IPANTAKATO 3
Pena oꞌnon yeꞌka pe Adão moropai Eva koꞌmanto wanîꞌpî Jardim do Éden Pata pona?
Jeováya mararî pra morîkon yemannen ton tîrîꞌpî Adão moropai Eva pia. Gênesis 1:28; Atos 17:25
Jeováya emainon wîriꞌ konekaꞌpî, iteseꞌ Eva. Mîîkîrîya tîrîꞌpî Adão pia inoꞌpî pe aweꞌtoꞌpe. (Marcos 10:6, 7)
Jeováya toꞌ konekaꞌpî morî pe imakuiꞌpî tonpra.
Tîwanmîn pataya toꞌ koꞌmanto wanîꞌpî, iteseꞌ Jardim do Éden. Toꞌ pataꞌse wanîꞌpî morî pe puꞌkuru. Tuna, yei eperukon moropai oꞌmaꞌkonyamîꞌ wanîꞌpî.
Jeová seurîmapîtîꞌpî toꞌ yarakkîrî moropai toꞌ yenupapîtîꞌpîiya. Mîîkîrî etaasa toꞌya ya, toꞌ koꞌmanpîtîꞌpî eꞌpaino patakarî.
Jeováya taꞌpî tiwin yei eperu tînaase pra eꞌtî. Gênesis 2:16, 17
Tiwin inserî enaꞌpî Paapa maimu yawîrî pra. Mîîkîrî inserî
enaꞌpî imakuiꞌpî pe, iteseꞌ Makui. Seruꞌye pe seurîmaꞌkoi Paapa pî.
Jeováya taꞌpî Adão moropai Eva pî tiwin yei eraꞌmatî Jardim do Éden pona. Maasa mîrîrî eperu enaasakonya, aasamantakon.
Adão moropai Eva yuꞌse pra Makui wanîꞌpî Jeová maimu yawîrî toꞌ wanî namai. Mîrîrî eꞌnen, îkîi seurumaꞌpî Eva yarakkîrî. Yei eperu enaasaya, amîrî samanta pepîn. Enaasaya epuꞌnen pe amîrî ena Paapa warantî. Tîîse nikin seruꞌyeꞌpe aweꞌsa mîrîrî. (Gênesis 3:1-5; 1 Timóteo 2:14)
Awakîri pe nîrî mîrîrîkon wanî
ESSENTIAL BIBLE TEACHINGS
Îꞌ wani awanî yeꞌnen Paapaya Pata konekaꞌpî?
Uurînîkon pataꞌse man morî pe. Paapaya pata tîrîꞌpî aminke puꞌkuru pra wei pî, pata eraꞌtî kaneꞌpe yairî. Îꞌ wani awanî yeꞌnen pata koneka yuꞌse Paapa wanîꞌpî?
