Morî yekare pe wanî pemonkonyamîꞌ koꞌmantoꞌpe ipatîkarî Pata pona, Paapa Maimu wanî. (Apocalipse 21:3, 4) Bíbliaya 66 kaisirî siꞌmîrikî pe kaaretakon man. Paapaya 40 kaisironkon warayoꞌkon tîmaimu yawîronkon yeipontîꞌpî Bíblia imenukatoꞌpe toꞌya. Moisésya eꞌmaiꞌnon kaaretakon miaꞌ taikin imenukaꞌpî, 3.500 konoꞌ suwaꞌkaꞌpî wenairî. Apóstolo Joãoya Bíblia atareꞌtîꞌka Apocalipse kaaretarî imenukaꞌpî innî panpî 1.900 konoꞌ kaisirî. Anîꞌ esenumenkatoꞌkon imenukasa manni ­Bíbliaya? Paapa eseurîmaꞌpî Bíblia imenukaꞌpîsan yarakkîrî morî yekaton wenai. (2 Samuel 23:2) Inkamoroya Paapa esenumenkatoꞌkon nikin imenukaꞌpî, toꞌ esenumenkatoꞌkon pepîn. Mîrîrî yeꞌnen, îꞌ imenukasa wanî manni Bíbliaya Jeová esenumenkatoꞌkon mîrîrî. — Erenkakî 2 Timóteo 3:16; 2 Pedro 1:20, 21.

Seeni panton eraꞌmakî Anîꞌ Esenumenkatoꞌkon wanî Bíbliaya?

Epuꞌtî pî uurînîkon man Bíblia wanî Paapa Maimu pe, tamîꞌnawîrî îꞌ aweꞌkupî ekaremeꞌkîiya yeꞌnen yairon pe. Anîꞌya mîrîrî kupî pepîn. (João 17:17) Paapa nikin mîîkîrî tamîꞌnawîrî meruntî ke îꞌ taaiya manni aweꞌkupî. — Erenkakî Isaías 42:9; 46:10.

Bíblia wanî tamîꞌnawîron tiaronkon kaaretakon warantî pra, Paapa piapai mîrîrî iipî yeꞌnen. Mararî pra ­pemonkonyamîꞌ pia Bíblia wanî toꞌ maimuya. Bíblia mîrîrî kaareta penaron, tîîse inna taaiya ciência pî. 40 kaisironkon warayoꞌkonya Bíblia imenukaꞌpî moropai tamîꞌnawîrî inna taa pî toꞌya mîrîrî pî. * ­Bíbliaya yenpo pî man Jeová waakîri pe puꞌkuru pemonkonyamîꞌ wanî, Bíblia wanî meruntî ke, mîrîrî yeꞌnen pemonkonyamîꞌ koꞌmanto inkamaiya morî pe. ­Mîrîrî yeꞌnen mararî pra ­pemonkonyamîꞌya inna taa Bíblia pî, Paapa ­Maimu pe awanî yeꞌnen. — Erenkakî 1 Tessalonicenses 2:13.

Seeni panton eraꞌmakî Oꞌnon yeꞌka pe epuꞌtî uurînîkonya eꞌpainon Bíblia wanî yairon pe?

Bíblia eseurîma pî man mararî pra morîkon yekare pî, îꞌ kupî Paapaya tîmaimu yawîronkon pemonkonyamîꞌ tonpe. Bíbliaya taꞌpî oꞌnon yeꞌka pe eꞌmaiꞌnon warayoꞌ Adãoya, tîîkoꞌmanto ­Paraíso Pata ­nîmîꞌpî ipatîkarî, moropai taꞌpîiya oꞌnon yeꞌka pe Pata ennaꞌpo inîꞌrî Paraíso pe. — Erenkakî Apocalipse 21:4, 5.

Paapa Maimu wanî leis esaꞌ pe, princípios esaꞌ pe moropai panamatoꞌkon wanî nîrî. Mîrîrîya uurînîkon pîikaꞌtî eꞌpainon ­taatausinpai uurînîkon eꞌtoꞌpe. Bíbliaya taꞌpî îꞌ konekaꞌpî ­Paapaya ­morîkon pemonkonyamîꞌ tonpe moropai imakuiꞌsan ­tonpe nîrî — mîrîrî pî uurînîkon esenupa eꞌpainon oꞌnon yeꞌka pe Paapa wanî. Mîrîrî yeꞌnen, Bíbliaya apîikaꞌtî eꞌpainon Paapa epuꞌtîpa. Bíbliaya taa oꞌnon yeꞌka pe amîrî ena eꞌpainon Paapa wanîyakon pe. — Erenkakî Romanos 15:4; Tiago 2:23; 4:8.

Seeni Paapa kaaretarîya apîikaꞌtî Bíblia epuꞌtîpa. Seeni Paapa kaaretarîya kupî oꞌnon yeꞌka pe Jesusya ikupîꞌpî warantî. Jesus eseurîmapîtîꞌpî tiwin texto bíblico pî moropai tiaron texto ­bíblico pî “Jesusya Paapa Maimu epuꞌtî toꞌya ­emapuꞌtîꞌpî”. — Erenkakî Lucas 24:27, 45.

Morîkon yekare wanî manni Paapa pia uurînîkon tonpe, mîrîrîya uurînîkon nîmî taatausinpai mararî pra. Tîîse, mîrîrî wanî pemonkonyamîꞌ ­waakîri pe pra, moropai tiaronkonya ­seeni morîkon Paapa yekare pîinama pepîn. Tîîse mîrîrî pî amîrî ­esewankonoꞌma pepîn. Amîrî koꞌmantoꞌpe ­ipatîkarî Paapa epuꞌtî eꞌpai wanî. — Erenkakî João 17:3.