Sîrîrî Kaareta Paulo Nîmenukaꞌpî Roma Ponkon Pia 9:1-33
9 Îꞌ tauya etatî yairon pîꞌ eseurîma sîrîrî. Uurî wanî Cristo pemonkono pe. Mîrîrî yeꞌnen seruꞌyeꞌ pe eseurîma pepîn. Moropai îꞌ kaiꞌma esenumenkatoꞌ ituꞌna tîweꞌsen mîrîrî ekaremekî Morî Yekaton Wannîya innape yairî eseurîmasaꞌ seruꞌyeꞌ pra.
2 Mîrîrî tanne esewankonoꞌman pîꞌ wai kureꞌne uyewan yaꞌ. Maasa pra upemonkonoyamîꞌ wanî pra awanî yeꞌnen Cristo pemonkono pe.
3 Mîrîrî yeꞌnen inkamoro upemonkonoyamîꞌ eꞌtarumaꞌtîsaꞌ, îꞌ kaiꞌma toꞌ eꞌpîikaꞌtî eserîke pra eraꞌmauya. Mîrîrî yeꞌnen tauya eꞌpainon Paapa pîꞌ: —Paapa, inkamoro eꞌtarumaꞌtîtoꞌ pataꞌseꞌ yaꞌ uutîtoꞌpe paꞌnîꞌkî Cristo piapai, inkamoro uyonpayamîꞌ wîtî namai —tauya eꞌpainon Paapa pîꞌ.
4 Maasa pra inkamoro wanîꞌpî tîpemonkonoyamîꞌ pe Paapa nîmenkaꞌsan pe. Moropai Paapaya toꞌ kupîꞌpî tînmukuyamîꞌ pe. Mîrîrî yeꞌnen morî pe tîweꞌtoꞌ tîrî tîuya taꞌpîiya toꞌ pia. Moropai penaronkon toꞌ yunkonyamîꞌ yarakkîrî Paapa esetaꞌpî. Moropai Moisés pia inkamoro nîkupî ton tînekaremekîꞌpî tîrîꞌpîiya. Moropai Paapaya taꞌpî inkamoro pîꞌ: —Sîrîrî warantî amîrîꞌnîkonya yairî uyapurî eꞌpai man. Moropai inkamoroya îꞌ kupî tîuya taatoꞌ Paapaya yapisîꞌpî.
5 Inkamoro wanî Abraão nurîꞌtî payanîꞌsan pe. Moropai Cristo nîrî wanî toꞌ yonpa pe tarî tîwanî yai pemonkon pe. Mîîkîrî wanî Paapa pe. Tamîꞌnawîron yentaino pe awanî. Mîrîrî yeꞌnen iteseꞌ yapurîꞌnîkon eꞌpai man. “Morî pe puꞌkuru man” taa eꞌpai man tîwîrîrî. Mîrîrî warantî eꞌpai man.
6 Pena Paapaya inkamoro kupîꞌpî morî pe. Tîîse sîrîrî inkamoro koꞌmamî pepîn imaimu yawîrî. Mîrîrî yeꞌnen îꞌ taꞌpî tîuya yawîrî ikupî Paapaya pepîn kaiꞌma eesenumenkakon? Kaane, maasa pra tamîꞌnawîronkon Israelponkon wanî pepîn Paapa pemonkono pe.
7 Maasa pra Paapa pia tamîꞌnawîronkon Abraão payanîꞌsan wanî pepîn ipayanîꞌsan pe puꞌkuru. Îꞌ waniꞌ awanî yeꞌnen? Paapaya taꞌpî Abraão nurîꞌtî pîꞌ:—Manniꞌkan neken anmu Isaque payanîꞌsan inkamoro neken wanî anmukuyamîꞌ pe
—taꞌpîiya Abraão pîꞌ.
