Uurînîkon weiyu yai saꞌme wanî, mîrîrî yeꞌnen eꞌmarimantoꞌ wanî eꞌtarumaꞌtîntoꞌ yarakkîrî. Koꞌmantoꞌ naka wanî eꞌpainon taatausinpai wîttî taawonkon yarakkîrî? Mîrîrî taise wanî saꞌme, tîîse pîikaꞌtîntoꞌ man. Seeni kaareta eseurîma pra man tamîꞌnawîrî eꞌmarimantoꞌ pî, tîîse Paapa panamatoꞌ tîrîiya imaimu eꞌmenukasaꞌ wenai. Amîrîrî wanîya mîrîrî yawîrî, taatausinpai ayewîꞌ taawonkon wanî.