Yo kjɇɇ ma yo ntee go jyɇziji go respetaoji yo na joo

¿JINGUA rgi mange ma o mbꞹrꞹ dabadiji rgo jyɇziji yo principios morales? ¿kja nu paa ke mi bʼꞹnkʼe, o ma mi bʼꞹbʼꞹ i bʼedyi o mi bʼꞹnkʼø mi jogebi kʼo ya na noji? Janzi ntrʼee manji ke nge ma o mbꞹrꞹ ne Primera Guerra Mundial, kja ne kjɇɇ 1914, nge ma go mbꞹrꞹ go jyɇziji ro respetaoji kʼo na joo. Nu profesor de Historia Robert Wohl go opjꞹ kja in libro The Generation of 1914 (La generación de 1914): “Kʼo dya go nrru̱u̱ kja nu trjachu̱ʼu̱ dya go søøji ro jyombeñeji kʼe zana agosto de 1914, manji ke go nguarꞹ kʼo mazi ma jonte i go mbꞹrꞹ kʼo dya ga joo”.

 “Ja ma mimi kʼo ntee, ixi mi ñetse ke a ma jɇziji ro tsjaji kʼo na jooi nakʼua chjenjui ke go jyombeñeji texe —go mama nu historiador Norman Cantor⁠—. Ma yo politico ñe yo generales ke mi manda na punkjꞹ millones de ntee ke a mi kjapji nzakja yo añimale ke je mi moji nu ja ro ma mbotrʼꞹji, ¿pje ma principios éticos o religioso søø ro tsjatsʼꞹji ke yo ntee dya ro minji nzakja yo añimale ke na sate? [. . .] Kʼe masacre ke go kjogꞹ kja kʼe Primera Guerra Mundial [1914-1918] ixko ñetse ke go nguarꞹ texe janzi ma tsjaji kʼo ma joo kja ne xoñijomꞹ”.

Kja nu exhaustiva obra Esquema de la Historia, el historiador inglés H. G. Wells go mama ke ma yo ntrʼee go mbꞹrꞹ go creoji kja nu teoría de la evolución ixkʼo mbꞹrꞹ “go nee go minji janzi ma neeji”, kʼo nee ra mama, ke dya kja mi nee ro tsjapji nguenrra kʼo ma joo. ¿Pjekjaa je ba kjanu? Bʼꞹbʼꞹ kʼo mi manji ke yo ntee ixi mi chjenji nzakja yo añimale. E Wells, ke xo mi nge evolucionista, go mama kja kʼe kjɇɇ 1920: “Søø ra manji ke ma dʼa ntee, mimi nzakja dʼa añimale, ja̱a̱, pero mi nge dʼa dyoʼo kʼꞹ me ma sate [. . . ], ma je ga kjanu søø ra manji ke yo ntee chjenji nzakja dʼa jauría, kjapji ra su̱ji yo ntee, ngekʼua ra tsjaji janzi ga neeji”.

Na mejme ke nu Primera Guerra Mundial, chenjui ke ro nguarꞹ ko texe kʼo mi kjijñiji ke ma joo, janzi ba mama e Norman Cantor. Angeze bo mama: “Go nguarꞹ janzi ma ngijñiji yo a mi pale, go manji ke dya nrra ma joo kʼo mi kjijñiji kʼo politico, ni janzi ma jyeji kʼo o bʼituji i janzi ma manji ke mi søø ro mimi dʼa nrrinxꞹ ko dʼa bʼɇzo”. Kʼꞹ jergua kjijñi akjanu yo ntee, go pɇs’iji nu sʼokꞹ yo religion ke mi manji ke mi ngeji cristiano, i dyakja go tsjapji nguenda kʼo mi mama nu Jñakjimi, i xo go manji ke je rgua e̱ji kja nu evolución i mi jizhiji ke ma joo ke ro ma chu̱ji. Nu general de brigada británico Frank Crozier go opjꞹ: “Yo religión ke manji ke ngeji cristiano, nge yo mazi pjøxkꞹji ra kjaji yo na sʼoo”.

Dya kja kjapji nguenda yo na joo

Ma go kjogꞹ dyechʼa kjɇɇ ma ya bi nguarꞹ nu Primera Guerra Mundial—ixi dya kja go tsjapji nguenda texe kʼo ma joo⁠—nzi dʼa ntee go mbꞹrꞹ go mimi janzi ma nee. Nu Historiador Frederick Lewis Allen go mama: “B’ꞹma dʼa nu paa, ra mbeñeji yo dyechʼa kjɇɇ ke bo kjogꞹ ma a bi nguarꞹ nu trjachu̱ʼu̱, i søø ra manji ke bo nge nu ‘Década ma go nguarꞹ kʼo mi kjapji ma joo’. [. . .] Xo go nguarꞹ kʼo mi kjapji ke ro nge yo ntee rgua jonteji, i ke rgua minji na joo, i dya kja mi søø ja ro chøtʼꞹji kʼo rgua joo”.

