Oꞌnon yeꞌka pe uurînîkon esenupa morî pe seeni pî?
Jeová Maimu ekaremeꞌnen yarakkîrî esenupakî: Esenupatoꞌ ton saꞌkî amîrî pia kaareta tîîsaiꞌya manni yapai, esenupatoꞌ ton saꞌkî nîrî site ya jw.org.
EꞌMAIꞌPE
Imenukasaꞌ eraꞌmakî, ekaranmaposaꞌkon yarakkîrî, tîponarî ikîꞌpîsaꞌ (A). Paapa Maimu imenukasaꞌ manni “eraꞌmakî”. Tiaronkon Paapa Maimu eꞌmenukasaꞌ manni eraꞌmakî nîrî (B), mîrîrîya yairon yenpo.
IPÎKÎRON
“Esenupakî Inîꞌ Panpîꞌ” itoko wanî manni pî, îꞌ pî esenupaꞌpî eraꞌmaya (C). Seeni numerokonya (1, 2, 3, . . .) (D) eseurîmantoꞌ wanî inîꞌ panpîꞌ. Paapa Maimu eꞌmenukasaꞌ eraꞌmakî, ekaranmaposakon yuukî moropai panton eraꞌmatî (vídeoya) (E).
Ikîꞌpasaꞌ yekatonkon eraꞌmakî moropai eꞌmenukasaꞌ (F), manni eseurîmantoꞌya “Tiaronkonya taa” eraꞌma tîpo esenumenkakî mîrîrî pî (G).
TEESEURÎNO
Amîrî esenupaꞌpî tîpo eraꞌmaya “Îꞌ pî esenupaꞌpî nan?” moropai “Enpanatapaiꞌnîkon” (H). Imenukakî îꞌ pensa esenupatoꞌ yareꞌtîka tîpo. “Inîꞌ panpîꞌ ikonekakî” (I) mîrîrîya morîkon panamatoꞌ tîrî aapia. “Inîꞌ Panpîꞌ esenupaꞌpai nan?” mîrîrî man itoko (J) amîrîya eporî inîꞌ panpîꞌ esunupaya Paapa Maimu pî.
Oꞌnon yeꞌka pe imenukasaꞌ eporîya Paapa Maimuya?
Eꞌmaiꞌpe yenpo manni kaareta Paapa Maimuya (A). Mîrîrî tîpo capítulo wanî (B) moropai versículo/versículos (C). Mîrîrî panpe, João 17:3 mîrîrî man João kaareta pe, capítulo 17, versículo 3.
