Apocalipse Wanî Paapa Nenpoꞌpî João Pia Innape Tîkuꞌnenan Nepuꞌtî Ton Pe 18:1-24
18 Moropai mîrîrî tîpo tiaron inserî autî eraꞌmaꞌpîuya kaꞌ poi. Mîîkîrî wanîꞌpî meruntî ke puꞌkuru. Moropai mîîkîrî yaꞌkaruya tamîꞌnawîron yaꞌkaruꞌmaꞌpî tamîꞌnawîrî.
2 Moropai mîîkîrî entaimepîtîꞌpî meruntî ke puꞌkuru.—Kureꞌnan Babilônia iteseꞌ ataretîꞌka pe man!Tarîpai Makui poitîrîtonon koꞌmantoꞌpe eena pe man.Moropai imakuiꞌpî yekatonyamîꞌ nurakon koꞌmamî moro.Tamîꞌnawîronkon toronyamîꞌ nurakonitarumaiꞌsan koꞌmamî miarî.
3 Maasa pra mîîkîrîya tamîꞌnawîronkon pemonkonyamîꞌ woꞌpapîtîꞌpî,tîîpia tîweꞌsen tenîꞌsen ke.Moropai tamîꞌnawîronkon ipîkkukon pata esanon,reiyamîꞌya imakuiꞌpî kupîꞌpî yarakkîrî.Seꞌ tapairî wîriꞌsanyamîꞌ yarakkîrî toꞌ wanîꞌpî.Moropai manniꞌkan warayoꞌkonyemanne keꞌkon tîweꞌrepasanon enaꞌpî ipîkku pe,maasa pra tuꞌkankon wanîꞌpî imakuiꞌpî iteseru yuꞌse
—taꞌpîiya.
4 Mîrîrîya tiaron mai etaꞌpîuya kaꞌ poi. Taꞌpîiya:Epaꞌkatî upemonkonoyamîꞌ.Imakuiꞌpî tînkupîꞌpîkon wenaitîweꞌtarumaꞌtîsanon koreꞌtapaiepaꞌkatî sîrîrî cidade poi.Toꞌ pokonpe aweꞌtarumaꞌtî namai epaꞌkatî.
5 Maasa pra kureꞌne imakuiꞌpî kuꞌsaꞌ toꞌya man Paapa winîkîi.Mîrîrî pîꞌ Paapa enpenatan pîꞌ man,tîîwanmîra ikuꞌsaiꞌya pra.
6 Mîrîrî yeꞌnen mîîkîrî eseꞌma eꞌpai maninkupîꞌpî yepeꞌpî pe.Tîîse yeꞌma eꞌpai awanî eꞌmaiꞌ pe inkupîꞌpî kaisarî pratîîse itentai asakîꞌne iteꞌka.Moropai mîrîrî itenyaꞌ manniꞌ yannîpî eꞌpai awanî maiꞌ ke,aweꞌtarumaꞌtîtoꞌpe mararî pra,tiaronkon tarumaꞌtî tîuya yentai.
7 Mîîkîrî eꞌtarumaꞌtî moropai esewankonoꞌma eꞌpai awanîeꞌmaiꞌ pe aatausinpaꞌpî moropai aatapurîꞌpî warantî.Maasa pra mîî pe eeseurîmapîtîꞌpî tîîwarîrî:—Uurî wanî sîrîrî ipîkkupaꞌ rainha warantî ereutasaꞌ sîrîrî.Moropai taapîtîꞌpîiya: —Uurî wanî pepîn inyo isaꞌmantaꞌpî pe.Eꞌtarumaꞌtî pepîn tiwin kintîîse tîwanmîra uukoꞌmamî—taapîtîꞌpîiya, aatapurî yeꞌka pe.
8 Mîrîrî yeꞌnen tiwin wei tîîsekureꞌnan pata ponkon eꞌtarumaꞌtîtoꞌ erepamî pe man.Moropai kureꞌnan iwan erepamî,moropai esewankonoꞌmantoꞌ erepamî,moropai saꞌmantantoꞌ erepamî,inîmîkîiya pra tîîse.Moropai mîîkîrî yarannîpî apoꞌya pe man.Maasa pra mîîkîrî yenumî Uyepotorîkon Paapaya,meruntî ke puꞌkuru tîwanî yeꞌnen
taꞌpî mai kaꞌ poinonya.
9 Moropai inkamoro ipîkkukon pata esanon reiyamîꞌ yarakkîrî imakuiꞌpî kupîtîponkon, moropai iwenai Paapa piapai atarimaꞌsan tiaron yapurîkonpa, inkamoro entaimepîtî pe man mararî pra. Moropai toꞌ karau pe man, apoꞌ awittasaꞌya mîîkîrî arannîpîꞌpî eraꞌma tîuyaꞌnîkon pîꞌ.
10 Inkamoro koꞌmamî pe man aminke iipiapai, maasa pra mîîkîrî eꞌtarumaꞌtîtoꞌ nama tîuyaꞌnîkon yeꞌnen. Moropai taa toꞌya:—Ane! Ekenne, amîrî wanî ipîkku pe puꞌkuru.Meruntî ke tîweꞌsen pe Babilônia cidaderî wanî teuren.Tîîse tiwin hora kaisarîatarumaꞌtîtoꞌ ton erepansaꞌ sîrîrî tiwinarî
—taa toꞌya.
11 Moropai ipîkkukon yemanne keꞌkon sîrîrî pata ponkon nîrî entaimepîtî pe man. Toꞌ esewankonoꞌma mîrîrî wenai. Maasa pra inîꞌrî anîꞌya toꞌ yemanne, toꞌ eꞌrepatoꞌ, yenna eserîke pra awanî yeꞌnen.
12 Anîꞌya toꞌ ourorî, moropai toꞌ pratarî, moropai tîꞌ epeꞌkeꞌkon puꞌkuru, moropai pérolas yenna pra awanî yeꞌnen, toꞌ esewankonoꞌma pe man. Moropai anîꞌya toꞌ kamisarîkon morîkon puꞌkuru, kamisa suuyukon, moropai kamisa seeta rekkarukon, moropai kamisa ereꞌsinkon, moropai toꞌ eꞌrepatoꞌkon yeikon morîkon moropai ikonekapîꞌsaꞌkon epeꞌkeꞌkon puꞌkuru yeikon, moropai bronze moropai saꞌman ferro, moropai tuꞌkan yenna toꞌya pra awanî yeꞌnen toꞌ esewankonoꞌma.
13 Moropai canela kuyaꞌwari poro toꞌ nîtîrî, moropai yoꞌ wanî wosi, moropai toꞌ nîpoꞌtî aꞌpusin, moropai mirra, moropai karaꞌkon moropai toꞌ wukukon tenîꞌsenkon, moropai kaiwan îꞌ rî puutoꞌkon, moropai trigo kutupan, moropai trigo yenaꞌpî, moropai toꞌ yekînnon paakayamîꞌ, moropai carneiroyamîꞌ, moropai kawareyamîꞌ, moropai toꞌ tararanikon, moropai toꞌ poitîrîtonon, moropai tiwin kin pemonkon ke toꞌ eꞌrepatoꞌ yenna toꞌya pra toꞌ wanî yeꞌnen, toꞌ esewankonoꞌma.
14 Mîrîrî pîꞌ inkamoro yemanne keꞌkonya taꞌpî mîrîrî ipîkku cidade pîꞌ: —Tamîꞌnawîrî ituꞌse awanîꞌpî manniꞌ morîkon ituꞌse eesekaꞌnunkaꞌpî, mîrîrî ataretîꞌkasaꞌ man. Moropai tamîꞌnawîrî ipîkku pe aweꞌtoꞌ ataretîꞌkasaꞌ man, ipatîkarî inîꞌrî eporîya pata pe pra. Tamîꞌnawîron ourokon yennapîtîꞌpîya tarîpai inîꞌrî eporîya pe pra nai.
15 Moropai inkamoro mîrîrî cidade po siꞌma ipîkku pe enaꞌsan, inkamoro koꞌmamî pe man aminke mîîkîrî eꞌtarumaꞌtîtoꞌ pîꞌ, eranneꞌ pe tîwanîkon yeꞌnen. Inkamoro entaimepîtî pe man moropai toꞌ esewankonoꞌma mararî pra ipîꞌ.
16 Inkamoroya taa:—Ane, ekenne amîrî wanîꞌpîkureꞌnan cidade pe ipîkku pe puꞌkuru.Morîkon kamisa ke epontîꞌpî pe epeꞌkeꞌkon yaꞌ.Moropai kamisa suuyukon yaꞌmoropai kamisa epeꞌke ereꞌsinkon yaꞌ epontîꞌpî pe.Moropai morî pe puꞌkuru aatariꞌkuꞌtîꞌpîourokon tîꞌkon epeꞌke ke.Moropai pérolakon ke aatariꞌkuꞌtîꞌpî.
17 Teuren tîîse tiwin hora wanî tanne,tamîꞌnawîrî ipîkku pe aweꞌtoꞌ ataretîꞌkasaꞌ man
—taa toꞌya pe man.
Moropai tamîꞌnawîronkon apoꞌyen yaꞌ teesenyakaꞌmasanon esanonyamîꞌ moropai tamîꞌnawîronkon apoꞌyen yaꞌ tuutîsanon, tuna po teesenyakaꞌmasanon, inkamoro wanîꞌpî aminke ipîꞌ eraꞌmapîꞌse.
18 Mîrîrî cidade awittasaꞌ ureꞌsin eraꞌma tîuyaꞌnîkon yai, inkamoro entaimepîtîꞌpî. —Îꞌ pensa sîrîrî yeꞌka cidade kaisaron eraꞌmasaꞌ pra man —kaiꞌma toꞌ entaimepîtîꞌpî.
19 Moropai inkamoroya kutupan yenunpîtîꞌpî tîpuꞌpaikon pona teesewankonoꞌmakon yeꞌnen. Inkamoro entaimepîtîꞌpî mararî pra moropai toꞌ karawaꞌpî.—Ane, ekenne amîrî kureꞌnan cidadeoꞌnon pata ipîkku pe puꞌkuru anna ena pataꞌseꞌ.Anna enaꞌpî ipîkku pe apoꞌyen esaꞌ pe,tamîꞌnawîrî kureꞌnan tuna po.Teuren tîîse tiwin hora wanî tanne,aataretîꞌkasaꞌ man tamîꞌnawîrî.Inîꞌrî eeseraꞌma pepîn
—taapîtîꞌpî toꞌya.
20 Tîîse taatausinpai puꞌkuru eꞌtîpemonkonyamîꞌ kaꞌ ponkon,sîrîrî cidade imakuiꞌpî pataꞌseꞌ ataretîꞌka yeꞌnen.Taatausinpai puꞌkuru eꞌtî,Paapa pemonkonoyamîꞌ inaipontîꞌsanmoropai manniꞌkan imaimu ekaremeꞌnenan profetayamîꞌ.Maasa pra Paapaya mîrîrî cidade ponkon yenunsaꞌ sîrîrî tarîpai,awinîkîiꞌnîkon inkupîꞌpî wenai.
21 Mîrîrîya tiwin inserî meruntî puꞌkuru eꞌmîꞌsaꞌkaꞌpî kureꞌnan tîꞌ yarakkîrî tenyaꞌ. Moropai mîrîrî tîꞌ yenumîꞌpîiya kureꞌnan tuna, pîrana ka. Moropai taꞌpîiya:—Sîrîrî warantî kureꞌnan Babilônia cidaderîyenumî toꞌya kupî sîrîrî teekoreꞌmai,inîꞌrî eeseraꞌma pe pra man.
22 Mîrîrî yai anîꞌya teꞌnunpasen harpa yeꞌnunpanen eta pepîn.Moropai tiaron teꞌnunpasen toꞌ sinarî yeꞌnunpa eseta pepîn.Moropai flauta toꞌ neꞌnunpa yeꞌnunpanen eta pepîn.Moropai trombeta yeꞌnunpanen eta pepîn.Moropai teesenyakaꞌmasanon eseraꞌma pepîn inîꞌrî.Moropai aꞌ pîꞌ teesenyakaꞌmasanon eseta pe pra man.
23 Moropai aꞌka ton pra awanî pe man,aꞌkumaꞌtu lamparinha ton pra tiwin kin.Moropai taatausinpai tîweꞌmarimasanon maimu eseta pepîn kupî sîrîrî,maasa pra tamîꞌnawîrî ataretîꞌkasaꞌ man.Maasa pra manniꞌkan yemanne keꞌkon tîweꞌrepasanontamîꞌnawîronkon yentai esiꞌsan,inkamoroya tamîꞌnawîronkon sîrîrî pata ponkon yenkuꞌtîꞌpîtetarumukon ke —taꞌpî inserîya.
24 Mîrîrî wenai manniꞌ kureꞌnan Babilônia eꞌtarumaꞌtîꞌpî.Maasa pra mîrîrî cidade po Paapa pemonkonoyamîꞌ tarumaꞌtîꞌpî toꞌya yeꞌnen,moropai manniꞌkan Paapa maimu ekaremeꞌnenan profetayamîꞌ wîꞌpî toꞌya yeꞌnen,Paapaya toꞌ tarumaꞌtîꞌpî.
