹ texe yo religión yo dya na kjuana (Apocalipsis 18:8).

 TEXE YO JÑAA KE ME NI MUBI RA PA̱RA̱JI

4. Mizhokjimi dya nuu na joo texe yo religión

Na punkjꞹ ntee kjijñiji ke texe yo religión ngeji nzakja nʼaño ñʼii ke sⱥtrʼⱥji kja Mizhokjimi. ¿Na kjuanayo? Xørꞹbi Mateo 7:​13, 14 ñe ri chjꞹrꞹbi ne trʼønꞹ nu ba e̱je̱:

• Jango ga mama ne Biblia, ¿ja ga nge nu ñʼii ke sinziji kja Mizhokjimi?

Jñanrrabi ne VIDEO ñe ri chjꞹrꞹbi ne trʼønꞹ nu ba e̱je̱:

• ¿Mama ne Biblia ke Mizhokjimi nuu na joo na punkjꞹ religión?

 6. E Diosi nee ke yo ntee ra mbedyeji kja yo religión yo dya na kjuana

Xørꞹbi Apocalipsis 18:4 a ñe ri chjꞹrꞹbi ne trʼønꞹ nu ba e̱je̱:

• E Diosi nee ra mbøsʼꞹ yo ntee ke o dyompꞹ yo religión yo dya na kjuana. ¿Ja gi ñugekʼo?

7. Dya ri jyɇzi ri pjechi ja ga kjaa e Diosi kʼꞹ na kjuana

Yo na sʼoo yo kjaji yo religión yo dya na kjuana ¿søø ra manji ke nge o sʼokꞹ Mizhokjimi? Tsjijñi kʼo kjaa na trʼii ke dya nee ra dyⱥrⱥ kʼo xipji nu tata, sogꞹ o ngumꞹ ñe kjaa kʼo na sʼoo. Ne tata dya nuu na joo kʼo kjaa o trʼii. ¿Søø ra manji ke nge o sʼokꞹ ne tata ke o trʼii kjaa kʼo na sʼoo?

• ¿Na joo ra manji ke nge o sʼokꞹ e Jehová texe yo kjaji yo religión yo dya na kjuana, ngekʼua dya kja ra nee ra pa̱ra̱ji kjo nge angeze?

 KʼO YA RO NUJI

Yo na sʼoo yo kjaji yo religión yo dya na kjuana kjaa ke yo ntee dya nee ra chɇzhiji ko e Diosi. Dya kja ra mezhe ma e Diosi ra chjotꞹyo.

Pje gi mbeñege

• ¿Pje gi kjijñige kʼo kjaji ñe jizhiji yo religión yo dya na kjuana?

• ¿Ja ga nuu e Jehová yo religión yo dya na kjuana?

• ¿Pje ra tsjapꞹ Mizhokjimi yo religión yo dya na kjuana?