IPANTAKATO 12
Oꞌnon yeꞌka pe amîrî moropai apemonkonoyamîꞌ taatausinpai wanî eꞌpainon?
Tîpemonkonoyamîꞌ waakîrikon pokonpe taatausinpai koꞌmamî. Efésios 5:33
Paapaya taꞌpî tiwin nikin wîriꞌ yarakkîrî warayoꞌ eꞌmariꞌma toꞌpe. Moropai wîriꞌ nîrî eꞌmariꞌma tiwin nikin warayoꞌ yarakkîrî.
Tîwaakîri pe tîꞌnoꞌpî pî mîîkîrî wanî, mîrîrî eꞌnen pîikaꞌtîiya moropai itarîmaꞌtî inyoꞌya pepîn.
Tinyoꞌ nîrî pîikaꞌtînen mîîkîrî inoꞌpî.
Imukuyamîꞌ ayunkon moropai asankon maimu yawîrî eꞌtî.
Warayoꞌ tiaron wîriꞌ yarakkîrî tîweꞌse pra eꞌkî. Amîrî nîrî wîriꞌ tiaron warayoꞌ yarakkîrî tîweꞌse pra eꞌkî. Morî konekaꞌkî anoꞌpî tarumaꞌtî pra moropai anyoꞌ nîrî tarumaꞌtî pra eꞌkî. Colossenses 3:5, 8-10
Paapa maimuya taꞌpî man tîꞌnoꞌpî yapurîtoꞌpe warayoꞌya tîwarantîrî. Moropai mîrîrî warantîrî inoꞌpîya tinyo namatoꞌpe taꞌpî.
Tîweꞌmaritîmaiꞌpra eseꞌnîto wanî yairîpra. Nura mîrîrî. Anoꞌpî yarakkîrî nikin eꞌkî.
Bíbliaya apemonkonoyamîꞌ yenupa taatausinpai aakoꞌmankonpa.
Awakîri pe nîrî mîrîrîkon wanî
KAARETAꞌKON MOROPAI SIꞌMÎRIKÎ KAARETAꞌKON
Oꞌnon yeꞌka pe noꞌpî, inyoꞌ moropai imukuyamîꞌ koꞌmamî eꞌpaino taatausinpai?
Tiaronkon pemonkonyamîꞌya taꞌpî man tîpemonkonyamîꞌ tausinpato iipî pîrata wenai, tîîse mîrîrî wanî yairon pe?
