KʼO JU̱SʼꞸ NU JA PJꞸRꞸ
¿Ja rgi tsjaa me rra mubi kʼo ri xørꞹ kja ne Biblia?
Ngetsʼkʼe ri juajnꞹ ja me rgi zopjꞹ ne Biblia ngekʼua dya ri nrrijeme. Ra nuji ja rgi tsjapꞹ rra mubi yo ri xørꞹ.
Juajnꞹ dʼa traducción kʼꞹ na kjuana nzi ga ñajidya. Ma gi xørꞹ yo jñaa ke dya gi meya o yo mi manji mi jingua, dya ra tsjakʼꞹ ri mⱥⱥ rgi xørꞹ. Nuʼma jyodʼꞹge dʼa Biblia kʼꞹ dya ga sʼɇzhi ri tendio kʼꞹ ra zⱥtrʼⱥ kja i mꞹbʼꞹ. Ni jyodʼꞹ ra nge dʼa traducción kʼꞹ na kjuana. a
Usage yo dʼadyo tecnología. Nudya ne Biblia dya ngextrjo bʼꞹbʼꞹ kja skuama, xo bʼꞹbʼꞹ kja formato electrónico. Søø ri zopjꞹ kja Internet o ri søbʼꞹ kja nu computadora, tableta xo ñe kja celular. Janzi Biblia jɇtsʼkʼi ri jyodʼꞹ kja yo nandyo Biblia ja ga mama dʼa versículo, o xo jitsi ja ga mama yo dyaja jñaa de nu Biblia. Ma dya gi nee ri zopjꞹ søø ri dyⱥrⱥtrjo, ya xo i bʼꞹbʼꞹ kja audio. Nan punkjꞹ nee ra dyⱥrⱥji ma pøji kja o bʼɇpji, ma pedyeji o bʼitu, o pje nrre bʼɇpji kjaji kʼꞹ dya ga sʼɇzhi. ¿Ja nge kʼa ri juajnꞹge? ¿Pjenkja dya gi søpꞹge ?
Xe ri jyodʼꞹ jñaa. Bʼꞹnkʼo skuama ke ra mbøxkʼꞹ xe ri tendio kʼo gi zopjꞹ kja ne Biblia. Nzakja yo mapa de yo jñiñi kʼo nⱥdʼⱥ ne Biblia kʼꞹ ra mbøxkʼꞹ ri pa̱ra̱ ñe ri tsjijñi jankje go tsʼaa yo mama ne Biblia. Xo yo artículos kʼꞹ nⱥdʼⱥ ne revista ñe kja nu sección “Kʼo jizhi o Jñaa e Yose” kja nu sitio de Internet jw.org kʼꞹ ra mbøxkʼꞹ ri pa̱rge nan punkjꞹ jñaa de nu Biblia.
Jyombʼꞹ ja rgi ñuge. Bʼꞹma ra xichatsʼꞹ ma ri xørge ne Biblia ndeze nu ja pjꞹrꞹ jesta ni nguarꞹ, nuʼma søø ri xørge tsʼikʼe kʼo ri nee ri pa̱ra̱ yo ntee kʼꞹ nⱥdʼⱥ ne Biblia, søø ri xørge nzi dʼajyo. Nu recuadro “ Xi ri pjechke nu Biblia ma ri pa̱rge yo ntee yo nⱥdʼⱥnu” xo ra mbøxkʼꞹge ma gi nee ri pa̱ra̱ naja angezeji. Xo søø ri xørge por temas o en orden cronológico. ¿Nʼa ma ri søpꞹge najayo?
a Na punkjꞹ ntee kjijñiji ke nu Traducción del Nuevo Mundo de las Santas Escrituras na kjuana, dya ga sʼɇzhi o jñaa. Ne Biblia o dyⱥtrʼⱥ yo testigo e Jehová ixi kjogꞹ kja 130 idiomas nu ja søø ri chøtrʼꞹ. Søø ri søbʼꞹ kja nu sitio de Internet jw.org o kja nu aplicación JW Library. O ma gi nee yo testigo e Jehová søø ra ma zokʼꞹtsʼꞹji kja in nzumꞹ.