 Kja nu década de 1920, yo ntee xi mi ka̱xtrjoji na joo, ma go zⱥjⱥ nu década de 1930, go mbꞹrꞹ kʼꞹ go xiji Nu Gran Depresión, nu kʼo pakʼo yo ntee dya kja pje xi mi pɇsʼiji ni pje ro siji. Nakʼua, ma a ma kjuarꞹ kʼe década de 1930, yo ntee go mbꞹrꞹ go pɇsʼiji na punkjꞹ bʼɇpji nange go mbꞹrꞹ go dyⱥtrji yo bomba yo pjⱥjnⱥji i pøtrʼꞹji na punkjꞹ ntee, kjanu: Segunda Guerra  Mundial. Zø a mi pɇsʼiji merio, go mbꞹrꞹ kʼo nrrumꞹ kja trexe yo nrrajñiñi, akjanu yo ntrʼee go janrraji kʼo dya xi mi kjijñiji, me go søxiji. I na punkjꞹ nrrajñiñi o chjotꞹji, nzakja ye jñiñi a Japón, go mbotrʼꞹji na punkjꞹ millones de ntee, i kʼo bomba atómica go chjotꞹ texekʼo. I ñe na punkjꞹ Millones go zidyiji kja kʼo campos de concentración i go nrru̱jinu. Kʼo go nrru̱u̱, ixkʼo sⱥtrʼⱥ 50 millones de ntee, kʼo mi nge bʼɇzo, kʼo mi nge nrrinxꞹ i kʼo mi nge tsʼitrʼi.

Ma, ma tsʼaa kʼe trjachu̱ʼu̱, yo ntee dya go neeji ro tsjaaji kʼo ma joo, nzi dʼaja go tsjaji kʼo mi neeji. Kja nu libro Love, Sex and War—Changing Values, 1939-45, (Amor, sexo y guerra: el cambio de los valores, 1939-1945) o mama: “Kʼo ntee kʼo mi ka̱ra̱ji kja in nzumꞹji, mi chjenjui ke rgui bʼꞹnji kja nu campo de batalla, go jyɇziji kʼo ma joo jesta ma ro nguarꞹ kʼe trjachu̱ʼu̱. [. . .] Kʼe trjachu̱ʼu̱ chjenjui ke go juakꞹ texe kʼo ma joo. Ngekʼua mi kjapji ke dya kja mi dyee ke ro minji, mi nzakjaaji kʼo xundaro kʼo ma chu̱ji kja kʼe trjachu̱ʼu̱”.

Kʼꞹ mi pa̱ra̱ji ke dya ro mezheji o dʼange ro nrru̱ji dʼabadiji, go manji ke mi søø ro dyobʼꞹji kʼo na punkjꞹ nrrinxꞹ, zø rgui ngextrjo dʼa tsʼindajme. Dʼa nrrinxꞹ ke mi pɇpji kja in nzumꞹ i je menzumꞹ a Britania, go mama: “Dya nge ke nrrana sʼozʼꞹjme ngekʼua ri obꞹjme ko na punkjꞹ bʼɇzo, kʼo kjogꞹ nge ke ri bʼꞹjme kja ne trjachu̱ʼu̱”. Dʼa xundaro ke je menzumꞹ a Estados Unidos xo go mama: “Ri kjaagojme trʼexeyo i ri obꞹjme ko na punkjꞹ nrrinxꞹ nange kja ri trʼi̱gøjme, i ri pa̱ra̱jme ke dya ra mezhe i ra sⱥjⱥ dʼa nu paa ke ra tu̱jme”.

Na punkjꞹ ntee ke dya go nrru̱ji kja kʼe trjachu̱ʼu̱ me søxiji ga mbeñeji texe kʼo go kjogꞹji o kʼo go nuji. Kja yo padya, yo xi ka̱ra̱ji ke dya go nrru̱u̱ji —ke kjaa mi tsʼitrʼiji— ma go kjogꞹ kʼe trjachu̱ʼu̱, i xi kjijñiji texe kʼo go kjogꞹji i go jñanrraji, me søxiji. Na punkjꞹ ntee dya kjaa go creoji e Yose, i chjenjui ke go bʼɇzhiji kʼe brújula ke mi xiji kʼo ma joo i kʼo dya ma joo. Ngekʼua dya kja mi kjapji nguenda kʼo autoridad ke ro mama kʼo ma joo o kʼo ma sʼoo, ngekʼua go mbꞹrꞹ kʼo manji ke texe nge relativo.

