IPANTAKATO 14
Oꞌnon yeꞌka pe Jeová maimu yawîrî uurînîkon wanî eꞌpainon?
Jeová yarakkîrî eꞌkî. 1 Pedro 5:6-9
Amîrî serukon tîwî inîmîꞌkî mîrîrî yeꞌka tonpra man Bíbliaya. Aranneꞌpe pra mîrîrî koneka eꞌpai wanîya.
Políticaya tîwonse pra eꞌtî.
Paapa Reino pî inna taa políticoyamîꞌ wanî pepîn.
Yairon menkakî. Paapa etaakî. Mateus 7:24, 25
Jeová Maimu Ekaremeꞌnenan emurukontînto pia attîꞌkî. Inkamoroya amîrî pîikaꞌtî Paapa epuꞌtîpa.
Innî panpî Paapa pî esenupaꞌkî moropai yawîrî ipî wanî.
Kureꞌne îꞌ pensa innape awanîya, epîremaꞌkî Paapa pî. Moropai taaya Paapa pî amîrî wanî mîîkîrî poitîrîꞌpe patakarî. Moropai amîrî esenpatakona. (Mateus 28:19)
Paapa etaakî. Bíblia erenkakî. Moropai esaꞌkî Jeová Maimu Ekaremeꞌnenan pî apîikaꞌtîtoꞌpe Bíblia epuꞌtîpa. Moropai amîrî esenupaꞌpî warantî konekaya. Seeni warantî aakoꞌmamî patakarî. (João 17:3)
Awakîri pe nîrî mîrîrîkon wanî
EMURUKUNTÎTO’KON
Îꞌ eꞌkupî Testemunhas de Jeová Emurukontîntoꞌ Pataꞌseya?
Vídeo eraꞌmakî moropai epuꞌtîya!
ANÎꞌKON ANNA
Emurukuntîtoꞌ eraꞌmakî
Inîꞌ panpî epuꞌtîkî anna emurukuntîtoꞌkon pî. Emurukuntîtoꞌ pataꞌseꞌ eporîkî apataꞌseꞌ pia.