8 Mîîkîrî manniꞌ esenpoꞌpî Abraão nurîꞌtî munmu manniꞌ esenpo pe man taꞌpî Paapaya yawîrî. Mîîkîrî wanî Paapa nîmenkaꞌpî pe moropai mîîkîrî payanîꞌsan wanî Paapa nîmenkaꞌsan pe nîrî. Tîîse tiaron manniꞌ esenpoꞌpî Abraão munmu pe wanî pepîn Paapa nîmenkaꞌpî pe. Moropai ipayanyamîꞌ rîꞌsan nîrî wanî pepîn Paapa nîmenkaꞌsan pe. Maasa pra mîîkîrî esenpo taasaiꞌya pra Paapa man mîîtoꞌpe.
9 Tîîse taꞌpîiya:—Inîꞌrî uuipî tiaron konoꞌ yai aapia ayeraꞌmapîꞌse.Mîrîrî yai uuiꞌsaꞌ ya,anoꞌpî Saraya tînre yenpo pe man tiwin warayoꞌ pe,
—taꞌpîiya Abraão pîꞌ.
10 9:10-12 Moropai inîꞌrî taꞌpîiya manniꞌkan Rebeca munkîyamîꞌ pîꞌ eeseurîmaꞌpî. Inkamoro yunkon pe Isaque Paapa nîmenkaꞌpî wanîꞌpî. Mîrîrî warantî Paapaya inkamoro asakîꞌnankon menkaꞌpî maasa tîsankon roꞌta yaꞌ toꞌ tîîse ituꞌse tîwanî yawîrî ikupîꞌpîiya maasa toꞌ esenpo pra tîîse. Mîrîrî yeꞌnen Paapa eseurîmaꞌpî tîmîrî pe Rebeca yarakkîrî. Taꞌpîiya:—Aꞌkî Rebeca, manniꞌ anre eꞌmaiꞌ pe esenpo kupî manniꞌ,mîîkîrî wanî pe man iteꞌmaꞌpî pîꞌ eesenpo kupî manniꞌ mîîkîrî poitîrî pe awanî pe man—taꞌpîiya Rebeca pîꞌ. Mîrîrî taꞌpî Paapaya maasa toꞌ esenpo pra tîîse moropai imakuiꞌpî kuꞌsaꞌ toꞌya pra tîîse moropai morî kuꞌsaꞌ toꞌya pra tîîse Paapaya imenkaꞌpî tiwin, iteseꞌ Jacó.
11 Eraꞌmakî 9:10
12 Eraꞌmakî 9:10
13 Pena Paapa maimu eꞌmenukasaꞌya taasaꞌ man see warantî:—Manniꞌ Jacó wanîꞌpî unsaꞌnama pe kureꞌne, unmenkaꞌpî pe awanîꞌpî.Mîrîrî yeꞌnen ipayanyamîꞌ rîꞌsan nîrî saꞌnamauya.Tîîse manniꞌ Esaú nîmîꞌpîuya, imenkaꞌpîuya pra.Mîrîrî yeꞌnen ipayanyamîꞌ rîꞌsan nîrî menkaꞌpîuya pra awanîꞌpî.
—taasaiꞌya man.
14 Îꞌ taꞌnîkon nai moriya mîrîrî pîꞌ? Paapa wanî morî pe pra mîrîrî kupîiya yeꞌnen taꞌnîkon kaꞌrî? Kaane.
15 Maasa pra taꞌpîiya pena Moisés nurîꞌtî pîꞌ tîmaimu eꞌmenukasaꞌ manniꞌ po:Uurî etîꞌnokoꞌmatoꞌ wanîmanniꞌ ituꞌse uurî eꞌtoꞌ pîꞌ neken.Moropai uurî eꞌwakîma toꞌ wanîmanniꞌ anwakîmapai uurî eꞌtoꞌ pîꞌ,
taꞌpîiya.
16 Mîrîrî yeꞌnen mîrîrî yeꞌka pe awanî pepîn ankuꞌpai pemonkon esenumenka yawîrî awanî pepîn, yekaꞌnunkaiya yawîrî awanî pepîn, tîîse teetîꞌnokoꞌmatoꞌ yawîrî neken Paapaya imenka.
