XØRꞸ 22
¿Pje ri tsjage ngekʼua ri jichi yo ntee o Jñaa e Palesito ajensʼe?
Ma gi pa̱ra̱ yo na kjuana yo mama ne Biblia, bʼꞹma gi mange: “¡Texe yo ntee ni jyodʼꞹ ra mba̱ra̱jiyo!”. Na kjuana kʼo gi mange; texe yo ntee ni jyodʼꞹ ra mba̱ra̱jiyo. Pe bʼꞹma gi su̱u̱ ri jichi yo ntee yo na pjechige. Ra nuji pje ri tsjage ngekʼua ra mbøxkʼꞹ dya ri su̱u̱ ri jichi yo ntee o Jñaa e Palesito ajensʼe ñe me ri to̱jia rgi tsjaa.
1. ¿Pje ri tsjage ngekʼua ri jichi yo ntee kʼo pa̱kʼa̱tsʼꞹ yo na pjechige?
Kʼo o discípulo e Jesús o manji: “Kʼo ro jandabʼe ñe kʼo ro ⱥrⱥbʼe, ni jyodʼꞹ ra xipjibʼe yo ntekʼo” (Hechos 4:20). Me mi mⱥjⱥji kʼo bi mba̱ra̱ji ke mi nee ro jichiji kʼo dyaja. ¿Xo gi søge akjanu? Nuʼma jyodʼꞹ ja rgi jichi yo na pjechi yo in pjamilia ñe in jobi, pe ri tʼekjañomꞹ rgi tsjaa (xørꞹ Colosenses 4:6).
Søø ri tsjage ja ga mamaba
-
Ma ri ñaa ko dʼa in pjamilia søø ri pjꞹrꞹ ri xipji a kjaba: “Ne ngodya ro pjechi kʼo me na joo”.
-
Ma na in jobi sødye maxke na kjogꞹ na nrrumꞹ, jichi yo mama o Jñaa e Diosi kʼꞹ ra søø ra mbøsʼꞹ.
-
Ma kʼo in dyojui nu ja gi pɇpji ra dyønkʼꞹji pje bi tsjaa nu nrromgo, xipjiji yo bi pjechi ma bi xørꞹ ne Biblia o kʼo bi pjechi ma bi maa kja reunión.
-
Jichi yo in jobi ne sitio kja internet jw.org.
-
Mbita kʼo ri ñege ma ba ne̱ jitsʼiji yo mama ne Biblia, maxke jichi ja rga ngichi kja jw.org ngekʼua ra dyørꞹ kjo ra maa jichi kja o ngumꞹ.
2. ¿Pjenga me na joo ri maa jichi yo ntee yo mama ne Biblia ko yo kjuarma kja congregación?
Kʼo o discípulo e Jesús dya ngextrjo ro jichiji o Jñaa e Mizhokjimi kʼo ntee kʼo mi pa̱ra̱ji. E Jesús “kjanu o xipjikʼua nde yeje rba moji; ro moji kʼo jñiñi nu ja ro maa angeze”, ro maa zopjꞹji kʼo ntee (Lucas 10:1). Kʼꞹ o tsjaji akjanu nukʼo o tsjaa ke ro zⱥtrʼⱥji kja na punkjꞹ ntee ngekʼua ro dyⱥrⱥji o Jñaa e Mizhokjimi. Kʼo discípulo me go mⱥji kʼꞹ go tsjaji akjanu (Lucas 10:17). ¿Natsʼkʼe, xo gi nee ri jichi o Jñaa Mizhokjimi ko ne congregación?
TEXE YO JÑAA KE ME NI MUBI RA PA̱RA̱JI
Ra nuji pje ra mbøxkʼꞹ ngekʼua dya ri su̱u̱ ñe me ri mⱥjⱥ ma ri jichi yo ntee o Jñaa Mizhokjimi.
3. E Jehová ra mbøxkʼꞹ
Bʼꞹbʼꞹ kʼo nee ra jichiji yo ntee o Jñaa Mizhokjimi, pe su̱ji pje ra xipjiji.
-
Natsʼkʼe, ma gi nee ri jichi yo ntee yo na pjechige kja ne Biblia ¿gi su̱u̱, maxke iyo? ¿Pjenga?
Jñanrrabi ne VIDEO ñe ri chjꞹrꞹbi ne trʼønꞹ nu ba e̱je̱:
-
¿Pje go mbøsʼꞹ kʼo trʼii kja ne video ngekʼua dya ro zu̱ji?
Xørꞹbi Isaías 41:10 ñe ri chjꞹrꞹbi ne trʼønꞹ nu ba e̱je̱:
-
¿Pjenga na joo ri dyøtꞹ Mizhokjimi kʼꞹ ra mbøxkʼꞹ ma gi su̱u̱ ri jichi yo ntee o Jñaa angeze?
¿Mi pa̱rge?
Na punkjꞹ yo ngejidya testigo e Jehová mi kjijñiji ke dya ro søø ro jichiji yo ntee yo mama ne Biblia. Nzakja na bʼɇzo ke ni chju̱u̱ Sergey mi kjijñi ke dya pje mi dyee ñe dya mi søø ro ñaa ko yo ntee. Na paa go mbꞹrꞹ go xørꞹ ne Biblia. Angeze mama: “Zø mi su̱gø, ro pjꞹrꞹ ro jichi kʼo ntee kʼo ma pjechigø kja ne Biblia. Me ro kentrjogø ke nuyo go mbøxkꞹ ro søgø na joo ñe mazi ro juntrʼꞹ kja in mꞹbʼꞹ yo ma pjechigø kja ne Biblia”.
