5. Ra sʼodʼꞹ nu xoñijomꞹ

“[E Mizhokjimi ra] chjotꞹ kʼo o sʼodʼꞹ ne Xoñijomꞹ.” (REVELACIÓN [APOCALIPSIS] 11:18).

● E Pirri mi pøø vino de palma a Kpor (Nigeria), pe o bʼɇzhi trenxe ma o mbøgꞹji petróleo a Delta Niger, kʼꞹ petróleo o tsjapꞹ o dyotrʼꞹ yo palmera. Angeze mama: “Nu petróleo pøtrʼꞹ yo jmo̱o̱ ñe kjapꞹ ra sʼodʼꞹ in xipjadʼꞹ xo poxꞹ yo nrrareje. Dya kja ri pɇsʼi ja ga to̱njo̱ merio”.

¿PJE NGE KʼO YA BO KJOGꞸ? Yo me pa̱ra̱ manji ke ixi seis y medio  millón de toneladas yo kañabʼꞹ paa ponꞹji kja mar. Nrre kʼo tsañabʼꞹ ixta mezhe na punkjꞹ kjɇɇ ngekʼua ra trjeze. Dya ngextrjo ri sʼodʼꞹji ne Xoñijomꞹ xo ri kjapji ra trjeze dabadiji kʼo xi kejme. Yo me pa̱ra̱ manji ke ixta kjogꞹ diecisiete zana ngekʼua ra jogꞹ kʼo unꞹ ne Xoñijomꞹ, nujyo ngextrjo zꞹrꞹ ra ziji doce zana. Na periódico australiano mama: “Ma xe ra iji yo ntee ra nestaji yeje Xoñijomꞹ kja nu kjɇɇ 2035”.

KʼO MANJI YO NTEE: Yo ntee pa̱ra̱ji pje ra tsjaji ngekʼua nrro ra jokʼꞹji kʼo ya sʼodʼꞹ kja ne Xoñijomꞹ ngekʼua dya ra trjeze.

¿KJO NA KJUANA KʼO MAMA YO NTEE? Zø bʼꞹbʼꞹ nan punkjꞹ ntee ke pjørꞹji ne Xoñijomꞹ y jichiji yo ntee xo ra tsjaji akjanu, xi na poxꞹ na punkjꞹ ne Xoñijomꞹ.

¿PJE I MANGE? ¿Kjo ni jyodʼꞹ ke e Mizhokjimi ra jokʼꞹ​ne Xoñijomꞹ janzi bi mama kja ne Biblia?

Ya ro nuji tsichʼa profecía ke mama kja Biblia pe xo mama nrro dʼaja kʼꞹ ri janrgøjidya kja yo paa yo nin nguarꞹ, ¿pje ni mbeje?

[Jñaa]

“Mi bʼꞹnkø kja na jomꞹ ke ma joo pe nudya bʼꞹbʼꞹ na punkjꞹ kañabʼꞹ kʼꞹ kjakʼꞹ ra sødyegø”. (NGE NU KʼO O MAMA E ERIN TAMBER, KʼꞸ MENZꞸMꞸ A COSTA SUR A ESTADOS UNIDOS, NU KʼO KJOGꞸ KJA KʼE DERRAME PETROLÍFERO NU KJɆɆ 2010 KJA KʼE GOLFO DE MÉXICO)

[Nu recuadro]

¿Nge nu sʼokꞹ Mizhokjimi yo na kjogꞹ?

Kja ne Biblia ya bi mama ke ro kjogꞹ yo ri janrgøjidya, ¿nee ra mama ke e Yose nee ke ra supjreji? Ri chotrʼꞹ nu respuesta kja nu capítulo 11 kja nu skuama ¿Pje jitsʼkøji ne Biblia?, kʼꞹ o dyopjꞹji yo testigo e Jehová.

[Kʼo o tsjaji]

U.S. Coast Guard photo