ESENUPANTOꞌ 02

Paapa yekareya uurînîkon yausinpa

YE'NUNPA

Tamîꞌnawîrî Pata poro pemonkonyamîꞌ eꞌtarumaꞌtîn pî man. Mîrîrî wenai imakuiꞌpî pe toꞌ esenumenka, toꞌ esenwankonoꞌma, neꞌneꞌ pe toꞌ wanî. Mîrîrî eꞌkupîꞌpî amîrî yarakkîrî? Taise amîrî esewankonoꞌma paran wenai moropai awakîri ayonpa saꞌmantaꞌpî yeꞌnen. Amîrî esenumenka: ‘Tiaron pensa naka tamîꞌnawîrî morî pe ena?’ Paapa Maimuya yuꞌtoꞌ eporîya moropai atausinpa.

1. Paapa Maimuya oꞌnon yeꞌka morî yekare neepî?

Paapa Maimuya taꞌpî man îꞌ wani awanî yeꞌnen eꞌtarumaꞌtîntoꞌ wanî Pata po. Paapa Maimuya nîrî morî yekare ekaremekî: inîꞌrî eꞌtarumaꞌtîntoꞌ ton pra wanî. Îꞌ taa Paapa Maimuya manniya morî yekare yairon neepî, ‘îꞌ morî antîîpai wai aapiaꞌnîkon’ tapîiꞌya. (Eraꞌmakî Jeremias 29:11, 12.) Seeni morî yekareya apîikaꞌtî eꞌtarumaꞌtîntoꞌ yentai awanîpa meruntî ke. Moropai sîrîrîpe nîrî apîikaꞌtîiya taatausinpai awanîpa ipatîkarî.

2. Îꞌ taa Paapa Maimuya manni eꞌkupî kupî sîrîrî?

Îꞌ taasaꞌ Paapa Maimuya manni eꞌkupî kupî sîrîrî. Paapa Maimuya taꞌpî man “tarî anîꞌ saꞌmanta pepîn. Anîꞌ esewankonoꞌma pepîn. Anîꞌ karau pepîn inîꞌrî.” (Eraꞌmakî Apocalipse 21:4.) Sîrîrîpe tiaronkon pemonkonyamîꞌ man îꞌ ton pra, eꞌtarumaꞌtîntoꞌ, saꞌmantantoꞌ, tîîse mîrîrîkon eꞌtîꞌka kupî sîrîrî. Paapa Maimuya taꞌpî man pemonkonyamîꞌ wanî tarî Pata po taatausinpai.

3. Oꞌnon yeꞌka pe wanî amîrî pia îꞌ taasaꞌ Paapa Maimuya eꞌkupî tamîꞌnawîrî?

Pemonkonyamîꞌ man morî pe Pata ena yuꞌse. Tîîse morî pe mîrîrî ena epuꞌtî toꞌya pra toꞌ wanî. Tîîse Paapa Maimu mîrîrî tîponaron, îꞌ taasaiꞌya manni eꞌkupî. Inna taaya eꞌpainon Paapa Maimu pî esenupaya mîrîrî epuꞌtîya. (Atos 17:11) Paapa Maimu pî esenupaya, amîrî pîikaꞌtîiya inna taa amîrîya mîrîrî pî yairî wanî, yairî pra.

ESENUPAKÎ INÎꞌ PANPÎꞌ

Eraꞌmakî îꞌ taasaꞌ Paapa Maimuya manni eꞌkupî kupî sîrîrî. Eraꞌmakî nîrî oꞌnon yeꞌka pe morî Paapa yekareya pemonkonyamîꞌ pîikaꞌtîsaꞌ.

4. Paapa Maimuya taꞌpî man uurînîkon koꞌmamî eꞌpainon aweꞌtarumaꞌtîi pra

Seeni imenukasaꞌ itokoya manni taꞌpî man îꞌ taasaꞌ Paapa Maimuya manni eꞌkupî kupî sîrîrî. Oꞌnon yeꞌka nen awakîrikon pe? Îꞌ wani awanî yeꞌnen seeniꞌkon menkasaꞌya?

Seeni yekare eraꞌmakî Paapa Maimuya. Mîrîrî tîpo seeni itoko manni pî eseurîmatî:

Seeni Paapa yekareya naka pîikaꞌtî eꞌpainon? Seeniya naka apemonkonon moropai ayonpa pîikaꞌtî eꞌpainon?

Esenumenkakî îꞌ pensa morî pe pata ena yai

ANÎ . . .	TAMÎꞌNAWÎRONKON PIA MORÎ PE WANÎ . . .
ena pepîn neꞌneꞌ pe, aꞌyekeꞌton pe, noꞌsanton pe moropai anî saꞌmanta pepîn. — Isaías 25:8.	maasa pra saꞌmantasan pemonkonyamîꞌ eraꞌma inîꞌrî tarî Pata po. — João 5:28, 29.
wanî pepîn priꞌya pra moropai maꞌtîkî pe. — Isaías 33:24; 35:5, 6.	maasa pra priꞌya eꞌnî moropai meruntî ke. — Jó 33:25.
eꞌtarumaꞌtî pepîn imakuiꞌsan pîkînsaꞌ. — Isaías 32:16, 17.	maasa pra yaꞌreꞌ ton wanî, toꞌ esenyakaꞌmantoꞌ wanî, morî pe toꞌ yewîꞌ ton wanî. — Salmo 72:16; Isaías 65:21, 22.
aweꞌtarumaꞌtî pepîn epîntoꞌ pîkînsaꞌ. — Salmo 46:9.	maasa pra tamîꞌnawîronkon koꞌmamî tîîwanmîra. — Salmo 37:11.
esewankonoꞌma pepîn imakuiꞌpî pîkînsaꞌ. — Isaías 65:17.	maasa pra toꞌ koꞌmamî ipatîkarî morî pe puꞌkuru. — Salmo 37:29.

5. Îꞌ taa Paapa Maimuya manni eꞌkupî kupî sîrîrî, mîrîrîya akoꞌmantoꞌ kupî morî pe

Mararî pra sokoroꞌ pe pemonkonyamîꞌ man, toꞌ esewankonoꞌma eꞌtarumaꞌtîntoꞌ eraꞌmatîiyaꞌnîkon yeꞌnen, imakuiꞌpî pe tamîꞌnawîrî Pata poro. Mîrîrî yeꞌnen pemonkonyamîꞌ esenyakaman pî man morî pe Pata ena yuꞌse toꞌ wanî. Eraꞌmakî Paapa Maimuya morîkon yekarekon wanî mîrîrî yeꞌnen pemonkonyamîꞌ wanî taatausinpai. Panton eraꞌmatî. Mîrîrî tîpo seeni itoko manni pî eseurîmatî:

PANTON ERAꞌMATOꞌPE: Morî pe pata ena yuꞌse uurî wanîꞌpî (4:07)

Îꞌ wenai Rafika esewankonoꞌmaꞌpî moropai aweꞌtarumaꞌtîꞌpî?
Îꞌ imakuiꞌpî eraꞌmaꞌpîiya tîîse mîrîrî eꞌtîꞌkaꞌsa pra man. Tîîse oꞌnon yeꞌka pe Paapa Maimuya Rafika pîikaꞌtîꞌpî?

Morîkon yekare wanî manni Paapa Maimuya uurînîkon pîikaꞌtî meruntî ke eꞌtoꞌpeꞌnîkon inîꞌ panpîꞌ. Eraꞌmatî Provérbios 17:22 moropai Romanos 12:12. Mîrîrî tîpo seeni itoko manni pî eseurîmatî: