Kja kʼe siglo dʼaja, a Jerusalén mi bʼꞹbʼꞹ kʼo apostole ñe kʼo mi otrʼꞹ axojñi, angezeji mi manji ja rgua pɇpjiji kja kʼo kjuarma kʼꞹ bi juajnꞹ Mizhokjimi ro moji ajensʼe (Hechos 15:2, TNM). Mi jɇziji kʼꞹ o zɇzhi Mizhokjimi ro mbøsʼꞹji ñe mi xørꞹji na joo o jñaa e Mizhokjimi ngekʼua ro mba̱ra̱ji pje ro tsjaji (Hechos 15:25). Yo padya xi ga pɇpji akjanu kʼe Cuerpo Gobernante.

E Jehová o ñɇmekʼo ngekʼua ra mbøxkꞹjme ra kjajme kʼo na joo kʼua ja ga mama ne Biblia. Ya me mezhe kʼꞹ angezeji kjaji kʼo mama Mizhokjimi ngekʼua ya pjechiji ja rga pɇpjiji. Pama pama xørꞹji ne Biblia ngekʼua ra mba̱ra̱ji ja ga kjaa kʼo mamanu. Chjꞹma chjꞹma jmurꞹji ngekʼua ra nuji ja rga mbøsʼꞹji texe yo kjuarma kʼꞹ ka̱ra̱ji kja ne Xoñijomꞹ. Kʼua ja nzi mi kjaji kʼo kjuarma kja kʼe siglo dʼaja, yo kjuarma yo ngeji kʼe Cuerpo Gobernante pejñeji carta kja yo congregación, ma iyo, xipji yo superintendente kʼꞹ kjiñizgojme kja congregación ra xitsijme yo jñaa kʼꞹ neji ke ra pa̱rgojme, ma iyo, nge yo kjuarma kʼꞹ otrʼꞹ axojñi kja congregación kʼo ra xitsʼkojme. Akjanu nrrexe nrre ri kjajme kʼo mama ne Biblia ñe ri pa̱ra̱jme kʼo nee e Mizhokjimi (Hechos 16:4, 5). Kʼe Cuerpo Gobernante mama ja rga dyⱥtrʼⱥji yo skuama yo ri xørꞹjme. Jitsʼkojme ja rga pjøsʼꞹjme yo ntee ngekʼua ra pjechiji kʼo mama ne Biblia ñe xitsijme dya ra jɇzijme ra kjajme kʼe bʼɇpji. Angezeji nuji kjo nge kʼo ra otrʼꞹ axojñi kja nu organización Mizhokjimi.

E Mizhokjimi pjøsʼꞹ ko in espíritu santo kʼe Cuerpo Gobernante. Angezeji dya kjatsjɇji o bʼɇpji, xørꞹji ne Biblia akjanu pa̱ra̱ji ja ga nee e Jehová kʼꞹ ra tsjaji, nange ngeje e Jehová kʼꞹ manda texe. Xo kjaji kʼo mama e Jesús nangeje nge kʼꞹ manda kja yo congregación (1 Corintios 11:3; Efesios 5:23). Kʼo kjuarmakʼo, dya xojñi jmuji kja o kjuarmaji ñe dya kjapꞹji me na nojoji. Angezeji ñe nrrexe yo ra maa ajensʼe “tjꞹntʼꞹji axꞹtrjꞹ kʼe Tsʼime [e Jesucristo] texe kʼua ja nzhodʼꞹ” (Apocalipsis 14:4, NTD). Kʼe Cuerpo Gobernante me mⱥjⱥ ma ga mba̱ra̱ ke ri øtꞹji Mizhokjimi ra mbøsʼꞹ angezeji.

• ¿Kjo nge kʼo mi mama ja rgua pɇpjiji kʼo kjuarma kja kʼe siglo dʼaja?

• ¿Pje kjadya kʼe Cuerpo Gobernante ngekʼua ra tsjaji ja ga nee e Jehová?