Imakuiꞌpî iipiaꞌtîꞌpî Pata po, îꞌ pensa Makuiya eꞌmaiꞌpe seruꞌ ekaremeꞌkîꞌpî pata pai. Morî inserî pe awanîꞌpî, tîîse “Makui eꞌnîmîsa pra man yaironya”. (João 8:44 NWT) Pemonkonyamîꞌya mîîkîrî yapurîtoꞌpe yuꞌse wanîꞌpî Paapa yentai. Seruꞌye pe Makui eseurîmaꞌpî Eva pî, mîîkîrî yawîrî Eva wanîꞌpî Paapa maimu yawîrî aweꞌsa pra man. Adão moropai Eva enaꞌpî Paapa maimu yawîrî pra. Yawîrî ­pra eꞌto imenkaꞌpî Adãoya mîrîrîya eꞌtarumaꞌtîntoꞌ ­moropai samantanto neepîꞌpî. — Erenkakî Gênesis 3:1-6, 19.

Paapa maimu yawîrî pra Eva kupîꞌpî Makuiya, ekoremanto ­iipiaꞌtîꞌpîiya Paapa iwinîkîi governar taiya namai tamîꞌnawîronkon pî. Makui warantî, mararî pra pemonkonyamîꞌ man Paapa yuꞌse pra toꞌ wanî Governante pe. Mîrîrî yeꞌnen, Makui enasa “Pata ­governante pe”. — Erenkakî João 12:31.

Tamîꞌnawîron Paapa nîkonekaꞌpî wanî morî pe. Pemonkonyamîꞌ moropai inserîyamîꞌ konekaꞌpî Paapaya tîmaimu yawîrî toꞌ eꞌtoꞌpe. (Tiago 1:17) Paapaya uurînîkon konekaꞌpî moropai nîmîꞌpîiya imenkatoꞌpe uurînîkonya morî ou imakuiꞌpî kuꞌtoꞌpe. Îꞌ pensa morî kupî imenka uurînîkonya mîrîrîya yenpo Paapa ­saꞌnamanen uurînîkon. — Erenkakî Tiago 1:13, 14; 1 João 5:3.

Adão moropai Eva pata pai, sîrîrî tîpose Makuiya seeni Pata governar ta toꞌpe nîmîꞌpî Paapaya. Îꞌ tonpe? Pemonkonyamîꞌya ­eraꞌmatoꞌpe Paapa tonpra governa ta wanî morî pe pra. (Eclesiastes 7:29; 8:9) Mîrîrî epuꞌtî  uurînîkonya 6 mil konoꞌ tîpo. Governoyamîꞌya epînto, paran ­moropai imakuiꞌpî areꞌtîꞌka pra man. — Erenkakî Romanos 9:17.

Warayoꞌkon governoyamîꞌ warantî pra, Paapa governoya seeni yuꞌse eꞌkoiꞌkon pîikaꞌtî. (Isaías 48:17, 18) Jeováya tamîꞌnawîronkon governoyamîꞌ tîꞌka. Paapa governori imenkasa pemonkonyamîꞌya manni koꞌmamî Pata po. — Hebreus 8:10, 11. — Erenkakî Apocalipse 11:15.

Seeni panton eraꞌmakî Îꞌ wani awanî yeꞌnen Paapaya eꞌtarumaꞌtîntoꞌ nîmîsa?

Makuiya taꞌpî Paapa Jeová pî anîꞌya Paapa yapurî pepîn moropai saꞌnama pepîn. Mîrîrî wanî yairon pepîn yenpo yuꞌse nan? Mîrîrî kupî amîrîya eꞌpainon! Paapa Jeováya tamîꞌnawîron seeni konoꞌ tîpose nîmîsa man uurînîkon pîikaꞌtîtoꞌpe. Uurînîkonya yenpotoꞌpe Paapa governori winîkîi uurînîkon wanî ou warayoꞌkon governori winîkîi. Îꞌ kupî uurînîkonya yenpo anîꞌ winîkîi uurînîkon wanî. — Erenkakî Apocalipse 12:10; Tiago 4:8.

Paapa imenka eꞌpainon uurînîkon Governante pe, îꞌ pensa Paapa yapurî uurînîkonya oꞌnon yeꞌka pe taa Bíbliaya manni. (João 4:23) Makui yuꞌse pra uurînîkon wanî governante pe. Mîrîrî yeꞌnen políticaya, epîntoya, uurînîkon ewomî pepîn, Jesus ewonsa pra man. — Erenkakî João 17:14.

Makuiya tîmeruntîri yenkama nura moropai imakuiꞌpî kuꞌtoꞌpe. Îꞌ pensa uurînîkonya seenikon kupî pra wanîya, ­uyonpakon waakîri pe pra uurînîkon wanî. (1 Pedro 4:3, 4) Mîrîrî yeꞌnen, uurînîkonya tiwin ­imenkato koneka. Paapa saꞌnamanenan pemonkonyamîꞌ yarakkîrî uurînîkon asarî? Îꞌ imenukasa manni Bíbliaya yawîrî uurînîkon wanî? Îꞌ pensa Paapa maimu yawîrî uurînîkon wanîya, seruꞌye mîîkîrî Makui eꞌto yenpo uurînîkonya. Mîîkîrîya taꞌpî anîꞌ wanî pepîn Paapa maimu yawîrî. — Erenkakî 1 Coríntios 15:33; Apocalipse 22:15.

Eꞌtarumaꞌtîntoꞌ moropai imakuiꞌpî tîꞌka Paapaya pemonkonyamîꞌ saꞌnamaiya yeꞌnen. Inna taawonan manni seeni pî koꞌmamî ipatîkarî tarî Pata po. — Erenkakî 1 João 4:10.