XØRꞸ 17
¿Ja ga ngeje e Jesús?
Ma ri pjechiji kʼo o tsjaa ñe kʼo o mama e Jesús ma go mimi kja ne Xoñijomꞹ, pjøxkꞹji ra chɇzhiji ko angeze ñe ko nu Tata, Jehová. ¿Pje ma cualidad pɇsʼi e Jesús ke me na joo? ¿Pje ra kjaji ngekʼua ra chenji nzakja angeze?
1. ¿Ja ga chjenjui e Jesús ko nu Tata?
E Jesús a go mimi ajensʼe me na punkjꞹ millón kjɇɇ ke janrra ja ga ngeje nu Tata ñe na pjechi kʼo kjaa angeze. Ngekʼua kjijñi, søʼø ñe kjaa jango ga nge angeze (xørꞹ Juan 5:19). E Jesús kjaa texe na joo ja ga tsjaa nu Tata ngekʼua o mama: “Nu kʼꞹ ya o jñandga, ya xo jñanda mi Tatagø” (Juan 14:9). Ngekʼua ma ri pa̱ra̱ na joo ja ga nge e Jesús, ri pa̱ra̱ ja ga kjaa e Jehová. Nzakja ma e Jesús mi juentse kʼo ntee, nukʼo kjaa ke ri ñuge ja ga zøʼø e Jehová ko nutsʼkʼe.
2. ¿Ja ba ñetse ke e Jesús me sʼiya o Tata?
E Jesús o mama: “Ni jyodʼꞹ ra mba̱ra̱ yo ka̱ra̱ kja ne xoñijomꞹ, nuzgø me ri sʼiyagø mi Tata. Ngekʼua ri kjagø kʼo mandazꞹ” (Juan 14:31). Ma go bʼꞹbʼꞹ kja ne Xoñijomꞹ, zø e Jesús go kjogꞹ nrrumꞹ kʼo me ma sʼɇzhi go dyⱥtⱥ nu Tata nangeje me sʼiya. Xo e Jesús me mi to̱jia ma mi jichi kʼo ntee ja ga ngeje nu Tata ñe ja rgua joji ko angeze (Juan 14:23).
3. ¿Ja ga ñetse ke e Jesús me sʼiya yo ntee?
E Jesús go mama yo ba e̱je̱ kja ne Biblia “kʼo me mi sʼiyagø nge yo ntee” (Proverbios 8:31). Go ñetse ke mi sʼiya kʼo ntee nangeje mi pjøsʼꞹ kʼo mi to̱gꞹ o mꞹbʼꞹ ñe dya mi tebʼe ro ngontrʼpꞹji. Ngekʼua go tsjaa milagro nu ja ba ñetse ke dya ngextrjo ma zɇzhi, xo mi juentse kʼo ntee ngekʼua mi pjøsʼꞹ (Marcos 1:40-42). Ma jonte ñe dya mi juajnꞹtrjo kjo ro mbøsʼꞹ. Kʼo mi mama mi kjaa ke kʼo ntee kʼo mi ⱥrⱥji ro zøji na joo ñe ro mbɇsʼiji na esperanza. Ngekʼua bo sɇchi texe kʼo o tsjapꞹji ñe go nrru̱u̱ ngekʼua ro ngꞹxkʼꞹji nangeje me sʼiyazꞹji, zø mazi sʼiya yo kjaji kʼo mama angeze (xørꞹ Juan 15:13, 14).
TEXE YO JÑAA KE ME NI MUBI RA PA̱RA̱JI
Ra pa̱ra̱ji na joo ja ga kjaa e Jesús ñe ra kjaji jango ba tsjaa angeze ke me mi sʼiya ñe mi unꞹ kʼo mi pɇsʼi.
4. Jesús sʼiya o Tata
Kʼo o tsjaa e Jesús, jitsʼkøji ja rga sʼiyaji Mizhokjimi. Xørꞹbi Lucas 6:12 xo ñe Juan 15:10 ñe 17:26. Ma ri kjuarꞹbi ri xørꞹbi nzi dʼa texto, ri chjꞹrꞹbi ne trʼønꞹ nu ba e̱je̱:
-
Jango ba tsjaa e Jesús, ¿ja ga ñetse ke ri sʼiyaji e Jehová?
E Jesús mi sʼiya nu Tata kʼꞹ bʼꞹbʼꞹ ajensʼe ñe dya mi jɇzi mi øtꞹ ro mbøsʼꞹ.
