“Paapa kaꞌ pon ya tiwin governo neepî tiwin kin mîrîrî eꞌtîꞌka pepîn.”​— Daniel 2:44, Tradução do Novo Mundo, português pe.

“Mîîkîrî wanî pe man kureꞌne moropai esaꞌtî tamîꞌnawîronkon yentaino mumu pe . . . mîrîrî reino eꞌtîꞌka pepîn.” — Lucas 1:32, 33, Tradução do Novo Mundo, português pe.

Seeni morî governoya . . .

• apîikaꞌtî morî pe aakoꞌmantoꞌpe.​— Isaías 48:17, 18.

• amenan Pataya priꞌya eꞌnîtoꞌ moropai tausinpanto neepî. — Apocalipse 21:3, 4.

Inna, îꞌ wani awanî eꞌnen:

• Jesusya yenpoikaꞌpî îꞌ kupî Paapa Reinoya. Mîîkîrîya discípuloyamîꞌ yenupaꞌpî toꞌ epîrematoꞌpe Paapa Reino iitoꞌpe moropai ituꞌse Paapa aweꞌto ikonekatoꞌpe tarî Pata pona. (Mateus 6:9, 10) Jesusya yenpoikaꞌpî oꞌnon yeꞌka pe seeni epîremanto aweꞌkupî.

  Tarî Pata pona Jesus koꞌmanpîtîꞌpî yai mîîkîrîya emiꞌne tîweꞌsanon yareꞌton tîrîꞌpî, paran pî tîweꞌsanon yepiꞌtîpîtîꞌpîiya moropai samantaꞌsan  eꞌmîꞌsaꞌkapîtîꞌpîiya. (Mateus 15:29-38; João 11:38-44) Jesus wanî Paapa Reino governante pe. îꞌ kupîꞌpî mîîkîrîya yenpoikaꞌpî morîkon koneka seeni Reinoya yawîronkon pemonkonyamîꞌ tonpe. — Apocalipse 11:15.

• Îꞌ aweꞌkupî tarî Pata po yenpoika Paapa Reinoya koꞌmamî pepîn. Jesusya taꞌpî maasa seeni Reinoya tîwanmî neepî iraurî Pata po, mararî pra epînto, emiꞌnan moropai non eeserentîkîꞌma. — Mateus 24:3, 7.

  Sîrîrîpe, uurînîkonya seeniꞌkon aweꞌkupî eraꞌma manni. Mîrîrî eꞌnen inna taa uurînîkonya Paapa Reinoya tamîꞌnawîrî eꞌtarumaꞌtîntoꞌ eꞌtîꞌka.