XØRꞸ 26
¿Pjenga ri kjogꞹji yo me na sʼoo ñe ri supjreji?
Ma ri kjogꞹji kʼo me kjakꞹji ra supjreji, na punkjꞹ ntee øntsjɇji “¿Pjenga kjogꞹzꞹjiyo?”. Ne Biblia mama pjenga ri supjreji, ma ri pa̱ra̱jiyo pjøxkꞹji ra søji na joo.
1. ¿Ja ba mbꞹrꞹ yo na sʼoo kja ne xoñijomꞹ?
Nu Diablo, e Satanás, dya bo nee ro dyⱥtⱥ Mizhokjimi. Angeze mi nee ro manda, go dyompꞹ yo otrʼꞹ ntee—e Adán ñe e Eva—ngekʼua dya xo ro dyⱥtⱥbi Mizhokjimi. Go xipji na bʼɇchjine e Eva (Génesis 3:1-5). O tsjapꞹ ro ngijñi kʼꞹ e Jehová dya mi nee ro unꞹ kʼo na joo. Mi nee ke yo ntee ro ngijñiji ke xenda ro mⱥji ma dya ro dyⱥtⱥji Mizhokjimi. Ma e Satanás bo xipji e Eva ke dya ro ndu̱u̱, akjanu bo mama nu otrʼꞹ bʼɇchjine. Ngekʼua ne Biblia mama ke angeze nge “na mbɇchjine. Ngejnu tata nukʼo xo mama kʼꞹ dya kjuana” (Juan 8:44).
2. ¿Pje go tsjabi e Adán ñe e Eva?
Jehová bo unꞹ e Adán ñe e Eva texe kʼo mi bʼꞹbʼꞹ kja kʼe jardín. Go xipjibi ke mi søø ro zibi texe kʼo mi kisʼi kja kʼo zaʼa kʼo mi neʼe kja kʼe jardín a Edén, ngextrjo dʼaja kʼꞹ dya ro zibi (Génesis 2:15-17). Zø bi xipjibi akjanu, dya go nee go dyⱥtⱥbi, go zibi kʼe lulu. E Eva “o jñꞹkꞹ lulu kʼo mi kisʼi kja kʼe zaʼa, kjanu o zii”. Kjanu e Adán “xo o zikʼꞹ” (Génesis 3:6). Nza yebi dya bo dyⱥtⱥbi Mizhokjimi. E Adán ñe e Eva dya mi pɇsʼibi pekado, ngekʼua mi søø ro tsjabi kʼo na joo. Kʼꞹ dya go nee go dyⱥtⱥbi Mizhokjimi, go pekabi ñe dya kja go nebi ke e Mizhokjimi ro mandabi. Nukʼo o tsjaa ke me ro supjrebi (Génesis 3:16-19).
3. Kʼꞹ e Adán ñe e Eva dya go dyⱥtⱥbi e Diosi ¿pje kjogꞹzꞹji?
Ma e Adán ñe e Eva dya go dyⱥtⱥbi Mizhokjimi, go mbɇsʼibi pekado, xo akjanu texe kʼo o chʼii kʼo o musʼꞹbi xo go mbɇsʼiji pekado. Ngekʼua ne Biblia mama: “Nukʼꞹ e Adán kʼꞹ otʼꞹ ntee o tsjaa kʼꞹ na sʼoo. Ngekʼua je ba tekʼua e nzhubꞹ kja ne xoñijomꞹ. Je akjanu ba mbꞹrꞹ kʼꞹ ri tu̱ji. Ngekʼuadya, nde ri tu̱ji” (Romanos 5:12).
¿Pjenga ri supjrejima? Naja, ngeje kʼꞹ dya ri juajnꞹji na joo kʼo ri kjaji. Yeje, yo na sʼoo yo kjaji yo ntee. Jñii, xo ri kjogꞹji yo na sʼoo ma ri bʼꞹnji nu ja pje kjogꞹ ñe dya ri pa̱rgøji nu nrrajme kʼꞹ pje ra kjogꞹzꞹji (xørꞹ Eclesiastés 9:11).
TEXE YO JÑAA KE ME NI MUBI RA PA̱RA̱JI
Ra nuji pjenga dya søø ra manji ke yo na sʼoo ñe yo kjakꞹji ra supjreji nge o sʼokꞹ Mizhokjimi, ñe ja ga zøʼø angeze ma janrrgaji ke ri supjreji.
4. ¿Kjo nge kʼꞹ kjakꞹji ra supjreji?
Na punkjꞹ ntee manji kʼꞹ nge Mizhokjimi kʼꞹ manda kja ne xoñijomꞹ. ¿Na kjuana nge akjanu? Jñanrrabi ne VIDEO.
Xørꞹbi Santiago 1:13 ñe 1 Juan 5:19, ñe ri chjꞹrꞹbi ne trʼønꞹ nu ba e̱je̱:
-
¿Ngeje o sʼokꞹ Mizhokjimi kʼꞹ ri supjreji ñe kʼꞹ kjogꞹ yo na sʼoo?
5. Yo na kjogꞹ nge o sʼokꞹ e Satanás
Xørꞹbi Génesis 3:1-6 ñe ri chjꞹrꞹbi yo trʼønꞹ yo ba e̱je̱:
-
¿Pje ma bʼɇchjine o mama e Satanás? (Jñanrrabi yo versículo 4 ñe 5).
-
¿Pje o tsjaa e Satanás ngekʼua yo ntee ro ngijñiji ke e Jehová dya mi nee kʼꞹ ro bʼꞹnji na joo?