5. Jesús pjøsʼꞹ kʼo pje ni jyodʼꞹji
E Jesús me mi mbeñe ja rgua mbøsʼꞹ kʼo ntee zø a bi mboo o kuee, mi xo̱kꞹ nrrajme ñe mi unꞹ kʼo mi pɇsʼi ngekʼua ro mbøsʼꞹ kʼo ntee. Xørꞹbi Marcos 6:30-44 ñe ri chjꞹrꞹbi yo trʼønꞹ yo ba e̱je̱:
-
Nzakja ya ro xørꞹbi, ¿ja ba ñetse ke e Jesús mi nee ro mbøsʼꞹ kʼo ntee? (Jñandabi yo versículo 31, 34, 41 ñe 42).
-
¿Pjenga e Jesús go mbøsʼꞹ kʼo ntee? (Jñandabi nu versículo 34).
-
Kʼꞹ e Jesús kjaa jango ga ngeje o Tata, ¿pje jitsʼige ja ga kjaa e Jehová?
-
¿Pje ra kjaji ngekʼua ra pjøsʼꞹji yo dyaja jango ba tsjaa e Jesús?
6. Jesús mi unꞹ kʼo mi pɇsʼi
E Jesús mi unꞹ kʼo mi pɇsʼi zø dya mi pɇsʼi na punkjꞹ, nuyo jitsʼkøji ke xo ra kjaji akjanu. Xørꞹbi Hechos 20:35 ñe ri chjꞹrꞹbi ne trʼønꞹ nu ba e̱je̱:
-
Jango ba mama e Jesús, ¿pje kjakøji ra mⱥji?
Jñanrrabi ne VIDEO ñe ri chjꞹrꞹbi ne trʼønꞹ nu ba e̱je̱:
-
¿Pje søø ra unꞹji zø dya nrra ri pɇsʼiji?
¿Mi pa̱rge?
Ne Biblia mama ke ma ra kjaji oración ngextrjo e Jehová kʼꞹ ra zopjꞹji, xo pɇskʼꞹ ra øtꞹji kja o trju̱u̱ e Jesús (xørꞹbi Juan 16:23, 24). Akjanu ra ñetse ke ri unꞹji pøjø kʼo o tsjaa e Jesús ngekʼua ro mbøxkꞹji ra jogøji ko e Jehová.
BʼꞸBʼꞸ KʼO MANJI: “Ma e Mizhokjimi sʼiyazꞹji dya ro jyɇzi ke ro supjreji”.
-
Ma e Jesús nge nzakja nu Tata, ¿pje go tsjaa ngekʼua go ñetse ke e Jehová sʼiyazꞹji?
KʼO YA RO NUJI
E Jesús sʼiya e Jehová ñe xo sʼiya yo ntee. Angeze nge nzakja nu Tata, ngekʼua ma ri pa̱ra̱ na joo ja ga ngeje e Jesús, mazi ri pa̱ra̱ ja ga kjaa e Jehová.
Pje gi mbeñege
-
Jango ba tsjaa e Jesús, ¿ja rga ñetse ke ri sʼiyaji e Jehová?
-
Jango ba tsjaa e Jesús, ¿ja rga ñetse ke ri sʼiyaji yo ntee?
-
¿Pje nge kʼo mazi gustatsʼꞹ ja ga ngeje e Jesús?
XE SØØ RI PA̱RA̱
Jñanrra janzi cualidad ke pɇsʼi e Jesús ke søø ra xⱥkⱥji.
“Ra xⱥkⱥji e Jesús” (Jesús: el camino, la verdad y la vida, página 317)
Jñanrra ja ga mbøxkꞹji e Jesús ma ri kjaji oración.
“¿Pjenga ma ra øtꞹji e Jehová ra kjaji kja o trju̱u̱ e Jesús?” (La Atalaya, 1 de febrero de 2008)
¿Mama ne Biblia jango ma jmii o kuerpo e Jesús?
¿Pje ri pjechiji ja ma nuu e Jesús kʼo nrrinxu?
“Mizhokjimi sʼiya ñe tʼekjañomꞹ yo nrrinxu” (La Atalaya, 1 de septiembre de 2012)
Puede que también le interese
KʼO ME ØNꞸJI
¿Ja ga kjaa ne curso bíblico kʼꞹ unꞹji yo testigo e Jehová?
Kja ne curso interactivo søø ri xørꞹge ne Biblia kʼꞹ gi nege. Dya pje ri tsjontrʼꞹ. Søø ri zojnꞹge kja ne curso texe ni pjamiliage ñe yo ntee yo gi joge.
