Sîrîrî Kaareta Wanî Innape Jesus Kuꞌnenan Judeuyamîꞌ Ton Pe 1:1-14
1 Pena Paapa eseurîmapîtî yai penaronkon utamokon nurîꞌtî yarakkîrî tuꞌke teeseurîmatoꞌ yeseru ton eporîꞌpîiya inkamoro yarakkîrî teeseurîmapa kaiꞌma. Tuꞌke iteꞌka eeseurîmapîtîꞌpî penaronkon tîmaimu ekaremeꞌnenan nurîꞌtî yarakkîrî mîrîrî ekaremeꞌtoꞌpe toꞌya.
2 Tîîse sîrîrî, Cristo, tînmu erepansaꞌ yai, uyarakkîrîꞌnîkon eeseurîmaꞌpî mîîkîrî tînmu wenai. Moropai tînmu wenai Paapaya pata konekaꞌpî. Mîîkîrî menkaꞌpîiya tamîꞌnawîrî itesaꞌ pe aweꞌtoꞌpe kaiꞌma.
3 Mîîkîrî inmu wenai, kureꞌne ipîkku pe tîyun Paapa wanî epuꞌtî. Iwarantî tîwanî wenai, îꞌ kaiꞌma tîyun wanî ekaremekîiya upîꞌnîkon. Mîîkîrîya tamîꞌnawîron sîrîrî pata yapîtanîpî koꞌmannîpî meruntî puꞌkuru tîmaimu ke. Moropai mîîkîrîya pemonkonyamîꞌ nîkupîꞌpî imakuiꞌpî moꞌkaꞌpî. Mîrîrî moꞌkasaꞌ tîuya tîpo kaꞌ po eereutaꞌpî ipîkku pataꞌseꞌ yaꞌ. Tamîꞌnawîronkon esaꞌ tîweꞌsen, Paapa meruntîri winî eereutaꞌpî.
Ipîkku Pe Paapa Munmu Wanî Inserîyamîꞌ Yentai
4 Epuꞌtîꞌnîkon, tîyun pia eereutasaꞌ yeꞌnen, eenaꞌpî ipîkku pe, inserîyamîꞌ yentai. Moropai Paapaya mîîkîrî eseꞌ ton tîrîꞌpî tînmu pe, inserîyamîꞌ, tîpoitîrîtonon eseꞌ yentai.
5 Maasa pra Paapaya taasaꞌ pra man tiwin kin inkamoro inserîyamîꞌ pîꞌ tîîse tînmu pîꞌ neken taꞌpîiya:Unmu puꞌkuru amîrî.Sîrîrîpe tamîꞌnawîronkon pîꞌekaremekîuya sîrîrî,ayun pe puꞌkuru wanî
taꞌpîiya. Moropai taasaiꞌya pra man tiwin kin inserîyamîꞌ pîꞌ:Ayun pe wanî ekaremekîuya sîrîrîMîîkîrî wanî unmu pe puꞌkuru
taasaiꞌya pra man toꞌ pîꞌ.
6 Îꞌ pensa Paapaya eꞌmaiꞌnon tînmu yarima yai sîrîrî non pona, mîîkîrîya taꞌpî:Tamîꞌnawîronkon inserîyamîꞌyamîîkîrî yapurîtoꞌpe kaiꞌma
taꞌpîiya.
7 Moropai Paapa maimu eꞌmenukasaꞌya taasaꞌ:Paapaya inserîyamîꞌ yaipontîtîpoitîrîtonon pe toꞌ wîtîtoꞌpe, toꞌ iiꞌtoꞌpe kaiꞌma.Imaimu pe inkamoro wanî.Aꞌsitunya yaꞌseꞌma imaimu pe warantîmoropai apoꞌ awittasaꞌ imaimu pe warantî,Paapa maimu yawîron pe toꞌ wanî.
taasaiꞌya man.
8 Tîîse tînmu pîꞌ taasaiꞌya, imaimu eꞌmenukasaꞌya:Amîrî wanî Paapa pe puꞌkuru.Tamîꞌnawîronkon esaꞌ pe aakoꞌmamîipatîkarî tîweꞌtîꞌkasen pe pra.Mîrîrî yai tamîꞌnawîronkon koꞌmannîpîya yairî.
9 Morî kuꞌnen pe aweꞌtoꞌpe aweꞌkupîꞌpî.Moropai imakuiꞌpî,Paapa maimu yawîrî tîweꞌsen pepîn piapaiaatarimaꞌpî,ayewanma pe ikupîꞌpîya.Mîrîrî kupîꞌpîya yeꞌnen, Paapa,ayepotorîya amîrî menkaꞌpîtamîꞌnawîronkon esaꞌ pe awanîpa.Ipîkku pe puꞌkuruinkamoro ayonpayamîꞌ yentaiakupîꞌpîiya taatausinpai.
Mîrîrî warantî Paapaya taꞌpî tînmu pîꞌ.
10 Moropai inîꞌrî mîîkîrî pîꞌ taꞌpîiya:Yepotorî Wannî, tamîꞌnawîronkonekatîpon amîrî.Esippiaꞌtî yai, pata moropai kaꞌkonekaꞌpîya ayenya ke puꞌkuru.
11 Mîrîrî ankonekaꞌpî tamîꞌnawîronesonomî kupî sîrîrîtîîse amîrî koꞌmamî ipatîkarî.Tamîꞌnawîrî teeseraꞌmasen ena ipoiꞌpî pepon ena manniꞌ warantî.
12 Mîrîrî yanmakoꞌmaya kupî sîrîrî,mîrîrî moꞌkapa moropai inyakanmapa pon miakanma warantî.Tîîse amîrî koꞌmamî ipatîkarî,îꞌ pensa ipoiꞌpî pe eena pepîn
taꞌpîiya.
13 Moropai Paapaya taasaꞌ pra man inserîyamîꞌ pîꞌ:Ereutakî umeruntîri winîkîiayeyatonon kupîuya pîkîrî amaꞌre
taasaiꞌya pra man inserîyamîꞌ pîꞌ tîîse tînmu pîꞌ neken taꞌpîiya.
14 Mîrîrî yeꞌnen anîꞌkan pe inkamoro inserîyamîꞌ wanî? Inkamoro inserîyamîꞌ wanî tamîꞌnawîrî, pemonkon esaꞌ warantî pra tîîse yekaton pe. Paapa poitîrîtonon pe toꞌ wanî. Moropai inkamoro wanî yarimasaꞌkon pe. Paapa nîpîikaꞌtîkon, ipemonkonoyamîꞌ pîikaꞌtîi yarimasaꞌkon pe toꞌ wanî. Tîîse inkamoro yentai Paapa munmu wanî.
