Esenumenkakî sanya tînre epontî mîîkîrî wîtîtoꞌpe esenupantoꞌ yewîꞌ ta. Eraꞌmaiya nura pe pra tîpon wanî moropai morî pe epontîsaꞌ. Mîrîrî wanî morî pe puꞌkuru tînre pia moropai mîrîrî eraꞌma tiaronkonya, moropai taa toꞌya: “Morî pe tîyunkonya tînre eraꞌma pî man!”. Nura pe pra tîmukuyamîꞌ eꞌtoꞌpe yuꞌse tîyunkon wanî, mîrîrî warantî uurînîkon eꞌtoꞌpe yuꞌse Jeová wanî nîrî nura pe pra esenumenkatoꞌ ya moropai uyesaꞌkon ya. Morî pe puꞌkuru wanî uurînîkon pia nura pe pra eꞌnîtoꞌpe, mîrîrî wenai Jeová yapurî uurînîkonya.

1. Oꞌnon yeꞌka pe nura pe pra uyesaꞌkon wanî eꞌpainon moropai tamîꞌnawîrî koꞌmannîtoꞌ ya?

Jeováya taa pîꞌ man ‘imakuiꞌpî winîpai uurînîkon atarimatoꞌpe moropai morî pe eꞌnîtoꞌpe.’ (1 Pedro 1:16) Morî pe eꞌnîtoꞌpe, nura pe pra eꞌpai uurînîkon wanî esenumenkantoꞌ ya, uyesaꞌkon ya, moropai tamîꞌnawîrî koꞌmannîtoꞌ ya. Mîrîrî yeꞌnen eꞌpî eꞌpai uurînîkon wanî tîkoꞌnarî, wîttî kuima eꞌpai uurînîkon wanî moropai uurînîkon yensekon rona eꞌpai wanî nîrî. Emurukuntîntoꞌ Pataꞌseꞌ rona uurînîkonya eꞌpainon. Mîrîrîkon wenai Jeová yapurî uurînîkonya. — 2 Coríntios 6:3, 4.

2. Îꞌ yeꞌka imakuiꞌpî yeserukonya uurînîkon kupî eꞌpainon nura pe?

Paapa Maimuya taa pîꞌ man: “Nura kupî pîꞌ koꞌmannîtoꞌ rumakapaiꞌnîkon, imakuiꞌpî pîꞌ esenumenkantoꞌ rumakapaiꞌnîkon, imakuiꞌpî koꞌmamî namai uyewankon yaꞌ.” (2 Coríntios 7:1) Mîrîrî yeꞌnen atariman eꞌpai wanî imakuiꞌpîkon piapai, mîrîrîkonya uyesaꞌkon moropai uurînîkon esenumenkantoꞌ maꞌta namai. Jeová yausinpa yuꞌse uurînîkon wanî, uurînîkon esenumenkatoꞌ wenai. Mîrîrî yeꞌnen, imakuiꞌpî uurînîkon esenumenkatoꞌkon rumaka uurînîkonya. (Salmo 104:34) Nura pîꞌ teeseurîmapai pra uurînîkon wanî nîrî. — Eraꞌmakî Colossenses 3:8.

Îꞌ konya nîrî uurînîkon kupî eꞌpainon nura pe? Kawayu iwunatoꞌ moropai drogas (drugs) yenkaꞌma eꞌpai pra uurînîkon wanî, mîrîrîya uyesaꞌkon maꞌtanîpî eꞌpainon. Mîrîrî koneka uurînîkonya ya, uurînîkonya yenpo uukoꞌmantoꞌkon Jeová nîtîrîꞌpî saꞌnama uurînîkonya. Oꞌnon yeꞌka pe uurînîkon esenumenkatoꞌ moropai uyewankon wanî eꞌpainon nura pe pra? Epe eꞌpai uurînîkon wanî nurakon piapai. Îꞌ mîrîrî nurakon? Masturbação moropai pornografia. (masturbation/pornography) (Salmo 119:37; Efésios 5:5) Saꞌme wanî taise epetoꞌpe nurakon piapai, tîîse Jeováya uurînîkon pîikaꞌtîꞌ eꞌpainon mîrîrî kuꞌtoꞌpe. — Eraꞌmakî Isaías 41:13.

 ESENUPAKÎ INÎꞌ PANPÎꞌ

3. Uyesaꞌkon nura pe pra Jeová yausinpa

Îꞌ pensa eraꞌma uurînîkonya yai îꞌ taꞌpî Jeováya manni Israel ponkon pî, uurînîkon esenupa pî man morî pe puꞌkuru wanî Jeová pia nura pe pra tîpemonkonoyamîꞌ eꞌtoꞌpe. Eraꞌmatî Êxodo 19:10 moropai 30:17-19. Tarîpai seeni itoꞌkoꞌ manni pî eseurîmatî:

• Îꞌ ekaremekî seeni Paapa Maimu imenukasaꞌkonya îꞌ pî Jeová esenumenka nura pe pra eꞌtoꞌ pî?

• Îꞌ yeꞌka morî yeserukonya apîikaꞌtî nura pe pra aakoꞌmantoꞌpe?

