XØRꞸ 19
¿Nge yo testigo e Jehová yo cristiano ke na kjuana?
Yo testigo e Jehová ri kreojme ke ngetsʼkøjme yo cristiano yo na kjuana. ¿Pjenga? Ra nuji pje nge kʼo ri kreojme ñe pjenga ni chju̱zgøjme testigos de Jehová, ñe xo ra nuji ja ga ñetse ke ri potka sʼiyajme.
1. ¿Ja ba e̱je̱ yo ri kreojme yo testigo e Jehová?
E Jesús o xipji Mizhokjimi: “In jñage kʼꞹ na kjuana” (Juan 17:17, NTD). Yo testigo e Jehová ri kjajme ja ba tsjaa e Jesús: yo ri kreojme nge yo ba e̱je̱ kja o Jñaa e Mizhokjimi. Jñanrra ja ba mbꞹrꞹji yo testigo e Jehová yo padya. Nu kjɇɇ 1870, janzi ntee kʼo mi xørꞹji ne Biblia go mbꞹrꞹ go nuji na joo kʼo mi xørꞹji. Kʼo mi kreoji go nuji kjo ma kjuana jango ga mama ne Biblia, zø dya mi chjenjui kʼo mi kreoji kʼo dyaja religión. Kjanu go mbꞹrꞹ go jichiji kʼo ntee kʼo mi xørꞹji kja ne Biblia. a
2. ¿Pjenga ni chju̱zgøjme testigos de Jehová?
E Jehová mama ke yo ntee ke matrʼꞹji angeze ngeji o testigo nangeje jichiji yo ntee yo na kjuana yo mama ne Biblia (Hebreos 11:4–12:1). Nzakja mi jingua, e Diosi o xipji kʼo ntee kʼo mi matrʼꞹ angeze: “Nutsʼkʼeji ngetsʼkʼeji in testigogø” (xørꞹ Isaías 43:10). E Jesús xiji “el Testigo Fiel”, kʼꞹ nee ra mama ke kjaa texe kʼua janzi ga nee Mizhokjimi (Apocalipsis 1:5). Ngekʼua nu kjɇɇ 1931 ro juajnꞹjme ne tju̱u̱ testigos de Jehová. Me ri mⱥkjøjme ke ni chju̱zgøjme akjanu.
3. Yo testigo e Jehová, ¿ja ga xⱥkⱥji e Jesús kʼꞹ mi sʼiya yo ntee?
E Jesús me mi sʼiya o discípulo ke mi ngeji nzakja o pjamilia (xørꞹ Marcos 3:35). Yo testigo e Jehová kja texe ne xoñijomꞹ xo ri ngejme nzakja na pjamilia. Ngekʼua yo in dyokjøjme ri xipjijme “kjuarma” ñe “kju̱ʼu̱” (Filemón 1, 2). Xo ri ⱥtⱥjme yo mama Mizhokjimi: “Ri potki sʼiyaji yo nin kjuarmaji” (1 Pedro 2:17). Yo testigo e Jehová ri sʼiyajme yo in kjuarmajme kja texe ne xoñijomꞹ ngekʼua ri pjøsʼꞹjme ma kjogꞹji nrrumꞹ.
TEXE YO JÑAA KE ME NI MUBI RA PA̱RA̱JI
Ra pa̱ra̱ji na joo ja ba mbꞹrꞹ yo testigo e Jehová ñe pje kja ri mangøjme ke ngezgøjme yo cristiano yo na kjuana.
Yo bʼemi ngeji cristiano, yo kreoji nge yo mama ne Biblia ñe jichiji yo ntee yo a pjechiji.
4. Yo ri kreojme nge yo mama ne Biblia
E Jehová o mama ke yo ba e̱je̱ kja ne Biblia ro sⱥⱥ nu paa ke ro pa̱ra̱ji na joo yo nee ra mama. Xørꞹbi Daniel 12:4 ñe ri chjꞹrꞹbi ne trʼønꞹ nu ba e̱je̱:
-
Ma yo matrʼꞹ e Diosi ro xørꞹji ne Biblia ¿pje nge kʼo ro bʼꞹbʼꞹ “na punkjꞹ”?
Jñanrra ja ma xørꞹji o Jñaa e Mizhokjimi janzi ntee nu ja xo mi bʼꞹbʼꞹ e Charles Russell. Jñanrrabi ne VIDEO ñe ri chjꞹrꞹbi ne trʼønꞹ nu ba e̱je̱:
-
Nzakja bi jñanrra kja ne video, ¿ja ma xørꞹji ne Biblia e Charles Russell ñe kʼo ntee kʼo mi bʼꞹnji ko angeze?
¿Mi pa̱rge?
Ke a ro potꞹjme janzi kʼo mi kreojme. ¿Pjenga? Nangeje Mizhokjimi jmanchʼa jmanchʼa jɇzgijme ra pa̱ra̱jme yo mama ne Biblia, nzakja ma na jyasʼꞹ ke jmanchʼa jmanchʼa ga juɇsʼi ne jyarꞹ ke jɇzgiji ra janrraji na joo yo bʼꞹbʼꞹ, nzakja yo trʼeje (xørꞹbi Proverbios 4:18). Ngekʼua zø ne Biblia dya potꞹ, pe ma ri pa̱ra̱jme na joo yo mama, kjakꞹjme ra potꞹjme kʼo dya ma joo kʼo mi kjagøjme.
