Kʼe Armagedón ngeje nu batalla final ma e Diosi ra chu̱u̱ ko yo gobierno yo mandajidya. Nujyo gobiernos ñe kʼo unꞹji favor angezeji dya ⱥtⱥji o autoridad e Diosi ngekʼua dya xo sⱥji kʼo manda angeze (Salmo 2:2). Nu guerra de Armagedón ra kjuatꞹ texe yo gobierno yo mandajidya (Daniel 2:44).

 Ne jñaa Armagedón, ke xo jñu̱sʼꞹji Har–Magedón, dʼatrjo vez gua e̱je̱ kja ne Biblia, tʼøpjꞹ kja ne libro ke ni chju̱u̱ Revelación, o Apocalipsis. Kja ne libro, ba e̱je̱ dʼa profecía ke nⱥdʼⱥ ke “yo rey kja ne xoñijomꞹ” ra jmurꞹji ngekʼua “ra chu̱ji kja kʼe gran día e Mizhokjimi nu Todopoderoso”. Kʼe chu̱u̱ ra tsʼaa “kja dʼa lugar ke kja ne jñaa hebreo ni chju̱u̱ Har–Magedón” (Revelación [Apocalipsis] 16:14, 16).

 ¿Kjo nge kʼo ra chu̱ji kja kʼe Armagedón? E Jesucristo ko texe yo ejército yo bʼꞹbʼꞹ a jensʼe, angezeji ra nrro̱pꞹji o enemigos e Diosi (Revelación 19:11-16, 19-21). Ra chjotꞹjikʼua texe yo dya sⱥji ñe nuji na ꞹꞹ o gobierno e Diosi (Ezequiel 39:7).

 ¿Bʼꞹbʼꞹ dʼa lugar kja ne Xoñijomꞹ ja ra tsʼaa kʼe Armagedón? Iyo. Ra tsʼaa kja texe ne Xoñijomꞹ, dya ngextrjo kja nʼaja lugar (Jeremías 25:32-34; Ezequiel 39:17-20).

 Ne jñaa Armagedón (kja idioma hebreo, Har Meghiddóhn) nee ra mama “Montaña de Meguidó”. Meguidó mi nge dʼa ciudad ke mi bʼꞹbʼꞹ kja ne territorio kua mi mimiji kʼo israelita. Nu historia jizhi ke bɇxtrjonu go chu̱ji batallas decisivas. Ne Biblia nⱥdʼⱥ janziyo (Jueces 5:19, 20; 2 Reyes 9:27; 23:29). Pe, ne jñaa Armagedón dya nee ra mama dʼaja lugar geográfico ke mi bʼꞹbʼꞹ kja kʼe ciudad ke mi chju̱u̱ Meguidó, na ngeje otrjo montaña kja kʼe lugar. Xo ñeje, kja ne valle a Jezreel, nu ja bʼꞹbʼꞹ kʼe Meguidó, dya ri chɇbijikua texe yo ra chu̱ji ko e Diosi. Kʼo na kjuana ngeje ke texe yo potencias políticas kja ne Xoñijomꞹ dʼatrjo kʼꞹ a mbeñeji, ngekʼo kʼe Armagedón ngeje ma texe nujyo potencia ra mbeñeji ra nrro̱pꞹji o gobierno e Diosi.

 ¿Pje ra kjogꞹ kja kʼe Armagedón? Dya ri pa̱ra̱ji ja rga usa o poder e Diosi kja kʼe Armagedón, pe ri pa̱ra̱ji ke søø ra usa kʼo ya go usa mi jingua nzakja: yo ngꞹnrrojo, kʼꞹ me ra mbii ne Xoñijomꞹ, yo inundaciones, kʼꞹ ra jyⱥbʼⱥ sibi ñe azufre, yo yꞹrsibi ñe yo epidemias (Job 38:22, 23; Ezequiel 38:19, 22; Habacuc 3:10, 11; Zacarías 14:12). Kja kʼo paa yo ntee me ra jyooji, ngekʼo dʼa parte o enemigo e Diosi a pøtrʼa chu̱ji, kja ri unꞹji nguenda ke bʼɇmi ngeje e Diosi kʼꞹ na chu̱ji (Ezequiel 38:21, 23; Zacarías 14:13).

 ¿Ra nguarꞹ ne xoñijomꞹ kja kʼe Armagedón? In planeta Tierra dya ra nguarꞹ kja kʼe Armagedón. E Diosi o dyⱥtrʼⱥ ne Xoñijomꞹ ngekʼua ro nga̱ra̱ ntee texe yo paa (Salmo 37:29; 96:10; Eclesiastés 1:4). Ngekʼua, kja kʼe Armagedón dya ra chjotꞹ texe. Ma ra nguarꞹ kʼe Armagedón, xe ra bʼꞹntrjo “una gran muchedumbre” ke ngeji yo siervo leal e Diosi (Revelación 7:9, 14; Salmo 37:34).

 ¿Jizhi ne Biblia ke kja ne Armagedón ra tsʼaa kʼꞹ xiji “fin del mundo”? Kja ne Biblia janzi versículos usa ne jñaa mundo y nee ra mama in planeta Tierra. Pe, kja ne Biblia xo usa ne jñaa ma nee ra mama trexe yo ntee yo dya ⱥtⱥji e Diosi (1 Juan 2:15-17). Ngekʼua ma ri chøtrʼꞹ yo jñaa “fin del mundo”, ja̱a̱ nee ra mama ke kja Armagedón ra chjotꞹji texe yo dya ⱥtⱥji e Diosi (Mateo 24:3, Biblia de Jerusalén).

 ¿Jingua ra tsʼaa kʼe guerra de Armagedón? E Jesús go nⱥdʼⱥ ke ro bʼꞹbʼꞹ dʼa “gran tribulación” ke ra nguarꞹ ko kʼe guerra de Armagedón, go mama: “Pe, kʼe paa ñe nu hora dyakjo pa̱ra̱, ni yo anxe a jensʼe, ni xo o Trʼii e Diosi; ngextrjo nu Tata a jensʼe kʼꞹ pa̱ra̱kʼo” (Mateo 24:21, 36). Zø dya mama pje ma paa ni pje ma hora, ne Biblia jizhi ke kʼe Armagedón ra tsʼaa mientra xe ra bʼꞹbʼꞹ nu período ke ni chju̱u̱ la presencia de Jesús, ke go mbꞹrꞹ kja kʼe kjɇɇ1914 (Mateo 24:37-39).