Tiaron pensa saꞌme wanî nura pe pra koꞌmantoꞌpe. Tîîse, mîrîrî koneka uurînîkonya eꞌpainon oꞌnon pata uurînîkon koꞌmamî ya, îꞌ wani pra wanî ipîkku pe uurînîkon wanî ya moropai îꞌ ton pî non saꞌne uurînîkon wanî ya. PANTON eraꞌmatî. Mîrîrî tîpo seeni itoꞌkoꞌ manni pî eseurîmatî:

• Îꞌ waniꞌ awanî yeꞌnen tamîꞌnawîrî uyemannekon kupî eꞌpai uurînîkon wanî nura pe pra, morî pe Paapa Maimu ekaremekî yai?

4. Imakuiꞌpî ayeserukon rumakakî

Kawayu moropai drogas (drugs) yenyakaꞌmaya ya, epuꞌtîya saꞌme wanî mîrîrîkon rumakatoꞌpe. Îꞌ ya apîikaꞌtî eꞌpainon? Esenumenkakî oꞌnon yeꞌka pe mîrîrî wanî morî pe pra aapia. Eraꞌmatî Mateus 22:37-39. Tarîpai seeni itoꞌkoꞌ manni pî eseurîmatî:

• Oꞌnon yeꞌka pe kawayuya moropai drogasya (drugs) pemonkon yarima Jeová piapai?

• Oꞌnon yeꞌka pe kawayu moropai drogas (drugs) morî pe pra wanî tîpemonkonoyamîꞌ pia moropai itonpakon pia?

Esenumenkakî îꞌ kupîya eꞌpainon imakuiꞌpî ayeserukon rumakapa. a (Imenukasaꞌ Itoꞌko Eraꞌmakî – Nota) PANTON eraꞌmatî.

Filipenses 4:13. Tarîpai seeni itoꞌkoꞌ manni pî eseurîmatî:

• Paapa Maimu pî esenupa, Paapa pî epîrema moropai emurukuntîntoꞌkon ta wîtî tîkoꞌnarî, oꞌnon yeꞌka pe mîrîrîkonya uurînîkon pîikaꞌtî eꞌpainon imakuiꞌpî uyeserukon rumakatoꞌpe?

 5. Meruntî ke eꞌkî: imakuiꞌpî eesenumenkatoꞌkon moropai imakuiꞌpî ayeserukon rumakakî

Eraꞌmatî Colossenses 3:5. Tarîpai seeni itoꞌkoꞌ manni pî eseurîmatî:

• Oꞌnon yeꞌka pe epuꞌtî uurînîkonya sexting, pornografia moropai masturbação (pornography/masturbation) wanî Jeová yewanma pe? b (Imenukasaꞌ Itoꞌko Eraꞌmakî – Nota 1)

• Nura pe pra eꞌnî naka ituꞌse Jeová eꞌtoꞌ warantî? Îꞌ waniꞌ awanî yeꞌnen?

Eraꞌmakî îꞌ kupîya eꞌpainon imakuiꞌpî esenumenkatoꞌkon rumakapa. PANTON eraꞌmatî.

Jesus ekaremekîꞌpî îꞌ koneka eꞌpai uurînîkon wanî nura pe pra eꞌnîtoꞌ pe. Eraꞌmatî Mateus 5:29, 30. Tarîpai seeni itoꞌkoꞌ manni pî eseurîmatî:

• Taasaꞌ Jesusya pra man imakuiꞌpî kuꞌtoꞌpe uurînîkon pî rî, tîîse uurînîkon moꞌtanîtoꞌpe, taꞌpîiya. Îꞌ kupî uurînîkonya eꞌpainon imakuiꞌpî pî uurînîkon esenumenka namai? c (Imenukasaꞌ Itoꞌko Eraꞌmakî – Nota 2)

Saꞌme wanî tanne aapia imakuiꞌpî esenumenkatoꞌkon rumakaya ya, mîrîrî epuꞌtî Jeováya moropai apîikaꞌtîiya aakoꞌmamîpa. Eraꞌmatî Salmo 103:13, 14. Tarîpai seeni itoꞌkoꞌ manni pî eseurîmatî:

• Saꞌme wanî ya aapia imakuiꞌpî esenumenkatoꞌkon rumakatoꞌpe, oꞌnon yeꞌka pe seeni imenukasaꞌya apîikaꞌtî eꞌpainon meruntî ke awanîpa?

 Îꞌ PÎ ESENUPA PÎ NAN?

Nura pe pra uyeserukon, esenumenkatoꞌkon moropai uurînîkon uyesaꞌkon wanî ya, mîrîrîya Jeová yausinpa.

Enpanatapaiꞌnîkon

• Îꞌ wanîꞌ awanî yeꞌnen morî pe wanî nura pe pra eꞌnî tamîꞌnawîrî?

• Oꞌnon yeꞌka pe nura pe pra amîrî esaꞌ wanî eꞌpainon?

• Oꞌnon yeꞌka pe nura pe pra aakoꞌmamî eꞌpainon esenumenkatoꞌ ya moropai îꞌ kupî uurînîkonya manni wenai?