17 Mîrîrî pîꞌ pena Paapa maimu Moisés nurîꞌtî nîmenukaꞌpîya taꞌpî pata esaꞌ pe tîweꞌsen Faraó nurîꞌtî pîꞌ. Taꞌpîiya:—Uurîya mîrîrî warantî pata esaꞌ pe akupîꞌpî.Mîrîrî akuꞌsauꞌya wenai îꞌ kaiꞌma umeruntîri eseraꞌmatoꞌpe awenai tamîꞌnawîrî pata po,kureꞌne ipîkku pe wanî epuꞌtoꞌpe tamîꞌnawîronkonya
—taꞌpîiya.
18 Mîrîrî warantî Paapaya teetîꞌnokoꞌmatoꞌ kupî manniꞌ ituꞌse tîweꞌtoꞌ yarakkîrî moropai itewan saꞌmannîpîiya ituꞌse tîwanî yawîrî ikupîiya.
Tîpemonkono Pe Tiaronkon Menkatoꞌ Paapaya
19 Amîrîꞌnîkon yonpaya taa upîꞌ: —Mîrîrî warantî awanî ya, oꞌnon yeꞌka pe Paapaya uyeserukon yakoꞌmenka eꞌpainon kin? Anîꞌ wanî pepîn tiwin kin ituꞌse Paapa eꞌtoꞌ yentai?
20 Tîîse uwanîyakon, anîꞌ amîrî Paapa yarakkîrî eesiyuꞌpîtîpa? Maasa eraꞌmakî. Manniꞌ kamoteya taa pepîn tîkapîtîpon pîꞌ:—Îꞌ ton pe sîrîrî warantî ukaꞌsaꞌya?
—taiya pepîn. Maasa pra kamote kapîtîponya ikapî ituꞌse tîweꞌtoꞌ yawîrî.
21 Mîîkîrîya ikapî eꞌpainon asakîꞌne kamote mîrîrî rî non ke, tiwin ikapî eꞌpainon morî pe moropai tiaron kapîiya eꞌpainon mararî rî. Oꞌnon yeꞌka pe ituꞌse tîwanî yawîrî ikapîiya.
22 Mîrîrî warantî Paapaya ikupîꞌpî ituꞌse tîweꞌtoꞌ yawîrî. Mannankan imakuiꞌpî kuꞌnenan yaretîꞌkapai awanîꞌpî. Teuren kureꞌne inkamoro yapîtanîpîꞌpîiya toꞌ tarumatî tîuya pra maasa pra ituꞌse awanîꞌpî, kureꞌne teekoreꞌmai tîwanî moropai kureꞌne tîmeruntîri wanî epuꞌtoꞌpe tamîꞌnawîronkonya.
23 Moropai tiaronkon, mannankan iꞌnokoꞌmaꞌsanya epuꞌtoꞌpe îꞌ kaiꞌma morî pe tîweꞌtoꞌ wanî, mannankan pia morî tîrî tîuya kaꞌ po toꞌ koꞌmantoꞌpe tîîpia. Îꞌ kaiꞌma pena teesenumenkaꞌpî yawîrî ikupîꞌpîiya. Anîꞌ amîrî esiyuꞌpî yarakkîrî mîrîrî warantî ikuꞌsaiꞌya pîꞌ?
24 Mîrîrî ikupîꞌpî Paapaya Judeuyamîꞌ ton pe neken pra tîîse ikupîꞌpîiya manniꞌkan Judeuyamîꞌ pepîn ton pe nîrî. Uurîꞌnîkon yannoꞌpîiya.
25 See warantî imenukaꞌpî pena Paapa maimu ekaremeꞌnen Oséias nurîꞌtîya tîkaaretarî po:Mannankan upemonkono pe pra esiꞌsaninkamoro esatîuya tarîpai upemonkono pe.Mannankan unwakîmaꞌsan pepîninkamoro wakîmauya
taꞌpî Paapaya Oséias wenai.