4. Ri tʼekjañomꞹ ma ri jichi yo ntee
Ma ri jichi na ntee dya ngextrjo ri tsjijñi pje ri xipji, xo me na joo ri tsjijñi ja rgi xipji. Xørꞹbi 2 Timoteo 2:24 ñe 1 Pedro 3:15, ñe ri chjꞹrꞹbi yo trʼønꞹ yo ba e̱je̱:
-
¿Ja rga mbøxkʼꞹ yo mama yo versículo ma ri jichi yo ntee yo ba e̱je̱ kja ne Biblia?
-
Bʼꞹma janzi yo in pjamilia ñe yo in jobi dya nuji na joo kʼo na pjechige. ¿Pje ri tsjage? Ñe ¿pje nge kʼo dya ri tsjaa?
-
¿Pjenga xenda na joo ri respetao ma ri ñaa ko angezeji, ke kʼꞹ ri xipji kʼo ni jyodʼꞹ ra kreoji?
5. Ma ri jichiji yo ntee o Jñaa e Diosi kjakꞹji ra mⱥji
Jehová o chɇchpi e Jesús ro jichi kʼo ntee o Jñaa angeze. ¿Ja ma nuu e Jesús kʼe bʼɇpji? Xørꞹbi Juan 4:34 ñe ri chjꞹrꞹbi yo trʼønꞹ yo ba e̱je̱:
-
Ma ri siji jñonꞹ kʼo me na joo dya ra tu̱ji ñe me ra mⱥji rga mimiji. ¿Pjenga o mama e Jesús ke kʼꞹ ra ⱥtⱥji Mizhokjimi, nzakja kʼꞹ ra jichiji yo ntee yo mama ne Biblia, chjenjui ke ri ñonꞹji?
-
Pje gi mange, ¿pje ra tsjakʼꞹ ri mⱥjⱥ ma ri jichi yo ntee o Jñaa e Diosi?
Kʼo søø ri tsjaa
-
Ma ri maa kja reunión, jñanrra ja ga mbꞹrꞹji ga jichiji yo ntee o Jñaa Mizhokjimi.
-
Xipji kʼꞹ jitsʼi ne Biblia pje ni jyodʼꞹ ri tsjaa ngekʼua xo ri unꞹ yo jñaa kja reunión. Nukʼo ra mbøxkʼꞹ na punkjꞹ ri pa̱ra̱ ja rgi jichi yo ntee yo na pjechige.
-
Xørꞹ na joo nu ja mama “Bʼꞹbʼꞹ kʼo manji” ñe “Bʼꞹbʼꞹ kʼo ra dyønkʼꞹji” kja ne skuama, akjanu ri pjechi ja rgi chjꞹrꞹ kʼo manji yo ntee ñe ma pje kʼo ra dyønkʼꞹji.
BʼꞸBʼꞸ KʼO RA DYØNKʼꞸJI: “¿Pje gi kjatrjo? ¿Gi bʼꞹntrjo na joo?”.
-
Ma kjo kʼo ra dyønkʼꞹ akjanu ¿pje søø ri tsjaa ngekʼua ri jichi yo a bi pjechige kja ne Biblia?
KʼO YA RO NUJI
Kʼꞹ ra jichiji yo ntee yo mama ne Biblia kjakꞹji me ra mⱥji, ñe dya nrra na sʼɇzhi jango gi kjijñige.
Pje gi mbeñege
-
¿Pje ra tsjakʼꞹ ri nee ri jichi yo ntee o Jñaa Mizhokjimi?
-
¿Pje søø ri tsjaa ngekʼua ri tʼekjañomꞹ ma ri jichi yo ntee?
-
¿Pje ra mbøxkʼꞹ ngekʼua dya ri su̱u̱?
XE SØØ RI PA̱RA̱
Ñuu nziyo ja rgi tsjapꞹ ngekʼua ri jichi yo ntee o Jñaa Mizhokjimi ko ne tarjeta de contacto kja jw.org.
Ja rgi tsjapꞹ ngekʼua ri unꞹ yo ntee ne tarjeta de contacto kja jw.org (1:43)
Na joo ri pa̱ra̱ nziyo cualidad ke ra mbøxkʼꞹ ri jichi yo ntee o Jñaa Mizhokjimi.
Jñanrra yo go kjogꞹ na tsʼixutrʼi kʼꞹ mama ne Biblia, nuyo ra mbøxkꞹji dya ra su̱ji ra jichiji yo ntee o Jñaa e Diosi zø kja ri tsʼitrʼiji.
Xørꞹ pje søø ri tsjaa ngekʼua ri jichi yo in pjamilia yo dya bʼe pa̱ra̱ji e Jehová.
Puede que también le interese
KʼO ME ØNꞸJI
¿Ja ga kjaa ne curso bíblico kʼꞹ unꞹji yo testigo e Jehová?
Kja ne curso interactivo søø ri xørꞹge ne Biblia kʼꞹ gi nege. Dya pje ri tsjontrʼꞹ. Søø ri zojnꞹge kja ne curso texe ni pjamiliage ñe yo ntee yo gi joge.
