Sîrîrî Kaareta Wanî Innape Jesus Kuꞌnenan Judeuyamîꞌ Ton Pe 8:1-13
8 Tamîꞌnawîron yentai sîrîrî taa annaya manniꞌ wanî Jesus pîꞌ teeseurîmasen pe awanî. Mîîkîrî Jesus wanî ipîkku pe, kureꞌnan uurîꞌnîkon tonpe teepîremasen esanon yepotorî pe awanî. Mîîkîrî ereutasaꞌ koꞌmamî tamîꞌnawîronkon esaꞌ pe Paapa yaponseꞌ meruntî winî.
2 Moropai miarî siꞌma Paapa pataꞌseꞌ puꞌkuru yaꞌ mîîkîrî esenyakaꞌma koꞌmannîpî teepîremasanon esanon yepotorî pe. Oꞌnon pata Paapa yapurîtoꞌ puꞌkuru pata, intîrîꞌpî pata siꞌma, pemonkonyamîꞌ nîtîrîꞌpî pe pra awanî.
3 Tamîꞌnawîronkon manniꞌkan teepîremasanon esanon yepotorî wanîꞌpî imenkasaꞌkon pe, toꞌ esenyakaꞌmatoꞌpe Paapa pia tîntîrîkon tîrî pîꞌ. Moropai tînpoꞌtîkon tekînkon poꞌtîtoꞌpe toꞌya tonpakon nîkupîꞌpî imakuiꞌpî ton pe, mîrîrî wanîꞌpî toꞌ esenyakaꞌmatoꞌpe. Mîrîrî warantî uurîꞌnîkon ton pe Jesus teepîremasen kureꞌnanya îꞌ tîrî eꞌpai awanîꞌpî uurîꞌnîkon tonpe.
4 Tarî non po tîwanî ya, teepîremasen pe awanî pepîn eꞌpainon. Maasa pra tarî teepîremasen, mîrîrî kuꞌnenan, wanî tîntîrîkon tîînenan îꞌ kaiꞌma Moisés nurîꞌtîya taꞌpî yawîrî kuꞌnenan wanî mîîtoꞌpe. Jesus esenyakaꞌmatoꞌ wanî pepîn Moisés nurîꞌtî nekaremekîꞌpî yawîrî.
5 Tîîse inkamoro teepîremasanon esenyakaꞌmatoꞌ wanî tarî. Mîrîrî wanî kaꞌ po tîweꞌsen patakanen pe neken, moropai itekatonoꞌpî pe awanî. Mîrîrî yeꞌnen îꞌ pensa Paapa yewîꞌ konekaiya ya, Paapaya taꞌpî Moisés pîꞌ:Aka, eꞌtoꞌ yawîrî tamîꞌnawîrî îꞌ taꞌpîuya moropai yenpoꞌpîuya aapia eraꞌmapa manniꞌ wîꞌ po mîrîrî yawîrî mîkupîi
taꞌpîiya.
6 Tîîse Jesusya morî teesenyakaꞌmatoꞌ ton yapiꞌsaꞌ manniꞌkan teepîremasanon esenyakaꞌmatoꞌ yentai. Maasa pra Moisés nurîꞌtî maimu yawîrî toꞌ esenyakaꞌmaꞌpî. Tîîse mîîkîrî Jesus koꞌmamî sîrîrî Paapa moropai pemonkon yarappana tîweꞌsen pe îꞌ kaiꞌma morî pe pemonkon ena emapuꞌtîpa kaiꞌma Paapa yarakkîrî. Mîrîrî warantî eesenyakaꞌmatoꞌ wanî morî pe, eꞌmaiꞌ pe Moisés nurîꞌtî pia tîmaimu esetantoꞌ tîntîrîꞌpî yentai. Maasa pra morî panpîꞌ tîrîuya pe wai aapiaꞌnîkon taasaiꞌya yeꞌnen.
7 Sîrîrî eꞌmaiꞌnon îꞌ taꞌpî Paapaya Moisés nurîꞌtî pîꞌ eꞌsaꞌ ya, eꞌtoꞌ yawîrî, amenan pe inîꞌrî îꞌ taa Paapaya pepîn eꞌpainon.
8 Tîîse Paapaya eraꞌmaꞌpî îꞌ kaiꞌma yairî pra pemonkonyamîꞌ yeseru wanî. Mîrîrî yeꞌnen taꞌpîiya:—Îꞌ pensa amenan mai toꞌ nîkupî tonpekonekauya kupî sîrîrî Israel ponkon tonpe.Moropai Judá nurîꞌtî pemonkonoyamîꞌ ton peikonekauya kupî sîrîrî,
9 manniꞌ pena atamokon tonpe ikupîꞌpîuya warantî pra,îꞌ pensa Egito pata yapai toꞌ moꞌkauya yai ikupîꞌpîuya warantî pra.Maasa pra inkamoro eꞌsaꞌ pra man mîrîrî yawîrî.Mîrîrî wenai inkamoro yewanmîrîꞌpîuya,toꞌ piapai atarimaꞌpî —taꞌpî Uyepotorîkonya.
10 —Sîrîrî kupîuya maasa toꞌ nîkupîton peinsamoro Judeuyamîꞌ tonpe.Awanî pe man see warantî —taꞌpîiya.—Itîrîuya toꞌ esenumenkatoꞌkon yaꞌ,umaimu toꞌ nîkupîkon ton tîrîuyatoꞌ yewan yaꞌ aakoꞌmantoꞌpe,yawîrî ikoꞌmanpai toꞌ eꞌtoꞌpe,tiaronya toꞌ yaipontî pra tîîse.Mîrîrî yai uurî wanî toꞌ yepotorî pemoropai inkamoro wanî upemonkonoyamîꞌ pe.
11 Mîrîrî yai anîꞌya tîîkoꞌmamî yonpa yenupa eserîke pra awanî.Moropai taiya eserîke pra awanî tîwanîyakon pîꞌ:“Paapa epuꞌkî,” taiya eserîke pra awanî.Maasa pra mîrîrî yai tamîꞌnawîronkonya uyepuꞌtî kupî sîrîrî tewankon yaꞌ.Manniꞌkan ipîkku pe pra tîweꞌsanonyamoropai ipîkku pe tîweꞌsanonya uyepuꞌtî kupî sîrîrî.
12 Mîrîrî yai tamîꞌnawîrî uuwanmîra toꞌ nîkupîꞌpî imakuiꞌpî kupîuyatiwin kin ipîꞌ enpenata pepîn
—taꞌpîiya.
13 Inîꞌrî eesetatoꞌkon kupîuya pe wai amenan pe taasaꞌ Paapaya yai, eꞌmaiꞌnon inkupîꞌpî epuꞌtîꞌnîkon tarîpai, penaroꞌ pe awanî moropai aataretîꞌka kupî sîrîrî.
