IPANTAKATO 7
Anîꞌ pe Jesus wanîꞌpî?
Jeováya Jesus yarimaꞌpî Pata pona. 1 João 4:9
Paapa taatausinpa yuꞌse eꞌpai wanîya, imu Jesus nîrî etaaya. Adão koneka tîuya iraurî, pena Jeováya tiwin inserî konekaꞌpî kaꞌ po.
Mîrîrî tîpo, Jeováya timu yarimaꞌpî maasaron wîriꞌ roꞌtaya. Iteseꞌ Maria. Eesenpotoꞌpe Belém pona. Mariaya iteseꞌ ton tîrîꞌpî Jesus pe. (João 6:38)
Tarî Pata pona, Jesus esenumenkaꞌpî Paapa warantî. Mîîkîrîya tamîꞌnawîrî konekaꞌpî Jeová warantî konekaiya. Jesus wanîꞌpî morî pe, moropai iwaakîri pe pemonkonyamîꞌ wanîꞌpî Jeová warantî. Jesus yarakkîrî eꞌpai pemonkonyamîꞌ wanîꞌpî. Jesusya pemonkonyamîꞌ yenupapîtîꞌpî aranneꞌpe pra Jeová yairon pî.
Morî konekaꞌpî Jesusya, tîîse tîwanmakonpe kupîꞌpî toꞌya. 1 Pedro 2:21, 22
Judeuyamîꞌ esaꞌnonya Jesus kupîꞌpî tîwanmakonpe. Îꞌ ton pe? Seruꞌyeꞌpe Paapa pî toꞌ seurîmapîtîꞌpî taasa Jesusya eꞌnen. Inkamoro wanîꞌpî imakuiꞌsan pe.
Jesusya nîrî priꞌyawonkon pepîn yepiꞌtîꞌpîiya moropai samantaꞌsan eꞌmîꞌsaꞌkaꞌpîiya.
Judeuyamîꞌ esaꞌnon seurîmapîtîꞌpî seruꞌyeꞌpe Jesus pî Romanoyamîꞌ pia. Mîrîrî eꞌnen Romanoyamîꞌ esaꞌnonya iꞌpoꞌpîtîꞌpî moropai iwîꞌpî toꞌya.