26 Moropai inîꞌrî moro rî taꞌpîiya:Paapaya taꞌpî: —Amîrîꞌnîkon wanî pepîn upemonkono petîîse tarîpai amîrîꞌnîkon wanîuurî Paapa, ipatîkarî tîîkoꞌmansen, munkîyamîꞌ pe —taꞌpî Paapaya,
taꞌpîiya.
27 Moropai pena Paapa maimu ekaremeꞌnen Isaías nurîꞌtî eseurîmaꞌpî Israelyamîꞌ pîꞌ. Taꞌpîiya:Israelyamîꞌ wanî mararî prakasapan warantî tîweꞌsanon petîîse inkamoro koreꞌtapaimararî neken eꞌpîikaꞌtîꞌsan wanî.
28 Maasa pra tiaronkon aretîꞌka Paapaya kaiꞌmapena taꞌpî tîuya yawîrî ikupîiya.Tiwinarî tuꞌkankon pemonkonyamîꞌyaretîꞌkaiya kupî sîrîrî
taꞌpîiya.
29 Moro rî Isaías nurîꞌtî eseurîmaꞌpî pena. Taꞌpîiya:Sîrîrî Paapa meruntî puꞌkuruyaupayankon rîꞌsan nîmîꞌsaꞌ pra awanî ya,tamîꞌnawîrî uurîꞌnîkon yaretîꞌkaꞌpîiya eꞌpainon.Pena Sodoma cidaderî po awanîꞌpî warantîeꞌtîꞌkaꞌnîꞌpî eꞌpainon.Uurîꞌnîkon yaretîꞌkaꞌpîiya eꞌpainon.Moropai Gomorra ponkon yaretîꞌkaꞌpîiya warantî.Tîîse tiaronkon upayankon rîꞌsan pîikaꞌtîꞌpîiya
taꞌpîiya.
Israelyamîꞌya Jesus Maimu Kupî Pra Awanî Innape
30 Îꞌ taꞌnîkon pe nai mîrîrî pîꞌ moriya? Taꞌnîkon kaꞌrî Judeuyamîꞌ pepîn pîꞌ, Paapaya tîpemonkonoyamîꞌ pe tapisîkon yuwasaꞌ toꞌya pra tîwanî pîꞌ? Tîîse Paapaya toꞌ yapisîꞌpî innape tîkuꞌtoꞌ toꞌya wenai.
31 Tîîse manniꞌkan Judeuyamîꞌ, Paapa nîmenkaꞌsanya îꞌ kaiꞌma Paapaya tapisîkon yuwaꞌpî tîîse tiwin kin eporî toꞌya pra awanîꞌpî. Îꞌ kaiꞌma Moisés nurîꞌtîya tenupaꞌpîkon yawîrî yuwaꞌpî toꞌya tîîse eporî toꞌya pra awanîꞌpî.
32 Îꞌ waniꞌ awanî yeꞌnen? Eporî toꞌya pîn maasa pra Moisés nurîꞌtîya yenupantoꞌ yawîrî tîwanîkon wenai, morî pe tîweꞌkuꞌsaꞌkon kaiꞌma, tîîse innape ikupî tîuyaꞌnîkon yawîrî pra. Mîrîrî yeꞌnen inkamoro eꞌpuꞌmaꞌpî tîꞌ pona.
33 Pena Paapa maimu ekaremeꞌnenya ekaremeꞌsaꞌ yawîrî toꞌ eꞌpuꞌmaꞌpî.Maasa eraꞌmatîtîꞌ tîrîuya sîrîrî seeniꞌ wîꞌ pona.Mîrîrî pona toꞌ eꞌpuꞌma kupî sîrîrî.Ipoi toꞌ eꞌpuꞌmasaꞌ yatoꞌ atareꞌmo kupî sîrîrî.Tîîse manniꞌ innape ikuꞌnenaninkamoro wanî pepîn tîweppeꞌse ipîꞌ
taꞌpî Paapa maimu eꞌmenukasaꞌya.