-
Pje mama e Satanás, ¿ni jyodʼꞹ kʼꞹ e Jehová ra manda yo ntee ngekʼua ra mⱥji?
Xørꞹbi Eclesiastés 8:9 ñe ri chjꞹrꞹbi ne trʼønꞹ nu ba e̱je̱:
-
Kʼꞹ e Jehová dya manda kja ne xoñijomꞹ, ¿ja ga nga̱ra̱ yo ntee?
-
E Adán ñe e Eva dya mi pɇsʼibi pekado, mi bʼꞹnkʼui kja kʼe jardín kʼꞹ me ma zøø, dya go nee go dyⱥtⱥbi e Jehová mazi o dyⱥtⱥbi e Satanás.
-
Ma bo tsjabikʼo, je akjanu o mbꞹrꞹ ne pekado, kʼꞹ ri supjreji ñe kʼꞹ ri tu̱ji.
-
E Jehová ra chjotꞹ ne pekado, dya kja ra supjreji ñe dya kja ra tu̱ji. Akjanu yo ntee ra søø ra mimiji kja ne xoñijomꞹ kʼꞹ me rga zøø.
6. Ma e Jehová nuu ke ri supjreji me sichʼi kja o mꞹbʼꞹ
¿Nee e Mizhokjimi kʼꞹ ra supjreji? Jñanda yo bo mama nu rey David ñe nu apóstol Pedro. Xørꞹbi Salmo 31:7 ñe 1 Pedro 5:7, ñe ri chjꞹrꞹbi ne trʼønꞹ nu ba e̱je̱:
-
¿Ja gi søge kʼꞹ gi pa̱ra̱ kʼꞹ e Jehová unꞹ nguenda yo ndumꞹ yo ri kjogꞹji ñe ke me sichʼi kja o mꞹbʼꞹ ma janrra ke ri supjreji?
7. Mizhokjimi ra kjuatꞹ kʼꞹ ri supjreji
Xørꞹbi Isaías 65:17 ñe Apocalipsis 21:3, 4, ñe ri chjꞹrꞹbi ne trʼønꞹ nu ba e̱je̱:
-
Jehová mama ke ra chjotꞹ texe yo kjakꞹji ra supjreji ñe ra jokꞹ texe yo a sʼodʼꞹ kja ne xoñijomꞹ. Kʼꞹ gi pa̱ra̱yo, ¿kjakʼꞹ ri søʼø na joo? ¿Pjenga?
¿Mi pa̱rge?
Ma e Satanás o mama kʼe otrʼꞹ bʼɇchjine o xospꞹ bʼɇchjine e Jehová. Akjanu bo poxpꞹ o trju̱u̱ e Jehová, nangeje o mama ke dya na joo ga manda. Dya kja ra mezhe ma e Jehová ra kjuatꞹ kʼꞹ ri supjreji, akjanu ra ndintsi o trju̱u̱. Kʼo nee ra mama, nge ke ngextrjo angeze søø ra manda na joo. Kʼꞹ ra tʼekjañomꞹji o trju̱u̱ e Jehová nge kʼo ni jyodʼꞹ ajensʼe ñe kja texe ne xoñijomꞹ (Mateo 6:9, 10).
BʼꞸBʼꞸ KʼO MANJI: “Mizhokjimi o nga̱mga̱ji kja ne xoñijomꞹ ngekʼua ra supjreji”.
-
¿Pje gi mange?
KʼO YA RO NUJI
E Satanás, e Adán ñe e Eva nge kʼo o mbɇsʼiji o sʼokꞹ kʼꞹ ri supjreji kja ne xoñijomꞹ. Me sichʼi kja o mꞹbʼꞹ e Jehová ma janrra ke ri supjreji, ngekʼua dya kja ra mezhe ra kjuatꞹyo.
Pje gi mbeñege
-
¿Pje ma bʼɇchjine o xipji nu Diablo e Eva?
-
Kʼꞹ e Adán ñe e Eva dya bo dyⱥtⱥbi e Jehová ¿pje kjogꞹzꞹji?
-
¿Pjenga ri manji ke me sichʼi kja o mꞹbʼꞹ e Jehová ma janrra ke ri supjreji?
XE SØØ RI PA̱RA̱
Pjechi yo mama ne Biblia pje nge ne pekado.
Xi ri xørꞹ pje go tsjaa e Satanás kja kʼe jardín a Edén.
“¿Pjenga jɇzi Mizhokjimi ke ra supjreji?” (La Atalaya, 1 de enero de 2014)
Jñanrra ja ga mbøxkʼꞹji ra søji na joo yo mama ne Biblia ñe ja ga nrrꞹrꞹ na trʼønꞹ kʼꞹ me na sʼɇzhi.
“¿Pjenga o kjogꞹ ne Holocausto judío? ¿Pjenga e Diosi bo jyɇzi ro kjogꞹ?” (Xørꞹ kja jw.org)
Jñanda kʼo go mba̱ra̱ na bʼɇzo kʼꞹ mi kjogꞹ na punkjꞹ supjrimiento.
Puede que también le interese
KʼO ME ØNꞸJI
¿Ja ga kjaa ne curso bíblico kʼꞹ unꞹji yo testigo e Jehová?
Kja ne curso interactivo søø ri xørꞹge ne Biblia kʼꞹ gi nege. Dya pje ri tsjontrʼꞹ. Søø ri zojnꞹge kja ne curso texe ni pjamiliage ñe yo ntee yo gi joge.
