Yo otrʼꞹ ntee kʼꞹ nge—e Adán ñe e Eva—dya go dyⱥtⱥbi Mizhokjimi. Ngekʼua nutsʼkøji ri pekaji, ri supjreji ñe ri tu̱ji. a Nuyo dya nee ra mama ke a bʼɇzhi texe, nangeje e Jehová o unꞹ o Trʼii kʼꞹ nge e Jesucristo ngekʼua ra ngꞹxkꞹji kja ne pekado ñe dya kja ra tu̱ji. Ne Biblia mama ke ma go nrru̱u̱ e Jesús chjenjui ke bo ngontrʼꞹ na rescate. Na rescate nge ma kjontrʼꞹji ngekʼua dya ra mbøtrʼꞹji na ntee. E Jesús go ngontrʼkꞹji in pekado ma go nrru̱u̱ nangeje angeze dya mi pɇsʼi pekado (xørꞹ Mateo 20:28). E Jesús go jyɇzi ke ro mbøtrʼꞹji zø mi søø ro mimi texe yo paa kja ne xoñijomꞹ. Kʼꞹ o tsjaa akjanu, nukʼo go mbøxkꞹji ngekʼua ra pɇsʼiji na yeje kʼo o bʼɇzhibi e Adán ñe e Eva. Xo akjanu ñetse ke e Jehová ñe e Jesús me sʼiyazꞹji. Kʼo ra nujiba ra tsjakʼꞹ mazi ri unꞹ pøjø kʼꞹ o ndu̱u̱ e Jesús ngekʼua ra mbøxkꞹji.

1. ¿Ja ga mbøxkꞹjidya kʼꞹ o ndu̱u̱ e Jesús?

Kʼꞹ ri pɇskøji pekado kjakʼꞹji ra kjaji kʼo dya nee e Jehová. Zø nge akjanu søø ra joji ko angeze ma ra jɇziji kʼo na sʼoo ñe ra øtꞹji ko texe in mꞹbʼꞹji ke ra pongꞹzꞹji kʼo na sʼoo kʼo ro kjaji, ra dyⱥtkⱥji ma ra øtꞹji kja o trju̱u̱ e Jesús. Xo ni jyodʼꞹ ke dya kja ra yepeji kʼo na sʼoo kʼo ro kjaji (1 Juan 2:1). Ne Biblia mama: “Natjo bez o pⱥtkⱥji ba supjre e Jesucristo ba ngontʼkꞹji in nzhubꞹji [...] ngekʼua søø ra chɇzhgøjidya a jmii Mizhokjimi” (1 Pedro 3:18).

2. ¿Ja rga mbøxkꞹji yo paa yo ba e̱je̱ kʼꞹ o nrru̱u̱ e Jesús?

E Jehová o mbejñe o Trʼii kʼꞹ dya mi pɇsʼi pekado ngekʼua ro ndu̱u̱ “ngekʼua texe kʼo ra ñenchʼe o mꞹbʼꞹ angeze [Jesús] dya ra ndu̱ji, ra bʼꞹbʼꞹtjoji” (Juan 3:16). Pøkjꞹ kʼꞹ e Jesús o ndu̱u̱ dya kja ra mezhe ke e Jehová ra kjuatꞹ yo kjogꞹzꞹji ko ne pekado ke o zokꞹzꞹji e Adán. Nukʼo nee ra mama ke ma ra enchʼeji kja in mꞹbʼꞹji ke ma go ndu̱u̱ e Jesús go ngontrʼkꞹji in pekado, akjanu ra søø ra mimiji texe yo paa kja ne Xoñijomꞹ ma me rga zøø (Isaías 65:​21-23).

 TEXE YO JÑAA KE ME NI MUBI RA PA̱RA̱JI

3. Kʼꞹ e Jesús o nrru̱u̱ o ngꞹxkꞹji kja ne pekado ñe kʼꞹ ri tu̱ji

1. E Adán dya mi pɇsʼi pekado, ma dya kja go dyⱥtⱥ e Mizhokjimi o peka, akjanu o tsjaa ke yo ntee ro pɇskøji pekado ñe ro tu̱ji.

2. E Jesús dya mi pɇsʼi pekado, ñe go dyⱥtⱥ Mizhokjimi, akjanu ra søø ra mbøxkꞹji ngekʼua dya kja ra pɇskøji pekado ñe ra søø ra minji texe yo paa.

4. Kʼꞹ o nrru̱u̱ e Jesús søø ra mbøsʼꞹ texe yo ntee kja ne xoñijomꞹ

 5. Ra unꞹji pøjø e Jehová kʼꞹ o unꞹ e Jesús ngekʼua ro ngꞹxkꞹji

Yo joji e Jehová unꞹji pøjø kʼꞹ o mbejñe e Jesús ngekʼua ro ngꞹxkꞹji. Ra nuji pje bo mama na ntee, xørꞹbi Gálatas 2:20 ñe ri chjꞹrꞹbi ne trʼønꞹ nu ba e̱je̱:

• ¿Pje bo mama nu apóstol Pablo ke go ñetse ke mi unꞹ pøjø ke e Jesús bi nrru̱u̱ ngekʼua ro ponbʼꞹ o pekado?

Ma o peka e Adán, angeze ñe texe o chʼii go mbꞹrꞹ go ndu̱ji. Ngekʼua e Jehová o mbejñe e Jesús kja ne Xoñijomꞹ ro ndu̱u̱, akjanu nutsʼkʼe ri søø ri mimi texe yo paa.

Ma ri xørꞹ yo versículo, tsjijñi ja ba zøʼø e Jehová ma go nuu ja ma supjre o Trʼii. Xørꞹbi Juan 19:​1-7 ñe 16-18, ñe ri chjꞹrꞹbi ne trʼønꞹ nu ba e̱je̱:

• ¿Ja gi søge ma gi kjijñi kʼo o tsjaa e Jehová ñe e Jesús ngekʼua ro ngꞹxkʼꞹ?

 KʼO YA RO NUJI

Pøkjꞹ ke e Jesús o nrru̱u̱, e Jehová pongꞹzꞹji in pekado ñe ra søø ra mimiji texe yo paa.

Pje gi mbeñege

• ¿Pjenga go nrru̱u̱ e Jesús?

• ¿Kʼꞹ e Jesús dya mi pɇsʼi pekado ja ba mbøxkꞹji?

• ¿Ja ga mbøxkʼꞹge kʼꞹ o ndu̱u̱ e Jesús?