5. Yo testigo e Jehová ri jizhijme yo na kjuana
¿Pjenga ro juajnꞹjme ro chju̱zgøjme testigos de Jehová? Jñanrrabi ne VIDEO ñe ri chjꞹrꞹbi ne trʼønꞹ nu ba e̱je̱:
-
¿Pjenga me na joo ne trju̱u̱ testigos de Jehová?
¿Pjenga e Jehová o juajnꞹ ntee ngekʼua ra ngeji o testigo? Nangeje a xospꞹji na punkjꞹ bʼɇchjine e Jehová, ngekʼua yo in testigo jichiji yo na kjuana a yo ntee ja ga kjaa angeze, ke nge nu Mizhokjimi nu na kjuana. Ra nuji janzi bʼɇchjine ke jizhiji yo religión yo dya na kjuana.
Nzakja manji ke e Mizhokjimi nee ke ra xørpꞹji yo santo. ¿Na kjuanayo? Xørꞹbi Levítico 26:1 ñe ri chjꞹrꞹbi ne trʼønꞹ nu ba e̱je̱:
-
Jango ga mama ne versículo, ¿pje nge kʼo na kjuana? ¿Ja ga nuu e Diosi yo tsʼita?
Bʼꞹnkʼø otrʼꞹ axojñi kja yo religión ke manji ke e Jesús ngeje e Mizhokjimi. ¿Na kjuanakʼo? Xørꞹbi Juan 20:17 ñe ri chjꞹrꞹbi yo trʼønꞹ yo ba e̱je̱:
-
Nzakja kʼo a ro xørꞹbi, ¿pje nge kʼo na kjuana? ¿Ngeje e Diosi ñe e Jesús dʼatrjo ntee?
-
¿Ja gi søge ke a bi pa̱ra̱ ke e Jehová pejñe yo in testigo ngekʼua ra jichiji yo ntee yo na kjuana ja ga ngeje angeze ñe nu Tʼii?
6. Ri potka sʼiyajme yo in dyokjøjme
Ne Biblia mama ke yo cristiano chenji na kuerpo ke potka pjøsteji. Xørꞹbi 1 Corintios 12:25, 26 ñe ri chjꞹrꞹbi yo trʼønꞹ yo ba e̱je̱:
-
¿Pje ni jyodʼꞹ ra tsjaji yo cristiano yo na kjuana ma janrraji ke o dyoji na supjreji?
-
Kʼo a bi jñanrrage, ¿ja ga ñetse ke yo testigo e Jehová potka sʼiyaji?
Ma ka̱ra̱ testigos de Jehová ke supjreji, yo o kjuarmaji kja texe nu xoñijomꞹ dabadiji ga mbøsʼꞹji. Ra nuji ja ga tsjaji, jñanrrabi ne VIDEO. Kjanu ri chjꞹrꞹbi ne trʼønꞹ nu ba e̱je̱:
-
Kʼꞹ potka pjøsteji yo testigo e Jehová ¿nge kʼꞹ sʼiyaji o dyoji? ¿Pjenga?
Yo cristiano yo na kjuana sʼiyaji yo o minte ngekʼua pjøsʼꞹji ma kjogꞹji nrrumꞹ.
BʼꞸBʼꞸ KʼO MANJI: “Yo testigo e Jehová kja dʼadyo o religiónyo”.
-
¿Jingua e Jehová o jñu̱spʼꞹ “testigo” yo ntee yo matrʼꞹ angeze?
KʼO YA RO NUJI
Yo testigo e Jehová ngeji cristiano ke na kjuana. Ri ngejme na pjamilia kja texe ne xoñijomꞹ kʼꞹ ri matrʼꞹjme Mizhokjimi, texe yo ri kreojme bʼꞹbʼꞹ kja ne Biblia ñe ri jichijme yo na kjuana a yo ntee ja ga ngeje e Jehová.
Pje gi mbeñege
-
¿Pjenga ro nejme ro chju̱zgøjme testigos de Jehová?
-
¿Pje ri kjajme ngekʼua ñetse ke ri potka sʼiyajme?
-
¿Gi kreoge ke yo testigo e Jehová bʼemi ngeji cristiano?
XE SØØ RI PA̱RA̱
Jñanrra na joo ja rgua pjꞹrꞹgøjme.
Yo testigo e Jehová: na kjuana kreoji e Diosi. Parte dʼaja: Pa̱ra̱ji kʼo na kjuana (1:00:53)
Yo testigo e Jehová a unꞹji nguenda yo bʼɇchjine ke jizhiji yo religión, jñanrra dʼajayo.
Xørꞹ ma gi nee ri pa̱ra̱ pje kjaji yo testigo e Jehová.
“Yo ntee nee ra mba̱ra̱ji pje kjaji yo testigo e Jehová” (Sección kja jw.org)
E Stephen me mi nuu na ꞹꞹ yo ntee ngekʼua me mi kjaa kʼo na sʼoo. Jñanrra pje go mbøsʼꞹ ngekʼua ro jyɇzikʼo.
“Mazi mi kjagø kʼo me na sʼoo” (La Atalaya, 1 de julio de 2015)
a Ne skuama La Atalaya, dya jɇzi ga mbedye ndizi nu kjɇɇ 1879.
Puede que también le interese
KʼO ME ØNꞸJI
¿Ja ga kjaa ne curso bíblico kʼꞹ unꞹji yo testigo e Jehová?
Kja ne curso interactivo søø ri xørꞹge ne Biblia kʼꞹ gi nege. Dya pje ri tsjontrʼꞹ. Søø ri zojnꞹge kja ne curso texe ni pjamiliage ñe yo ntee yo gi joge.
