NU TEMA NU NI MBꞸRꞸ
Ne Biblia xi bʼꞹbʼꞹdya zø bʼꞹbʼꞹ yo ntee kʼo mi nee ro chjotꞹ
KʼO BO NEE RO TSJAPꞸJI. Na punkjꞹ ntee kʼꞹ mi manda kja política ñe kja yo religión dya mi jɇziji ke yo ntee ro trjɇji dʼa Biblia, ni ke ro opjꞹji kja nandyo jñaa ni xi ro dyⱥtrʼⱥji. Ra nuji yeje ejemplo:
Kja nu kjɇɇ 167 ma dya bʼe ma e̱je̱ e Cristo, kʼꞹ rey de nu dinastía seléucida, kʼꞹ mi chju̱u̱ Antíoco Epífanes, o manda ro chjotꞹji yo Escritura Hebrea nangeje mi nee ke texe yo judío ro mbɇzhiji kja nu religión griega. Ne historiador Heinrich Graetz o opjꞹ: “Yo mi pjøsʼꞹji nu rey, ma mi tøtrʼꞹji yo rollo mi xꞹtrʼꞹji ñe mi trjꞹtrʼꞹji. Mi bʼꞹbʼꞹ ntee kʼo mi xørꞹji yo rollo ngekʼua ro søji na joo kja o mꞹbʼꞹ, ma mi tøtrʼꞹjikʼo mi pøtrʼꞹji”.
Kja nu Edad Media, yo mi manda kja nu religión mi neji ke ngextrjo ro jichiji yo mi creoji yo católico, angezeji mi mbɇkuɇji ma kjo kʼo mi jizhi kʼo mama ne Biblia. Mi xiji hereje ma kjo kʼo mi pɇsʼi yo libro bíblico, angezeji mi manji ngextrjo mi søø ro mbɇsʼiji yo Salmos kja latín. Ma o jmurꞹji yo bʼɇzo yo mi manda kja yo católico, o mandaji “janzi bʼɇzo kja nrre dʼaja nitsjimi ro jyodʼꞹji na joo yo hereje . . . kja texe yo ngumꞹ ñe kja yo sótano. . . . Mi xiji ke ma ro chøtrʼꞹji kja na ngumꞹ na hereje ro chʼungꞹji kʼe ngumꞹ”.
Ma rgua chjotꞹji ne Biblia, dya kja ri bʼꞹbʼꞹdya.
Dya kja go chjotꞹji ne Biblia ke go xⱥkⱥ e William Tyndale kja nu jñaa inglés, zø go bʼꞹbʼꞹ kjo go nuji na ꞹꞹ, zø go ndꞹtʼꞹji na punkjꞹ copia zø go mbøtrʼꞹji kja nu kjɇɇ 1536.
PJENGA XI BʼꞸBʼꞸDYA NE BIBLIA. Nu rey Antíoco otʼꞹ mi nee ro kjuatꞹ yo copia de yo Escritura kʼꞹ mi bʼꞹbʼꞹ a Israel. Yo experto manji ke kja nu siglo dʼaja más de nu 60 por ciento de yo judío dya kja mi ka̱ra̱ji a Israel, a bi moji kja nandyo jñiñi. Angezeji mi pɇsʼiji yo copia de yo Escritura kja yo sinagoga, ngekʼua o trʼiji xo go usaji yo copia ñe kʼo bo mbɇzhiji cristiano (Hechos 15:21).
Kja nu Edad Media, o bʼꞹbʼꞹ kjo go xⱥkⱥji yo Escritura ñe go dyⱥtrʼⱥji kja nandyo jñaa, zø o bʼꞹbʼꞹ kjo o mbɇkuɇji. A nrre ne siglo quince dya bʼe mi bʼꞹbʼꞹ ne imprenta, pe ya mi bʼꞹbʼꞹ tsʼiperaso skuama kʼo mi mama ne Biblia kja 33 nandyo jñaa. Nrrezema, dabadiji o dyⱥtrʼⱥji me nan punkjꞹ Biblia.
KʼO NA JOO KʼO YA KJOGꞸ. Ne Biblia nge dʼa libro ke más xe go dyⱥtrʼⱥji kja nandyo jñaa ñe ke go xⱥkⱥji, zø yo político ñe yo mandao kja yo nandyo religión go nuji na ꞹꞹ ñe mi nee ro chjotꞹji. Ne Biblia pjøsʼꞹ ra jokʼꞹji na joo yo ley ñe yo idioma kja na punkjꞹ país ñe pjøsʼꞹ ra mimiji na joo nan punkjꞹ ntee kja texe ne Xoñijomꞹ.
Puede que también le interese
DOCUMENTARIES
Me mi nuji na mubi ne Biblia(fragmento sobre William Tyndale)
kʼo bo tsjaa, ñetsʼe ke angeze me mi nuu na mubi ne Biblia. Nudya xe pjøxkøji kʼo bo tsjaa.
