E Jehová dya kja ra jyɇzi ke e Satanas sido ra tsjaa kʼo na sʼoo. E Jehová a jñejme Rey e Jesús ngekʼua ra manda kja ne Xoñijoma. Ma a ra manda e Jesús, texe kja ne Xoñijomꞹ merga zoo.​(⁠Daniel 7:​13, 14; Lucas 23:⁠43.)

Nu kʼo ra nuji nge kʼo mama e Jehová ke ra tsjaa:

• RA BʼꞸBʼꞸ NA PUNKJꞸ JÑONA: “Kja ne xoñijomꞹ ra jyⱥʼⱥ kʼo ra siji; e Mizhokjimi, in Mizhokjimigøji ra mbøxkꞹgøji”. “Me ra jyⱥʼⱥ semia kja ne xoñijomꞹ, kja yo trʼeje xo ra jyⱥsʼⱥ kʼo ra sigøji.”​(⁠Salmo 67:6; 72:⁠16.)

• DYA KJA RA BʼꞸBʼꞸ YO TRJACHU̱ʼU̱: “Chjⱥd’ⱥji, i ñugeji yo na kjaa e Jehová. Angeze kjuatꞹ yo chu̱’u̱ kʼꞹ kjaji kja ne xoñijomꞹ”.​(⁠Salmo 46:​8, 9.)

• DYA KJA RA B’ꞸB’Ꞹ YO NA S’ONTEE: “Ra chjorꞹ yo na sʼonte [. . .] Xe na tsʼinrrajme, yo na sʼonte dya kja ri bʼꞹbʼꞹji; ri jñanrra ja kʼo mi bʼꞹbʼꞹji, y dya kja ri bʼꞹbʼꞹjinu”.​(⁠Salmo 37:​9, 10.)

• DYA KJA RA B’ꞸB’Ꞹ YO NGIJEME, YO NA ꞸꞸ, NI DYA KJO XI RA NRRU̱U̱: “Kja kʼe paa, yo ngoro ra jñanrraji ñe yo ngogo ra dyⱥrⱥji. Kja kʼe paa, kʼꞹ dya søø ra nzhodʼꞹ ra dʼakʼꞹ nzakja nu pjantrʼeje, kʼꞹ dya søø ra ñaa me ra mⱥjⱥ rga mapjꞹ”.​(⁠Isaías 35:​5, 6.)

  “E Mizhokjimi ra bʼꞹbʼꞹ ko angezeji. E Mizhokjimi ra ndintsʼpiji o ngizhoji, ñe dya kja kjo ra nrru̱u̱, dya kjo ra nrrøgꞹ o mꞹbʼꞹ, dya kjo ra guɇɇ, dya kjo rgá ꞹꞹ o mꞹbʼꞹ. Ra nguarꞹ texe yo na sʼoo.”​(⁠Revelación 21:​3, 4.)

Zø Satanas ñe yo sʼoanxe na mbuechjine, e Jehová mama kʼo na kjuana. Texe kʼo mama angeze ra tsjaa. (Lucas 1:​36, 37.) E Jehová me sʼiyatsʼꞹ i nee ke ri mimi kja ne xoñijomꞹ ma a ra tsjaa ke me rga zoo. Ngekʼua, ri jyodʼꞹge yo testigo e Jehová ngek’ua ra mbøxkꞹji ri pa̱rge texe kʼo mama nu Jñakjimi. Ma ri tsjaage kʼo mama nu Jñakjimi, a ri pa̱rge kʼo na kjuana i kʼo dya ga kjuana, nzakja nu superstición. Ra sⱥjⱥ nu paa ma dya kja ra bʼꞹbʼꞹ nzhubꞹ i kʼo ra nrru̱u̱. Janzi ba mama e Jesús: “Ma ri ñejmezꞹgøji yo jñaa yo ri ñaa, ri pa̱ra̱ji kʼꞹ na kjuanama. Ma ri pa̱ra̱ji kʼꞹ na kjuana, ra tʼempkʼeji librema”.​(⁠Juan 8:⁠32, Nu O̱ Jña Mizhocjimi nu mama ja ga cja e Jesucristo, ro junsʼꞹ kʼua jaga opjꞹjidya.)