Yo paa yo ri ka̱ra̱jidya ya zⱥdʼⱥ kʼo mama ne Biblia. Yo ntee kjaji k’o na sʼoo: potrʼꞹji o dyoji, me neji merio, yo trʼii dya kja ⱥtⱥji o tataji ñe o nanaji.

Yo país kjaji na punkjꞹ chu̱ʼu̱, yo ntee kjogꞹji trjijmi, yo ntee pɇsʼiji na punkjꞹ ngijeme, ga mbii na zezhi ne Xoñijomꞹ, nge kʼo mi mama ne Biblia ya zⱥdʼⱥ yo paadya.

Ne Biblia mama ro bʼꞹbʼꞹ ntee texe kja ne Xoñijomꞹ ro maa zopjꞹji yo ntee kja o ngumꞹji, ro xipjiji kʼꞹ dya kja ra mezhe ra manda o Reino Mizhokjimi (Mateo 24:14).

Dya kja ra mezhe ra zⱥdʼⱥ kʼe paa ma e Mizhokjimi ra chjotꞹ texe yo na sʼonte.

E Mizhokjimi ra pa̱ntrʼa̱ e Satanás ñe yo demonio kja na trʼoʼo kʼꞹ me na je̱e̱.

Yo ntee kʼo kjaji kʼo nee e Mizhokjimi ra mimiji kja ne Xoñijomꞹ. Dya kja ra bʼꞹbʼꞹ yo ntee kʼꞹ na sʼoo, dya kja ra bʼꞹbʼꞹ kʼo ponꞹji, kʼo potrʼꞹ ntee, kʼo me ꞹmbꞹji in dyojui. Ra nga̱ra̱ji na joo, me ra mⱥji, me ra sʼiyaji o dyojui.