Yo ntee minji janzi ga neeji dyakja kjapji nguenrra yo na joo

kja nu década de nu1940 ma ya bi nguarꞹ nu Segunda Guerra Mundial, go dyopjꞹji na punkjꞹ informe nzakja dʼaja ke go mama jaga kjaa nu conducta sexual humana. Dʼa informe bo nge nu Kinsey, ke go dyopjꞹji ixi go sotꞹ 800 páginas, nge kʼo go tsjaji kja Estados Unidos kja kʼo kjɇɇkʼo. Nakʼua na punkjꞹ ntee go mbꞹrꞹji bo jñaji texe kʼo mi søø ro tsjaji, nzakja kʼo nrrinxꞹ kʼo mi nee ro nge bʼɇzo, kʼo bʼɇzo kʼo mi nee ro nge nrrinxꞹ, i kʼo nrrinxꞹ kʼo mi obꞹ ko kʼo nrrinxꞹ, kʼo bʼɇzo kʼo mi nee ro obꞹ ko kʼo bʼɇzo. I go zøji ke mi nee ro tsjaji texeyo. Kʼe estudio go mama kʼo dyanrra ma kjuana, texeyo ixkʼo ñetsʼe ke kʼe trjachu̱ʼu̱ go kjuatꞹ texe kʼo mi kjapji na joo jama mimi kʼo ntee mi jingua.

Janzi kjɇɇ go tsjapji ke dya kjo ro mba̱ra̱ kʼo ma sʼoo kʼo ma kjaji. Ma go mbedye kʼo na sʼoo kja nu radio, kja nu cine ñe kja nu televisión, go mbꞹrꞹ go manji ke dya ma joo kʼo ma kjaji, nzakja kʼo mi obꞹ nrrinxꞹ ko nrrinxꞹ i bʼɇzo ko bʼɇzo ñe pje kʼo nrre mi kjaaji. Pe dya go mezhe na punkjꞹ kʼo ro manji akjanu. Nzakja William Bennett, ke mi nge secretario de Educación a Estados Unidos go mama: “Kja kʼe década de 1960, texe ne nrrajñiñi, dabadiji go jyɇziji ro tsjaaji kʼo ma joo i go mbꞹrꞹ go tsjaji kʼo na sʼoo, chenjui ke mi nzhogꞹji anrrꞹbʼꞹ, kʼo nee ra mama nu descivilización” I nakʼua na punkjꞹ nrrajñiñi kja texe ne xoñijomꞹ xo go mbꞹrꞹ go tsjaaji ga kjanu, texe kʼo ma sʼoo. Ngekʼua, ¿pjekjaa go jyɇziji dabadiji ro tsjaaji kʼo ma joo kja kʼo kjɇɇ 1960?

Kja kʼo kjɇɇkʼo, kja nʼaño nrrajñiñi go mbꞹrꞹ na punkjꞹ nrrinxꞹ kʼꞹ go tsjaji kʼo movimiento de protesta ke go xiji la revolución sexual ko nu “dʼadyo moralidad”. Xo nakʼua go mbꞹrꞹji go mbøji kʼo píldora, ngekʼua dya kja ro søø ro nrrunteji. I akjanu, eñe mi søø ro dyobʼꞹji ko kʼo nrrinxꞹ o ko bʼɇzo ke ro neeji, i akjanu go mbꞹrꞹ nu “amor libre” kʼo mi nee ro mama, mi nge, ke eñe mi søø ro minji nzaga yejui i dya kja mi jyod’ꞹ ro chjꞹntꞹbi. Akjanꞹ ma ro jyambꞹbi, dya ro bʼꞹbʼꞹ nrrumꞹ.

Ngekʼua nu prensa, nu cine ñe nu televisión dya kja pje mi mama ma mi kjaji kʼo na sʼoo. Nu Zbigniew Brzezinski ke mi nge director del Consejo Nacional de Seguridad estadounidense go mama kʼo pedye kja yo programa de televisión: “ixi ñetsʼe ke me mⱥpⱥji texe kʼo na sʼoo kʼo na janrraji, i dya kja nuji na sʼoo, yo chu̱ʼu̱ i ñe kʼo me pje nrre pøtrʼꞹji i kjaji kʼo na sʼoo [i akjanu] chenjui ke manji ke me na joo jaga mimidya yo ntee ma kjaaji yo na sʼoo, xo ma obꞹji ko nandyo nrrinxꞹ i nandyo bʼɇzo”.

Kja nu década de 1970, a mi bʼꞹbʼꞹ yo reproductor de video i na punkjꞹ ntee mi janrrajiyo. Ixi mi janrrajima, ma ma kjaaji kʼo na sʼoo ma mi obꞹ dʼa nrrinxꞹ ko dʼa bʼɇzo, i kjo ro kjijñiyo, ke a ma nuji kja in nzumꞹji kʼo dya ro ma jñanrraji kja dʼa cine nuja ro jñanrraji texe yo ntee. I dya nrra go mezhe ma o sⱥjⱥ nu Internet, i nudya, na punkjꞹ ntee kja texe ne xoñijomꞹ søø ra jñanrraji nu pornografía i søø ra nuji kja in teléfono o computadora.

