XØRꞸ 20
Ja ga pɇpjiji kja congregación
E Jehová nee ke ra kjaji texe ja ga nee angeze (1 Corintios 14:33). Ngekʼua nee ke yo matrʼꞹji angeze ra tsjaji kʼo ørꞹ. ¿Ja ga pɇpji nu congregación cristiana? ¿Pje ra kjaji ngekʼua ra pɇpjiji na joo ko nu congregación?
1. ¿Kjo nge kʼꞹ manda kja nu congregación cristiana?
“E Jesucristo, ngeje o ñiʼi yo ejme angeze” (Efesios 5:23). Ndizi ajensʼe e Jesús na janrra ja ga pɇpjiji kja texe ne xoñijomꞹ yo matrʼꞹji e Jehová. Go ñʼeme “kʼe mbɇpji kʼꞹ na kjuana kjaa kʼua ja nzi ga mama o lamu ñe kʼꞹ kjijñi na joo”: xo xiji Cuerpo Gobernante (xørꞹ Mateo 24:45-47, TNM). Jango ma tsjaji kʼo apóstole ñe kʼo mi kjꞹsʼꞹji axojñi kja kʼo congregación a Jerusalén kja kʼe siglo dʼaja, nu Cuerpo Gobernante nge nu otrʼꞹ axojñi kja yo congregación kja texe ne xoñijomꞹ yo padya (Hechos 15:2). Pe angezeji dya mandaji kja ne congregación. Ⱥtⱥji e Jehová ñe kjaji yo mama ne Biblia, xo ⱥtⱥji e Jesús.
2. ¿Pje ma bʼɇpji kjaji yo anciano kja yo congregación?
Yo anciano kja yo congregación—ngeji bʼɇzo ke me pa̱ra̱ji—jizhiji na joo yo mama ne Biblia ñe pjøsʼꞹji ra sɇchiji yo ndumꞹ yo kjogꞹji yo kjuarma. Angezeji dya tebʼeji ra ngøtrʼpꞹji yo kjaji. Kjaji jango ga mama ne Biblia, “ri ñegeji ri pjørꞹji” dya ri ñegeji “kʼꞹ ri cho̱geji o merio; nge kʼꞹ ri pjørꞹji ko texe in mꞹbʼꞹji” (1 Pedro 5:1, 2). Yo siervos ministeriales nge yo pjøsʼꞹji yo anciano kja congregación, xo angezeji søø ra ngeji anciano ma ra minji jango ga mama ne Biblia.
Nu Cuerpo Gobernante juajnꞹ janzi anciano ngekʼua ra ngeji superintendente de circuito. Yo kjuarmayo kjiñiji yo congregación ngekʼua ra mbøsʼꞹji yo o kjuarmaji ra dyⱥtⱥji e Diosi ñe ra sɇchiji yo nrrumꞹ yo kjogꞹji. Xo janrraji pje ma kjuarma kjaa jango ga mama ne Biblia ngekʼua søø ra ngeji anciano ñe siervo ministerial (1 Timoteo 3:1-10, 12; Tito 1:5-9).
3. ¿Pje ma bʼɇpji kjaa nzi na Testigo?
Texe kja ne congregación matrʼꞹji “o trju̱u̱ e Jehová” ma unꞹji na jñaa nu ja ri jmurꞹjme. Xo kjaji akjanu ma jichiji yo ntee o Jñaa Mizhokjimi, jango ga søji (xørꞹ Salmo 148:12, 13).
TEXE YO JÑAA KE ME NI MUBI RA PA̱RA̱JI
Ra nuji ja ga manda e Jesús, ja ga xⱥkⱥji yo anciano kʼo o tsjaa angeze, ñe pje ra kjagøji ngekʼua ra ⱥtⱥji e Jesús ñe yo anciano.
4. Jesús kjꞹsʼꞹ axojñi ñe pjøxkꞹji ra søji na joo
E Jesús kjakꞹji na invitación kʼꞹ me na joo. Xørꞹbi Mateo 11:28-30 ñe ri chjꞹrꞹbi yo trʼønꞹ yo ba e̱je̱:
-
¿Ja ga ngeje e Jesús? ¿Ñe ja ga nee ke ra søgøji?
¿Ja ga ndɇpiji yo anciano e Jesús? Jñanrrabi ne VIDEO.
Ne Biblia mama ja rga tsjaji o bʼɇpji yo anciano.
