Pemonkonyamîꞌ koꞌmantoꞌpe morî pe taatausinpai yuꞌse Paapa wanî tarî Pata po. Mîîkîrîya Pata konekaꞌpî moropai tamîꞌnawîrî îꞌ wanî manni seeni Pata po kupîꞌpîiya, pemonkonyamîꞌ saꞌnamaiya yeꞌnen. Amenrî, Paapaya morîkon tîrî pemonkonyamîꞌ pia tamîꞌnawîrî pata po. Mîîkîrîya tamîꞌnawîrî ­eꞌtarumaꞌtîntoꞌ tîꞌka. — Erenkakî Apocalipse 21:3-5.

Tiwin kin governoya ekoremanto, paran moropai ­samantanto nîrî tîꞌkasa pra man. Tîîse morîkon yekare man. Amenrî, Paapaya governoyamîꞌ inkama mîrîrî tîpo Paapa governo ­nikin wanî. Paapa maimu yawîronkon pemonkonyamîꞌ ­koꞌmamî tîwanmînya moropai priꞌya pe toꞌ wanî. — Erenkakî Apocalipse 11:15; 21:4.

Tamîꞌnawîrî eꞌtarumaꞌtîntoꞌ eꞌtîꞌka, îꞌ pensa Paapaya imakuiꞌsan pemonkonyamîꞌ tîꞌkasa pe tarî Pata pai. (2 Tessalonicenses 1:8) Îꞌ pensa mîrîrî eꞌkupî? Paapa Maimu eseurîmaꞌpî îꞌ aweꞌkupî manni sîrîrîpe. Mîrîrîya yenpo amenrî Paapaya tamîꞌnawîrî imakuiꞌpî tîꞌka. — Erenkakî 2 Timóteo 3:1-5.

Paapa pî uurînîkon esenupatoꞌpe Imaimu yapai, Bíbliaya. Bíblia mîrîrî kaareta yeꞌka morî yunkon piapai uurînîkon ­tonpe. Bíbliaya taa oꞌnon yeꞌka pe uurînîkon koꞌmamî morî pe sîrîrîpe moropai oꞌnon yeꞌka pe koꞌmantoꞌpe ipatîkarî tarî Pata po. Moro pemonkonyamîꞌ man Bíblia pî amîrî esenupatoꞌpe yuꞌse pra toꞌ wanî. Tîîse koꞌmanto ipatîkarî tînîmîi pra. Îꞌ wani awanî yeꞌnen? Koꞌmantoꞌpe ipatîkarî wanî yeꞌnen morî pe puꞌkuru. — Erenkakî Mateus 5:11; Apocalipse 14:6, 7.