IPANTAKATO 13
Îꞌ koneka eꞌpainon Paapa yapurîtoꞌpe?
Imakuiꞌpî tîkonekai pra eꞌkî. 1 Coríntios 6:9, 10
Jeová yapurî uurînîkonya, mîîkîrî yewanma îꞌ koneka pepîn.
Eꞌtariꞌpe pra, amaꞌyeꞌpe pra moropai kawayu pî pra. Tiaronkon drogayamîꞌ pî tîweꞌse pra nîrî amîrî yuꞌse Jeová wanî.
Tiaron warayoꞌ yarakkîrî tîweꞌsen mîîkîrî warayoꞌ, moropai tiaron wîriꞌ yarakkîrî nîrî tîweꞌsen mîîkîrî wîriꞌ. Mîrîrî yuꞌse pra Paapa wanî. Tiaronkon pemonkonyamîꞌ tîwîi pra. Maasa aroꞌtaya more wanî tanne tîwîi pra. Paapa yewanma mîrîrî. Moropai tiaronkon yarakkîrî ekoremantoꞌ, yuꞌse pra Paapa wanî. Pîrata yapurî yuꞌse pra Jeová wanî. Paapa yewanma mîrîrî.
Warayoꞌkon konekaꞌpî miaꞌke imagemyamîꞌ, yapurî uurînîkonya yuꞌse pra Paapa wanî. Eꞌmîimanto moropai piaꞌsanyamîꞌ pî tîweꞌse pra eꞌtî. Samantaꞌsan yarakkîrî moropai imakuiꞌsan înserîyamîꞌ pî nîrî, teeseurîmaꞌse pra eꞌtî. Mîrîrî Paapa yewanmakon nîrî.
Imakuiꞌpî konekanenan pemonkonyamîꞌ, koꞌmanto tonpra wanî Pata Paraíso pona.
Morî nikin konekaꞌkî. Mateus 7:12
Paapa taatausinpa, îꞌ koneka amîrîya mîîkîrî warantî.
Tamîꞌnawîronkon pemonkonyamîꞌ pîikaꞌtîya, moropai morî konekaꞌkî.
Yairon konekaꞌkî.
Jeová pî tiaronkon yeurîmaꞌkî. (Romanos 10:13-15)
Awaakîri pe pemonkonyamîꞌ kuꞌkî, moropai imakuiꞌpî toꞌ nîkonekaꞌpî mîrîrî kuꞌkî awanmîra.
Awakîri pe nîrî mîrîrîkon wanî
ESSENTIAL BIBLE TEACHINGS
Tamîꞌnawîron soosi wanî morî pe Paapa pia?
Mararî pra pemonkonyamîꞌya taa: “Îꞌ wani pra man oꞌnon yeꞌka soosi imenkauya.”
ANÎꞌKON ANNA
Îꞌ wani awanî eꞌnen Bíblia pî esenupa?
Tamîꞌnawîrî pata po tuꞌkankon pemonkonyamîꞌya yuuto eporîꞌpî Bíbliaya ekaranmapoosaꞌkon koꞌmanto pî. Toꞌ warantî eꞌpai yuꞌse nan?