Xørꞹbi Isaías 32:2 ñe 1 Pedro 5:1-3, ñe ri chjꞹrꞹbi yo trʼønꞹ yo ba e̱je̱:
-
E Jesús mi pjøsʼꞹ kʼo ntee ma mi kjogꞹji ndumꞹ. ¿Ja gi søge ma gi nuu ke yo anciano xo kjaji akjanu?
-
¿Ja xi ga xⱥkⱥji yo anciano e Jesús?
5. Yo anciano kjaji jango ga jizhiji
¿Ja ga nee e Jesús ke yo anciano ra nuji o bʼɇpji? Jñanrrabi ne VIDEO.
E Jesús go mama ja rga ngeje yo kjuarma yo jizhiji kja nu congregación. Xørꞹbi Mateo 23:8-12 ñe ri chjꞹrꞹbi ne trʼønꞹ nu ba e̱je̱:
-
¿Ja ga mama ne Biblia ke ra ngeji yo anciano? ¿Gi kjijñige ke yo mbøkjimi ñe xøpꞹte kja yo religión kjaji jango ga mama ne Biblia?
-
Yo anciano dya jɇziji ra chɇzhiji ko e Jehová ñe pjøsʼꞹji o pjamilia ngekʼua xo ra tsjaji akjanu.
-
Yo anciano nuji ja rga mbøsʼꞹji texe yo bʼꞹnji kja nu congregación.
-
Yo anciano dya jɇziji ga jichiji o Jñaa Mizhokjimi.
-
Yo anciano jizhiji o Jñaa e Diosi. Xo trjintsiji nu ja jmurꞹji ñe pjøsʼꞹji ma pje kʼo nrre ni jyodʼꞹ.
6. Pje ra kjaji ngekʼua ra pjøsʼꞹji yo anciano
Ne Biblia mama ke ni jyodʼꞹ ra ⱥtⱥji yo anciano. Xørꞹbi Hebreos 13:17 ñe ri chjꞹrꞹbi ne trʼønꞹ nu ba e̱je̱:
-
¿Pjenga mama ne Biblia ke ni jyodʼꞹ ra ⱥtⱥji yo anciano? ¿Gi kjijñige ke na jokʼo? ¿Pjenga?
Xørꞹbi Lucas 16:10 ñe ri chjꞹrꞹbi ne trʼønꞹ nu ba e̱je̱:
-
¿Pjenga na joo ra pjøsʼꞹji yo anciano kja texe kʼo pje chɇchkiji?
BʼꞸBʼꞸ KʼO MANJI: “Dya ni jyodʼꞹ ra pɇsʼiji na religión”.
-
¿Ja ga mbøxkꞹji kʼꞹ ra matrʼꞹji Mizhokjimi kja congregación?
KʼO YA RO NUJI
E Jesús nge kʼꞹ manda kja congregación. Yo anciano ⱥtⱥji angeze, nuzgøji ri pjøsʼꞹji ñe ri ⱥtⱥji nangeje pjøkꞹji, ñe jitsiji ra kjaji jango ga tsjaji angezeji.
Pje gi mbeñege
-
¿Kjo nge kʼꞹ manda kja nu congregación?
-
¿Ja ga mbøsʼꞹji yo anciano kja nu congregación?
-
¿Pje ma bʼɇpji kjaa nzi dʼa kjuarma ñe kju̱ʼu̱?
XE SØØ RI PA̱RA̱
Jñanrra pje kjaa nu Cuerpo Gobernante ñe yo anciano ke me sʼiyaji o kjuarmaji.
Ñuu ja ga tsjaji o bʼɇpji yo superintendente de circuito.
Yo kjaa na superintendente de circuito kja yo menzumꞹ yo me na je̱e̱ (4:51)
Xørꞹ pje søø ra tsjaa yo nrrinxu kja congregación.
Jñanrra pje nrre kjaji yo anciano ngekʼua ra mbøsʼꞹji yo o kjuarma.
“Yo anciano kja congregación pjøxkꞹji ngekʼua ra søji na joo” (La Atalaya, 15 de enero de 2013)
Puede que también le interese
KʼO ME ØNꞸJI
¿Ja ga kjaa ne curso bíblico kʼꞹ unꞹji yo testigo e Jehová?
Kja ne curso interactivo søø ri xørꞹge ne Biblia kʼꞹ gi nege. Dya pje ri tsjontrʼꞹ. Søø ri zojnꞹge kja ne curso texe ni pjamiliage ñe yo ntee yo gi joge.
