IPANTAKATO 8
Îꞌ wani awanî yeꞌnen Jesus samantaꞌpî?
Tamîꞌnawîronkon tonpe Jesus samantaꞌpî patakarî toꞌ koꞌmantoꞌpe. João 3:16
Seurîwîne wei tîpo Jesus samantaꞌpî, wîriꞌsanyamîꞌ wîtîꞌpî Jesus yuꞌnaꞌtîꞌpî eraꞌmai tîꞌ yakasaꞌya. Tîîse eporîꞌpî toꞌya pra man yawonya. Jesus eꞌmîꞌsaꞌkaꞌpî Jeováya.
Mîrîrî tîpo apóstoloyamîꞌya Jesus eraꞌmaꞌpî.
Jesus eꞌmîꞌsaꞌkaꞌpî Jeováya tiwin inserîꞌpe meruntî ke mararî pra. Mîîkîrî samanta pepîn inîꞌrî. Discípuloyamîꞌya Jesus enuꞌku eraꞌmaꞌpî kaꞌ pona.
Jesus eꞌmîꞌsaꞌkaꞌpî Jeováya moropai imenkaꞌpîiya Rei pe aweꞌtoꞌpe Paapa Reino pona. Apocalipse 11:15
Innî panpî imakuiꞌpî poitîrî pe uurînîkon wanî pepîn, Jesus samantantoya mîrîrî imoꞌkaꞌpî eꞌnen. (Mateus 20:28) Paapaya Jesus tîrîꞌpî aasamantoꞌpe uurînîkon koꞌmantoꞌpe patakarî.
Jeováya Jesus menkaꞌpî kaꞌ po Rei pe aweꞌtoꞌpe. Jesus kaꞌ po sima nîrî Pata governar mîîkîrîya. Jesus yarakkîrî 144 mil kaisîronkon pemonkonyamîꞌ wanîꞌpî Paapa maimu yawîrî eꞌkoiꞌkon. Inkamoro 144 mil kaisîronkon pemonkonyamîꞌ koꞌmantîꞌpî iraurî Pata pona. 144 mil samantaꞌsan eꞌmîꞌsaꞌka mîrîrî tîpo kaꞌ po tîîkoꞌmamîîkonpa. Jesus pokonpe 144 mil kaisîronkon pemonkonyamîꞌ enasaꞌ Rei pe. Paapa Reino pî inkamoro wanî kaꞌ po. (Apocalipse 14:1-3)
Paapa Reinoya Pata etinyakama Paraíso pe. Innî panpî pemonkonyamîꞌ ekorema pepîn, tiaronkon iwî toꞌya pepîn. Iwan tonpra wanî. Pemonkonyamîꞌ yemannenkon wanî. Tamîꞌnawîrî pemonkonyamîꞌ taatausinpa Paraísoya. (2 Pedro 3:13)
Awakîri pe nîrî mîrîrîkon wanî
ESSENTIAL BIBLE TEACHINGS
Îꞌ wani awanî yeꞌnen Jesus saꞌmantaꞌpî?
Jesus saꞌmantanto wanî morî pe puꞌkuru, taa Paaapa Maimuya. Jesus saꞌmanta yuꞌse Paapa wanîꞌpî?
ENPANATA
Enpanatakî Jesus samantanto pî
Anna tausinpasa man amîrî eta’pîse anna pokonpe aweto’pe seeni emurukontînto ta. Amîrî esenupa o’non ye’ka pe Jesus ko’manto moropai samantantoya apîika’tî e’painon.
KAARETAꞌKON MOROPAI SIꞌMÎRIKÎ KAARETAꞌKON
Samantaꞌsan ennaꞌpo inîꞌrî toꞌ koꞌmantoꞌpe?
Anîꞌ awaakîri samantaꞌpî? Îꞌ taa Bíbliaya manni apîikaꞌtî.