Kʼo na kjogꞹjidya ixi ñetsʼe ke yo ntee me kjaji kʼo na sʼoo. Dyabʼe mezhe ma na director kja dʼa pjørꞹ a Estados Unidos go mama: “Dyechʼa kjɇɇ anrrꞹbʼꞹ, xi mi søø ro jñaji ko yo ntee kʼo ma joo i ñe kʼo dya ma joo i yo trʼii mi kjaajikʼo ma mi kichʼiji kja pjørꞹ, nudya yo trʼii yo kjaa kichʼiji kja pjørꞹ, dya xi pa̱ra̱ji kʼo na joo o kʼo na sʼoo”.

¿Ja søø ra tøtrʼꞹji kʼo ra mbøxkꞹji?

Kja yo nitsjimi i kja yo templo kja ne xoñijomꞹ dya søø ra tøtrʼꞹji ke ra xitsiji kʼo na joo i kʼo dya ga joo. Nujyo, dya jizhiji ni ⱥtⱥji kʼo mama ne Jñakjimi janzi ba tsjaa e Jesús ñe kʼo discípulo kja kʼe siglo daja, yo nitsjimi i ñe yo templo sⱥmpⱥji yo ntee kʼo kjaaji kʼo na sʼoo. Dʼa escritor go tsjaa dʼa trʼønꞹ: “¿Kjo na kjuana ke ma yeje nrrajñiñi na kjaaji dʼa guerra, nzi daja manji ke e Mizhokjimi bʼꞹbʼꞹ ko angezeji?”. A kjogꞹ janzi kjɇɇ ma dʼa clérigo neoyorquino go mama: “Kja ne xoñijomꞹ dya bʼꞹbʼꞹ dʼa organización nzakja kja yo nitsjimi ke jɇzi ra tsjaji kʼo neji yo ntee ke kʼo mama nu o Jñaa e Mizhokjimi, nange dya kjapji nguenda kʼo nee e Yose, kja yo religión, jɇziji ra mimiji kʼo ntee janzi ga neji, na kjuana mazi na zezhi ra cumpleji yo requisito ma ra tesʼeji kja dʼa autobus ke kʼꞹ nee ra ngichʼi kja yo religión”.

Ixi ñetsʼe ke na punkjꞹ ntee kja ne xoñijomꞹ dya kja pa̱ra̱ji pje ni mbe kʼo na joo i kʼo dya ga joo, ngekʼua me ni jyod’ꞹ ra nuji pje ni mbe kʼo søø ra kjaaji. ¿Pje mbe kʼo bʼemi ni jyodʼꞹ? ¿I kjo søø ra tsjaakʼo, i jarga tsjaa?

[Comentario de la página 5]

“Kja nu trjachu̱ʼu̱ de nu Primera Guerra Mundial [1914-1918] ixkʼo sʼodʼꞹ kʼo ma joo ngekʼua yo ntee a minji janzi ga nejidya”

[Kʼo o tsjaji 6]

YO VIRTUD ÑE YO VALORES

Mi jingua mi manji ke ma dʼa ntee mi nge virtuosa, kʼe ntee dya mi mama mbuechjine, dya mi ponꞹ, me ma jonte. I nadya, yo término valores a potꞹji ko yo virtudes. Nujyo, dya chjenjui, janzi ba mama dʼa historiadora Gertrude Himmelfarb kja i libro The De-Moralization of Society (La crisis moral de la sociedad): “ke yo virtudes dya søø ra manji ke ri chjenjui ko yo valores, [. . .] yo virtud dya søø potꞹji”.

Ne historiadora mama ke yo valores “eñe nge kʼo ri creoji, o yo opiniones, o yo actitudes, o yo hábitos, o yo convenciones, o yo preferencias, o prejuicios o yo idiosincrasias; o xo nge: kʼo ra mama dʼa ntee o janzi ntee ke me ni jyod’ꞹ ra tsjajikʼo”. Kja ne sociedad liberalizada kja yo padya, yo ntee eñe søø ra juajni kʼo ra neji o juajnꞹji kʼo ra nge in valor janzi ga juajnꞹji kʼo ra siji, ma pa tomꞹji kja chomꞹ. Ma je ga kjanu texeyo ¿Ja bʼꞹbʼꞹ kʼo bʼemi nge nu virtud i nu moralidad?

[Yo retrato 6, 7]

 Nu entretenimiento a me sʼodʼꞹ, kjaaji texe kʼo na sʼoo, i nudya texe a søø ra nuji