Tamîꞌnawîrî eꞌtarumaꞌtîntoꞌ eꞌtîꞌka tiwin weiyu yai?
Îꞌ taa amîrîya . . .
-
inna?
-
kaane?
-
taise?
Îꞌ TAA BÍBLIAYA
“Mîîkîrî Paapaya . . . toꞌ karawatoꞌ yaꞌmananîpî toꞌ yenu parukon inîꞌ toꞌ karau namai. Tarî anîꞌ saꞌmanta pepîn. Anîꞌ esewankonoꞌma pepîn. Anîꞌ karau pepîn inîꞌrî. Anîꞌrî neꞌneꞌ moronka pepîn.” — Apocalipse 21:3, 4, Amenan pe Paapaya Uyetatoꞌkon.
Îꞌ TONPE MORÎ PE SEENI EPUꞌTÎ
Amîrîya . . .
epuꞌtî eꞌpaino pemonkonyamîꞌ eꞌtarumaꞌtîntoꞌ kuꞌnen pepîn mîîkîrî Paapa. — Tiago 1:13.
apîikaꞌtî ton epuꞌtî eꞌpaino uurînîkon eꞌtarumaꞌtîntoꞌ epuꞌnen mîîkîrî Paapa. — Zacarias 2:8.
inîmîkî eꞌpaino tamîꞌnawîrî eꞌtarumaꞌtîntoꞌ eꞌtîꞌka. — Salmo 37:9-11.
INNA TAA UURÎNÎKONYA EꞌPAINO BÍBLIA PÎ?
Inna, îꞌ wani awanî eꞌnen:
-
Paapaya eꞌtarumaꞌtîntoꞌ moropai imakuiꞌpî yewanma mîrîrî. Esenumenkakî oꞌnon yeꞌka pe Paapa Jeová esewankonoꞌmaꞌpî pena îꞌ pensa ipemonkonoyamîꞌ eꞌtarumaꞌtî yai. Bíbliaya taꞌpî: “Îꞌ pensa ipemonkonoyamîꞌ eꞌtaruꞌmaꞌtî yai, Jeová nîrî eꞌtarumaꞌtîꞌpî.” — Isaías 63:9, Tradução do Novo Mundo, português pe.
Esewankonoꞌma ke mîîkîrî Paapa îꞌ pensa anîꞌya imakuiꞌpî kuꞌnen tiaronkon pî. Mîrîrî eꞌnen, Paapa maimuya taꞌpî “morîkon pemonkonyamîꞌ mîn iꞌkamonen miaꞌya yewanma Paapaya mîrîrî”. — Provérbios 6:16, 17.
-
Paapa esewankonoꞌma tamîꞌnawîrî uurînîkon pî. Jeováya uurînîkon yeipontî tamîꞌnawîrî eesenumenkatoꞌkon mîrîrî rumakatî Paapa yenyaꞌ ‘mîîkîrîya nikin tamîꞌnawîrî ikoneka amîrînîkon tonpe’. — 1 Pedro 5:7.
Mîîkîrî Reino wenai, Jeováya pemonkonyamîꞌ eꞌtarumaꞌtîntoꞌ tîꞌka mîrîrî koꞌmamî pepîn. (Mateus 6:9, 10) Mîrîrî eꞌnen, mîîkîrîya tamîꞌnawîronkon pîikaꞌtî manniꞌkan mîîkîrî yuwanen yewanya. — Atos 17:27; 2 Coríntios 1:3, 4.
IMÎꞌPANÎKÎ MOROPAI ESENUMENKAKÎ
Îꞌ wani awanî eꞌnen Paapaya eꞌtarumaꞌtîntoꞌ nîmî mîrîrî?
Bíbliaya seeni ekaranmapoosa yuuku ROMANOSYA 5:12 moropai 2 PEDROYA 3:9.
Seeni e’menukasa’ moropai yarimasa’ tîpo, epu’tî pî wai Jeová Maimu Ekaremenenanya mîrîrî yeka’ma î’ sa’tî’pîuya konekato’pe moropai to’ yeserukon e’menuka’pîsa’ jw.org ya mîrîrî yawîrî to’ wanî.