Anîꞌya governa ta pata pî?
Îꞌ taa amîrîya . . .
-
Paapa?
-
warayoꞌ?
-
Makui?
Îꞌ TAA BÍBLIAYA
‘Makuiya tamîꞌnawîrî pata governa tawon.’ — 1 João 5:19, Tradução do Novo Mundo, português pe.
“Paapa Munmu erepamîꞌpî sîrîrî non pona . . . Makui esenyakamaꞌpî yarankai.” — 1 João 3:8, Amenan pe Paapaya Uyetatoꞌkon.
Îꞌ TONPE MORÎ PE SEENI EPUꞌTÎ
Seeniya apîikaꞌtî epuꞌtîtoꞌpe amîrîya . . .
yairon yuutoꞌkon eporî îꞌ wani awanî eꞌnen uurînîkon eꞌtarumaꞌtî. — Apocalipse 12:12.
inna taa seeni pata etinyakama morî pataꞌse pe. — Apocalipse 21:3, 4.
INNA TAA UURÎNÎKONYA EꞌPAINO BÍBLIA PÎ?
Inna, îꞌ wani awanî eꞌnen:
-
Makui governori weiyu kon ikoneꞌtisa man. Jeováya Makui governori tîꞌka. Paapaya taꞌpî ‘Makui tîꞌkauya’ moropai tamîꞌnawîrî imakuiꞌpî kuꞌnen Makuiya nîrî. — Hebreus 2:14.
-
Paapaya timu imenkaꞌpî pata governante pe. Pata governante pe Makui man imakuiꞌpî pe tîpî nikin esenumenka. Mîrîrî warantî pra Jesus wanî. Paapaya taꞌpî oꞌnon yeꞌka pe Jesus wanî Rei pe, ‘Jesus esewonkonoꞌma pemonkonyamîꞌ tîweꞌtarumaꞌtîsa nîkon pî moropai îꞌ ton pînon pî, moropai . . . imakuiꞌpî pî eꞌtarumaꞌtîkoiꞌkon pemonkonyamîꞌ pîikaꞌtîiya’. — Salmo 72:13, 14.
-
Paapa mîîkîrî seruꞌye pepîn. Paapa maimuya taꞌpî man: “Paapa mîîkîrî seruꞌye pepîn.” (Tito 1:2) Jeová wanî tiwin Paapa pe yairon pî seurîmakoi — îꞌ taa mîîkîrîya manni, kupîiya! (Isaías 55:10, 11) Inna taa uurînîkonya eꞌpaino, ‘imakuiꞌpî yepotorî yenpaꞌka Paapaya pe man’. — João 12:31.
IMÎꞌPANÎKÎ MOROPAI ESENUMENKAKÎ
Oꞌnon yeꞌka pe pata wanî Makui governori eꞌtîꞌka tîpo?
Bíbliaya seeni ekaranmapoosa yuuku SALMOYA 37:10, 11 moropai APOCALIPSEYA 21:3, 4.
Awakîri pe nîrî mîrîrîkon wanî
ESSENTIAL BIBLE TEACHINGS
Îꞌ wani awanî yeꞌnen Paapaya eꞌtarumaꞌtîntoꞌ nîmîsa?
Îꞌ wani awanî yeꞌnen mararî pra eꞌtarumaꞌtîntoꞌ wanî pata po? Yairon Paapa Maimuya yuuku amîrî tausinpatoꞌpe.
ANÎꞌKON ANNA
Îꞌ wani awanî eꞌnen Bíblia pî esenupa?
Tamîꞌnawîrî pata po tuꞌkankon pemonkonyamîꞌya yuuto eporîꞌpî Bíbliaya ekaranmapoosaꞌkon koꞌmanto pî. Toꞌ warantî eꞌpai yuꞌse nan?
